Gajapati SP Statement: ୪ କୋଟିରୁ ଅଧିକ ଟଙ୍କାର ଗଞ୍ଜେଇ ଜବତ, 'ଏସପି କହିଲେ ଗୋଡ଼େଇ ଗୋଡେଇ ଧରିବୁ'

ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ମଧୁରଆମ୍ବ ଲୁହାଗୁଡ଼ି ନିକଟରେ ଏକ ମିନିଟ୍ରକ ରୁ ୪ କୋଟି ଟଙ୍କାର ଗଞ୍ଜେଇ ସହ ଟ୍ରକ କୁ ଜବତ କରିଛି ପୋଲିସ l ତେବେ ଏହି ଗଞ୍ଜେଇ ଚୋରା ଚାଲାଣ ରେ ସମ୍ପୃକ୍ତ ଦୁଇ ଜଣ ଅଭିଯୁକ୍ତ ଗାଡିରଖି କୌଶଳ କ୍ରମେ ଘଟଣା ସ୍ଥଳରୁ ଫେରାର ହୋଇଯାଇଛନ୍ତି l ଅଭିଯୁକ୍ତ ମାନଙ୍କୁ ଖୁବ ଶିଘ୍ର ଗିରଫ କରାଯିବ ବୋଲି ମୋହନା ଥାନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଗଜପତି ଏସପି ଶ୍ବାତି ଏସ କୁମାର ସୂଚନା ଦେଇଛନ୍ତି l ପୋଲିସ୍ ସୂତ୍ରରୁ ମିଳିଥିବା ସୂଚନା ପ୍ରକାରେ ରବିବାର ସନ୍ଧ୍ୟା ସମୟରେ ମୋହନା ଥାନା ପୋଲିସ ପକ୍ଷରୁ ଲୁହାଗୁଡ଼ି ଅଞ୍ଚଳରେ ପେଟ୍ରୋଲିଂ ଚାଲିଥିଲା l ଏହି ସମୟରେ ଏଜ ମିନିଟ୍ରକକୁ ସନ୍ଦେହରେ ପିଛା କରିଥିଲେ ପୋଲିସ । ପୋଲିସ ପିଛା କରୁଥିବା ଦେଖି ଟ୍ରକ ର ଡ୍ରାଇଭର ଓ ଅନ୍ୟସହଯୋଗୀ ହେଲପର ମଧୁରଆମ୍ବ ନିକଟରେ ଗାଡି ରଖି ଚମ୍ପଟ ମାରିଥିଲେ । ପୋଲିସ ଯାଞ୍ଚ ପରେ ଏଥିରେ ୪୩ କୁଇଁଣ୍ଟାଲ ୪୯ କେଜି ଗଞ୍ଜେଇ ଚୋରା ଚାଲାଣ ହେଉଥିବା ଜଣାପଡିଥିଲା ।