Bollywood News: କୋରିଓଗ୍ରାଫର ମୁଦାସର ଖାନଙ୍କ ବିବାହ ଉତ୍ସବରେ ବଲିଉଡ୍ ଭାଇଜାନ୍, ଭିଡିଓ ଭାଇରାଲ

Bollywood News: ବଲିଉଡର ବେଶ୍ ପରିଚିତ କୋରିଓଗ୍ରାଫର ମୁଦାସର ଖାନ ତାଙ୍କ ପ୍ରେମିକା ରିୟାଙ୍କୁ ବିବାହ କରିଛନ୍ତି। ମୁଦାସର-ରିୟାଙ୍କ ବିବାହ ଉତ୍ସବରେ ପହଞ୍ଚିଥିଲେ ସୁପରଷ୍ଟାର ସଲମାନ ଖାନ ।

Bollywood News: ବଲିଉଡ ସୁପରଷ୍ଟାର ସଲମାନ ଖାନ (salman khan) ନିଜ ବ୍ୟକ୍ତିତ୍ୱ ପାଇଁ ସବୁବେଳେ ପ୍ରଶଂସକଙ୍କ ପ୍ରିୟ ହୋଇପାରିଛନ୍ତି । ନିକଟରେ ବଲିଉଡ ଭାଇଜାନଙ୍କ ଏକ ନୂଆ ଭିଡିଓ ଭାଇରାଲ୍ ହୋଇଛି । ଯେଉଁଥିରେ ଦେଖିବାକୁ ମିଳିଛି ଯେ, ସଲମାନ ଖାନ କୋରିଓଗ୍ରାଫର ମୁଦାସର ଖାନ (choreographer mudassar khan) ଏବଂ ରିୟା କିଶାନଚାନ୍ଦନୀଙ୍କ ବିବାହ ଉତ୍ସବରେ ପହଞ୍ଚିଥିଲେ । ଭିଡିଓରେ ଦେଖିବାକୁ ମିଳିଛି ଯେ, ସଲମାନ ଖାନଙ୍କ ଉପସ୍ଥିତି କାରଣରୁ ସମସ୍ତଙ୍କ ମୁହଁରେ ଏକ ଭିନ୍ନ ଖୁସି ରହିଥିଲା । ସଲମାନ ଖାନ ସବୁବେଳେ ପାର୍ଟି ଏବଂ ଇଭେଣ୍ଟରେ ଲାଇମଲାଇଟରେ ରହିଥାନ୍ତି ।

ମୁଦାସର-ରିୟାଙ୍କ ବିବାହ କାର୍ଯ୍ୟକ୍ରମରେ ସଲମାନ କଳା ରଙ୍ଗର ପୋଷାକ ପିନ୍ଧିଥିଲେ । ଏଥିସହିତ ବରକୁ ଆଲିଙ୍ଗନ କରୁଥିବା ଭିଡିଓରେ ଦେଖିବାକୁ ମିଳିଛି । ମୁଦାସର ଖାନ ସେହି ମୁହୂର୍ତ୍ତର ଭିଡିଓଟିକୁ ନିଜ ଇନଷ୍ଟାଗ୍ରାମ ଷ୍ଟୋରୀ (Instagram Stories)ରେ ସେୟାର କରିଛନ୍ତି । ଏଥିସହ ସେ ଲେଖିଛନ୍ତି ଯେ, 'ଏହି ମୁହୂର୍ତ୍ତଟି ମୋ ହୃଦୟରେ ସର୍ବଦା ସ୍ମରଣୀୟ ହୋଇ ରହିବ।' କୋରିଓଗ୍ରାଫର ମୁଦାସର ଖାନଙ୍କ ବିବାହରେ ସଲମାନଙ୍କ ଏଣ୍ଟ୍ରୀକୁ ନେଇ ଅନେକ ଚର୍ଚ୍ଚା ଆଲୋଚନା ମଧ୍ୟ ହୋଇଛି ।

Post- 

Latest: dashing Megastar #SalmanKhan at @mudassarkhan1's Wedding.pic.twitter.com/DAU2JAeDFF

— MASS (@Freak4Salman) December 3, 2023

ଆପଣଙ୍କୁ କହିରଖିବାକୁ ଚାହୁଁ ଯେ, ମୁଦାସର ଖାନ ଜଣେ ପ୍ରସିଦ୍ଧ ବଲିଉଡ କୋରିଓଗ୍ରାଫର । ମୁଦାସର ଖାନ ସଲମାନ ଖାନଙ୍କ ସହ ଅନେକ ଚଳଚ୍ଚିତ୍ରରେ କାମ କରିଛନ୍ତି। ସେ ତାଙ୍କ ପ୍ରେମିକା (Girlfriend) ରିୟା କିଶନଚାନ୍ଦନୀଙ୍କୁ ବିବାହ କରିଛନ୍ତି। ତାଙ୍କ ସୋସିଆଲ ମିଡିଆ ପେଜରେ ଏହି ଖୁସି ଖବର ସେୟାର କରିବା ସମୟରେ ମୁଦାସର ଖାନ ଲେଖିଥିଲେ ଯେ, ଦୁନିଆର ସବୁଠାରୁ ସୁନ୍ଦର ମଣିଷଙ୍କୁ ସେ ବିବାହ କରିଛନ୍ତି । ଏକଥା ଲେଖି ସେ ରିୟାଙ୍କୁ ଟ୍ୟାଗ୍ କରିଥିଲେ ।

ସୂଚନାଯୋଗ୍ୟ, ନିକଟରେ ସଲମାନ ଖାନଙ୍କୁ କ୍ୟାଟ୍ରିନା କୈଫ ଏବଂ ଇମ୍ରାନ ହାସମିଙ୍କ ସହ 'ଟାଇଗର-3'ରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରଟି ବକ୍ସ ଅଫିସରେ ଖୁବ୍ ହିଟ୍ ହୋଇଥିଲା । ପ୍ରଶଂସକମାନେ ଏହି ସିନେମାକୁ ନେଇ ଅନେକ ଚର୍ଚ୍ଚା ଆଲୋଚନା କରିଥିଲେ । 'ଟାଇଗରଜ-3'ର ନିର୍ଦ୍ଦେଶନାର ଭାର ସମ୍ଭାଳିଥିଲେ ମନୀଷ ଶର୍ମା ।