Producer NK Chowdary Dies: ଜୀବନ ହାରିଲେ ସାଉଥ ଇଣ୍ଡଷ୍ଟ୍ରିର ଏହି ବଡ଼ ପ୍ରଡ୍ୟୁସର, କାରଣ ଅସ୍ପଷ୍ଟ

Producer NK Chowdary Dies: ଫିଲ୍ମ ଇଣ୍ଡଷ୍ଟ୍ରିରେ ଅନେକ ବିଫଳତାର ସମ୍ମୁଖୀନ ହେବା ପରେ ସେ ଡ୍ରଗ୍ସ କ୍ରୟ ଓ ବିତରଣ ଉପରେ ଧ୍ୟାନ ଦେଇଥିଲେ ବୋଲି କୁହାଯାଉଛି। ମାତ୍ର ଏଥିରେ ସେ ଫସିଯାଇଥିଲେ । ପରେ ତଦନ୍ତ ପରେ ଜେଲରୁ ମୁକୁଳିବା ପରେ ସେ ମାନସିକ ଅବସାଦରେ ରହୁଥିଲେ।

Producer NK Chowdary Dies: ଏନ୍ କେ ଚୌଦାରୀ ନାମରେ ପ୍ରସିଦ୍ଧ ଦକ୍ଷିଣ ଭାରତୀୟ ଫିଲ୍ମ ଇଣ୍ଡଷ୍ଟ୍ରିର ପ୍ରଯୋଜକ ଓରଫ ସୁନକାର କୃଷ୍ଣ ପ୍ରସାଦ ଚୌଦାରୀଙ୍କ ପରଲୋକ ହୋଇଛି । ସୋମବାର ଉତ୍ତର ଗୋଆସ୍ଥିତ ତାଙ୍କ ବାସଭବନରୁ ତାଙ୍କ ମୃତଦେହ ଉଦ୍ଧାର କରାଯାଇଛି। ପ୍ରଯୋଜକ ଗତ ସାତ ମାସ ହେବ ଉତ୍ତର ଗୋଆର ସିଓଲି ଅଞ୍ଚଳରେ ଏକ ଭଡ଼ା ଘରେ ଏକୁଟିଆ ରହୁଥିଲେ। ଏହି ଘଟଣା ଚାରିଆଡ଼େ ଆଲୋଡ଼ନ ସୃଷ୍ଟି କରିବା ସହ ସାଉଥ୍ ସିନେମାର କଳାକାରମାନେ ମଧ୍ୟ ସ୍ତବ୍ଧ ହୋଇଯାଇଛନ୍ତି। କାରଣ ମୃତ୍ୟୁର କାରଣ ଆତ୍ମହତ୍ୟା ବୋଲି କୁହାଯାଉଛି। 

ସୋମବାର ତାଙ୍କ ବନ୍ଧୁ ତାଙ୍କୁ ଫୋନ୍ କରିବାରୁ ପ୍ରଯୋଜକ ଫୋନ୍ ର ଉତ୍ତର ଦେଇନଥିଲେ। ପୋଲିସ ସୂଚନା ଅନୁଯାୟୀ, ଚୌଦାରୀଙ୍କ ମୃତଦେହ ସିଲିଂ ଫ୍ୟାନ୍ ରେ ଝୁଲୁଥିବା ତାଙ୍କ ବନ୍ଧୁ ଫ୍ଲାଟ୍ ମାଲିକଙ୍କୁ ଜଣାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି। ପୋଲିସ ତାଙ୍କୁ ଡାକ୍ତରଖାନା ନେଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ପୋଲିସ ତଦନ୍ତ ଜାରି ରଖିଛି
ସେପଟେ ଗୋଆ ପୋଲିସ ନିଜ ପ୍ରେସ ନୋଟରେ ଏହାକୁ ସନ୍ଦେହଜନକ ମୃତ୍ୟୁ ବୋଲି ବର୍ଣ୍ଣନା କରିଛି । ତେବେ ପୋଲିସ ଘଟଣାର ତଦନ୍ତ ଚଳାଇଛି। ଏହି ସମୟରେ ଗୋଆ ପୋଲିସ ଏହା ମଧ୍ୟ ଉଲ୍ଲେଖ କରିଛି ଯେ ପ୍ରଯୋଜକ ଗିରଫ ହେବା ପରେ ଅବସାଦ ଏବଂ ଆର୍ଥିକ ଅସୁବିଧା ସହ ସଂଘର୍ଷ କରୁଥିଲେ । ତାଙ୍କ ମୃତ୍ୟୁ ପରେ ପ୍ରଯୋଜକଙ୍କ ପରିବାରକୁ ମଧ୍ୟ ଖବର ଦିଆଯାଇଛି।

ପ୍ରଯୋଜକ ଆର୍ଥିକ ଅସୁବିଧା ସହ ସଂଘର୍ଷ କରୁଥିଲେ
ବିଶେଷ କରି ଏକ ହାଇପ୍ରୋଫାଇଲ ଡ୍ରଗ୍ସ ମାମଲାରେ ସାଇବରାବାଦ ସ୍ପେଶାଲ ଅପରେସନ୍ ଟିମ୍ ତାଙ୍କୁ ଗିରଫ କରିବା ପରେ ପ୍ରଯୋଜକ ୨୦୨୩ ରୁ ଚ୍ୟାଲେଞ୍ଜର ସମ୍ମୁଖୀନ ହେଉଥିବା ସୂଚନା ମିଳିଛି। ସେ ରଜନୀକାନ୍ତଙ୍କ ଅଭିନୀତ ତାମିଲ ବ୍ଲକବଷ୍ଟର ଚଳଚ୍ଚିତ୍ର 'କବାଲି' ପାଇଁ ବେଶ୍ ଜଣାଶୁଣା । ପ୍ରଯୋଜକ ଆର୍ଥିକ ଅସୁବିଧାର ସମ୍ମୁଖୀନ ହେବା ସହ ଋଣ ଭାରରେ ବୁଡ଼ି ରହିଥିବା ଅଭିଯୋଗ ହୋଇଛି। ଫିଲ୍ମ ଇଣ୍ଡଷ୍ଟ୍ରିରେ ଅନେକ ବିଫଳତାର ସମ୍ମୁଖୀନ ହେବା ପରେ ସେ ଡ୍ରଗ୍ସ କ୍ରୟ ଓ ବିତରଣ ଉପରେ ଧ୍ୟାନ ଦେଇଥିଲେ ବୋଲି କୁହାଯାଉଛି। ମାତ୍ର ଏଥିରେ ସେ ଫସିଯାଇଥିଲେ । ପରେ ତଦନ୍ତ ପରେ ଜେଲରୁ ମୁକୁଳିବା ପରେ ସେ ମାନସିକ ଅବସାଦରେ ରହୁଥିଲେ। 

କଣ ଥିଲା ପୂରା ଡ୍ରଗ୍ସ କାରବାରର ପୂରା କାହାଣୀ
୨୦୨୩ ଜୁନ୍ ୧୪ରେ ପ୍ରକାଶିତ ଇଣ୍ଡିଆ ଟୁଡେର ରିପୋର୍ଟ ଅନୁଯାୟୀ, ୨୦୨୩ରେ ଚୌଦାରୀଙ୍କୁ ୭୮.୫ ଲକ୍ଷ ଟଙ୍କାର ଡ୍ରଗ୍ସ ମାମଲାରେ ଗିରଫ କରାଯାଇଥିଲା। ପୋଲିସ ୯୦ ଗ୍ରାମ କୋକେନ୍ ଓ ମୋବାଇଲ୍ ଫୋନ୍ ଜବତ କରିଥିଲା । ସନ୍ଦିଗ୍ଧ ଚୌଦାରୀ ଗୁଗଲ କ୍ଲାଉଡରୁ ମେସେଜ ଏବଂ ଫଟୋ ଠାବ କରିବା ପୋଲିସ ତାଙ୍କ ସହ ଅନ୍ୟ ୧୧ ଜଣଙ୍କୁ ସଂପୃକ୍ତ କରିଥିଲା। ୨୦୨୩ ଏପ୍ରିଲରେ ସେ ହାଇଦ୍ରାବାଦ ଫେରିଥିଲେ। ଫେରିବା ସମୟରେ ସେ ଗୋଆରେ ଥିବା ଜଣେ ନାଇଜେରିଆ ନାଗରିକ ପେଟିଟ୍ ଏବୁଜରଙ୍କଠାରୁ ୧୦୦ ପ୍ୟାକେଟ୍ କୋକେନ୍ କିଣିଥିଲେ, ଯିଏ କି ଏନଡିପିଏସ୍ ମାମଲାରେ ଫେରାର ଥିଲେ। ସେ ୧୦ଟି ସାଚେଟ୍ ବ୍ୟବହାର କରିଥିଲେ ଏବଂ ଅବଶିଷ୍ଟ ନିଜ ସାଙ୍ଗମାନଙ୍କୁ ବିକ୍ରି କରିବା ପାଇଁ ରଖିଥିଲେ ବୋଲି ପୋଲିସ ଇଣ୍ଡିଆ ଟୁଡେକୁ କହିଥିଲା।