Entertainment News: ଜୀ ସାର୍ଥକର ମେଗା ଧାରାବାହିକ 'ମଧୁର ସଂସାର'ରେ ଆସିବ ନୂଆ ଟ୍ବିଷ୍ଟ୍

Entertainment News: ଓଡିଶାର ନମ୍ବର-୧ ମନୋରଞ୍ଜନ ଚ୍ୟାନେଲ ଜୀ-ସାର୍ଥକ ଓଡିଶାର ସାଂସ୍କୃତିକ ଐତିହ୍ୟରେ ଅନୁପ୍ରାଣିତ ଓ ପ୍ରଗତିଶୀଳ ଓଡିଆ ମହିଳାମାନଙ୍କ ସହ ଦୀର୍ଘ ଦିନର ସୁସମ୍ପର୍କକୁ ମଜବୁତ କରିବା ପାଇଁ ସବୁବେଳେ ଚେଷ୍ଟାରତ। ସେହି ପରିପ୍ରେକ୍ଷୀରେ ନୂଆ ବର୍ଷରେ ଆରମ୍ଭ ହୋଇଥିବା ମେଗା ଧାରାବାହିକ ‘ମଧୁର ସଂସାର’ ଦର୍ଶକଙ୍କ ମନକୁ ଛୁଇଁବାରେ ସଫଳ ହୋଇଛି ।

ମଧୁ ଜଣେ ସରଳ, ଅତିରିକ୍ତ ଏବଂ ଖୋଲା ମନୋଭାବର ଝିଅ ଯିଏ ଏକକ ପରିବାରରୁ ଆସି ଏକ ଯୌଥ ପରିବାରରେ ବିବାହ କରିଛି ଏବଂ ଏହାର ଅସୁବିଧା ଓ ସୁବିଧାକୁ ମଧ୍ୟ ଅନୁଭବ କରିଛି | ବାହା ହୋଇଛି ମାନସଙ୍କୁ, ଯିଏ ଏକ ମିଳିତ ପରିବାର ପୃଷ୍ଠଭୂମି ସହିତ ଏକ ସାଧା ସିଧା ଓଡ଼ିଆ ବ୍ୟକ୍ତି । କାହାଣୀଟି ଆଗକୁ ବଢୁଥିବାରୁ ମଧୁ ଏବଂ ମାନସ ପରସ୍ପରକୁ ବିବାହ କରିବାକୁ ପ୍ରସ୍ତୁତ ହୋଇଛନ୍ତି ମାନସଙ୍କ ମା଼ଆ ସୁଲେଖା ଙ୍କ ଆରାଜି ସତ୍ୱେ । ତେବେ ମାନସଙ୍କ ପରିବାରର ସମସ୍ତ ତିକ୍ତ-ମଧୁର ପାର୍ଥକ୍ୟକୁ ଏଡ଼ାଇ ମଧୁ ନିଜର ସଂସାର ଗଢିବାକୁ ସମର୍ଥ ହେବେ କି? ମାନସ ଓ ମଧୁର ସମ୍ପର୍କ ପ୍ରକୃତରେ ମାନସଙ୍କ ପରିବାରକୁ ଏକ ରଖିପାରିବାକୁ ସକ୍ଷମ ହେବ କି, ଏମିତି ବହୁ ପ୍ରଶ୍ନର ଉତ୍ତରରେ ରହିଚି ମେଗା ଧାରାବାହିକ "ମଧୁର ସଂସାର"।

ଆସନ୍ତା ସପ୍ତାହରେ ହେବାକୁ ଯାଉଛି ମଧୁ ଓ ମାନସଙ୍କର ବାହାଘର । ଯେଉଁଥିରେ ଆପଣମାନେ ଦେଖିବାକୁ ପାଇବେ ଓଡ଼ିଆ ଘରର ପରମ୍ପରା ଓ ରୀତିନୀତି ଅନୁଯାୟୀ ଦୁହିଁଙ୍କର ବାହାଘର । ଆପଣମାନେ ପ୍ରେମ, ଶ୍ରଦ୍ଧା ଓ ଶୁଭକାମନା ଦେଇ ଦୁହିଁଙ୍କୁ ଆଶୀର୍ବାଦ ଦେବେ । ପ୍ରତ୍ୟେକ ସୋମବାରରୁ ରବିବାର ସନ୍ଧ୍ୟା ୭ରୁ ମେଗା ଧାରାବାହିକ ‘ମଧୁର ସଂସାର ପ୍ରସାରିତ ହେଉଛି ''। ଓଡିଆ ମହିଳାମାନଙ୍କର ସଂସ୍କୃତି ଏବଂ ସରଳତାକୁ ପ୍ରତିଫଳିତ କରୁଥିବା ଚରିତ୍ରର ଅସାଧାରଣ କାହାଣୀ, ଜୀ-ସାର୍ଥକ ସଦା ସର୍ବଦା ତାର ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଓଡ଼ିଆ ଦର୍ଶକଙ୍କୁ ଦେଖାଇ ଆସିଛି । ଏଥର ନୂଆ ବର୍ଷରେ ସେହିପରି ନୂଆ କାହାଣୀ "ମଧୁର ସଂସାର"ର ଆରମ୍ଭ ସହିତ ଜୀ-ସାର୍ଥକ ଜାରି ରଖିଛି ଓଡିଆ ଦର୍ଶକଙ୍କ ମନୋରଞ୍ଜନର ଯାତ୍ରା ବୋଲି କହିଛନ୍ତି ଜୀ-ସାର୍ଥକର ଚିଫ୍ ଚ୍ୟାନେଲ୍‌ ଅଫିସର ପ୍ରତୀକ ସିଲ୍।