Famous Food: ଦୁନିଆର ସବୁଠୁ ବଡ ରୁଟି, ଭାରତର ଏହି ସହରରେ ତିଆରି ହୁଏ ୧୪୫ କିଲୋର ରୁଟି

Guness World Record: ଭାରତର ପାରମ୍ପାରିକ ଖାଦ୍ୟ ମଧ୍ୟରୁ ରୁଟି (Roti) ମଧ୍ୟ ଅନ୍ତର୍ଭୂକ୍ତ । ଉତ୍ତର ଭାରତ ସମେତ ବିଭିନ୍ନ ରାଜ୍ୟରେ ଖାଦ୍ୟରେ ରୁଟିର ଏକ ଗୁରୁତ୍ୱପୂର୍ଣ୍ଣ ସ୍ଥାନ ରହିଛି । ଭାରତୀୟ ରାଜ୍ୟରେ ରୁଟି ବିନା ରାତ୍ରୀ ଭୋଜନ (dinner) ସମ୍ପୂର୍ଣ୍ଣ ହୋଇନଥାଏ । ଏହି କାରଣରୁ ରୁଟି ଉପରେ ଚଳଚ୍ଚିତ୍ର (film)ରୁ ଆରମ୍ଭ କରି ଅନେକ କାହାଣୀ (story) ମଧ୍ୟ ଲେଖାଯାଇଛି । ରୁଟିର ମହତ୍ତ୍ୱ ଦେଖି ବହୁ ବଲିଉଡ ଚଳଚ୍ଚିତ୍ର (Bollywood film)ର ପ୍ରସିଦ୍ଧ କବି ଏବଂ ଲେଖକମାନେ ମଧ୍ୟ ରୁଟି ବିଷୟରେ ଉଲ୍ଲେଖ କରିଛନ୍ତି । କିନ୍ତୁ ଆପଣ ଜାଣନ୍ତି କି ବିଶ୍ୱର ସର୍ବବୃହତ ରୁଟି ଭାରତ (India)ରେ ନିର୍ମିତ ହୁଏ ବୋଲି । ଯଦି ନୁହେଁ, ତେବେ ଆସନ୍ତୁ ଏହି ଆର୍ଟିକିଲ ମାଧ୍ୟମରେ ଆମେ ଭାରତର ସବୁଠୁ ବଡ ରୁଟି ବିଷୟରେ ଜାଣିବା।

ଭାରତର ଏହି ସହରରେ ବିଶ୍ୱର ସର୍ବବୃହତ ରୁଟି ତିଆରି କରିବାର ଆଖ୍ୟା ରହିଛି । ଏହା ଏତେ ବଡ ଯେ ଏହା ଗିନିଜ ବୁକ୍ ଅଫ୍ ରେକର୍ଡରେ ମଧ୍ୟ ସ୍ଥାନିତ ହୋଇଛି । ବିଭିନ୍ନ ପ୍ରକାରର ଖାଦ୍ୟ ପାଇଁ ଭାରତ ସାରା ବିଶ୍ୱରେ ପ୍ରସିଦ୍ଧ । ଏଠାରେ ଖାଦ୍ୟର ସ୍ୱାଦ ଏବଂ ଏହାକୁ ରାନ୍ଧିବା ପଦ୍ଧତି ପ୍ରତି ଶହେ କିଲୋମିଟରରେ ଭିନ୍ନ ହୋଇଥାଏ, କିନ୍ତୁ ରୁଟି ଏପରି ଏକ ଖାଦ୍ୟ ଯାହା ସମଗ୍ର ଭାରତରେ ସମାନ ଭାବରେ ତିଆରି ହୋଇଥାଏ । ଆକାର ମଧ୍ୟ ସବୁ ସ୍ଥାନରେ ସମାନ, କିନ୍ତୁ ସମଗ୍ର ଭାରତରେ କେବଳ ଗୋଟିଏ ସ୍ଥାନ ଅଛି ଯେଉଁଠାରେ ବିଶ୍ୱର ସର୍ବବୃହତ ରୁଟି ତିଆରି କରାଯାଏ । ଏହି ରୁଟି ଏତେ ବଡ ଯେ ଗୋଟିଏ ଗାଁର ଲୋକଙ୍କୁ ଏହି ଗୋଟିଏ ରୁଟି ଖାଇବାକୁ ଦେଇପାରିବେ । ତେବେ ଆସନ୍ତୁ ଆପଣଙ୍କୁ ଏହି ଅନନ୍ୟ ରୁଟିର କାହାଣୀ ଜାଣିବା ।

ଦୁନିଆର ସବୁଠୁ ବଡ ରୁଟି କେଉଁଠାରେ ତିଆରି ହୋଇଛି?
ଦୁନିଆର ସବୁଠୁ ବଡ ରୁଟି କୌଣସି ଅନ୍ୟ ସ୍ଥାନରେ ନୁହେଁ ବରଂ ପ୍ରଧାନମନ୍ତ୍ରୀ ମୋଦୀଙ୍କ ନିଜ ରାଜ୍ୟ ଗୁଜୁରାଟର ଜାମନଗରରେ ତିଆରି ହୁଏ । କିନ୍ତୁ ଏହି ରୁଟି ପ୍ରତିଦିନ ତିଆରି ହୁଏ ନାହିଁ, ବରଂ ଏହା କେବଳ କିଛି ବିଶେଷ ଉତ୍ସବରେ ତିଆରି ହୋଇଥାଏ । ଯେପରି ଦଗଡୁ ସେଠ ଗଣପତି ମହୋତ୍ସବ କିମ୍ବା ଜଲାରାମ ବାପାଙ୍କ ଜନ୍ମ ବାର୍ଷିକୀରେ ଏହି ରୁଟି ଜଲାରାମ ମନ୍ଦିରର ନବୀକରଣ କମିଟି ଦ୍ୱାରା ପ୍ରସ୍ତୁତ ହୋଇଥାଏ । ତା'ପରେ ମନ୍ଦିରକୁ ଆସୁଥିବା ଲୋକମାନେ ଏହି ରୁଟି ଖାଇଥାନ୍ତି । ଲୋକମାନେ ଏହି ବିଶେଷ ଦିନରେ ଏହି ରୁଟି ଖାଇବା ପାଇଁ ଦୂର ଦୂରାନ୍ତରୁ  ଜାମନଗରକୁ ଆସନ୍ତି ।

ଏତେ ବଡ ରୁଟି କିପରି ତିଆରି ହୁଏ

ଗୋଟିଏ କିମ୍ବା ଦୁଇଜଣ ନୁହେଁ ବରଂ ଅନେକ ମହିଳା ଏକାଠି ହୋଇ ଦୁନିଆର ସବୁଠୁ ବଡ ରୋଟି ତିଆରି କରିଥାନ୍ତି ଓ ଘଣ୍ଟା ଘଣ୍ଟା ପରିଶ୍ରମ ପରେ ଏହି ରୋଟି ପ୍ରସ୍ତୁତ କରାଯାଇଥାଏ। ଏହି ରୁଟି ତିଆରି ପାଇଁ ବହୁତ ଅଟା ବ୍ୟବହୃତ ହୁଏ । ଯେତେବେଳେ ଏହି ରୁଟି ପ୍ରସ୍ତୁତ ହୁଏ, ଏହାର ଓଜନ ୧୪୫ କିଲୋଗ୍ରାମ ପର୍ଯ୍ୟନ୍ତ ହୋଇଯାଇଥାଏ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ରୁଟି ରାନ୍ଧିବା ପାଇଁ ମନ୍ଦିର ନିକଟରେ ଏକ ବଡ଼ ସ୍ୱତନ୍ତ୍ର ତାୱା ଅଛି । ଏହି ସ୍ବତନ୍ତ୍ର ରୋଟି ଏହି ତାୱା ଉପରେ ରନ୍ଧାଯାଏ । ରୁଟି ରାନ୍ଧିବା ପାଇଁ ଅନେକ ଲୋକ ମଧ୍ୟ ନିୟୋଜିତ ହୁଅନ୍ତି ଓ ରୁଟି ଯେପରି ଜଳି ନ ଯାଏ ଯେପରି ଆଞ୍ଚ କମ୍ ରହିବ ସେଥିପ୍ରତି ବିଶେଷ ଧ୍ୟାନ ଦିଅନ୍ତି।