അഭിനയത്തിലും മോഡലിംഗിലും എല്ലാം കഴിവ് തെളിയിച്ച താരമാണ് ശ്വേത മേനോൻ. മലയാളത്തിലും അന്യഭാഷാ ചിത്രങ്ങളിലുമായി നിരവധി ചിത്രങ്ങളിൽ ശ്വേത അഭിനയിച്ചിട്ടുണ്ട്.
സോഷ്യൽ മീഡിയയിൽ സജീവമാണ് ശ്വേത. വിശേഷങ്ങളും ചിത്രങ്ങളുമെല്ലാം താരം സമൂഹ മാധ്യമങ്ങളിലൂടെ പങ്കുവെയ്ക്കാറുണ്ട്.
ട്രെഡീഷണൽ ലുക്കിലുള്ള തന്റെ ചിത്രങ്ങളാണ് പുതിയതായി ശ്വേത പങ്കുവെച്ചിരിക്കുന്നത്.
കേരള സെറ്റ് സാരിയിൽ തനി നാടൻ ലുക്കിലാണ് താരത്തിന്റെ ഫോട്ടോഷൂട്ട്. ഒപ്പം ശ്വേതയുടെ ഭർത്താവ് ശ്രീവത്സൻ മേനോനുമുണ്ട്.
നിരവധി പേർ ചിത്രങ്ങൾക്ക് കമന്റുകൾ രേഖപ്പെടുത്തിയിട്ടുണ്ട്.
1991ൽ പുറത്തിറങ്ങിയ അനശ്വരം എന്ന സിനിമയിലൂടെയാണ് ശ്വേത സിനിമാ മേഖലയിലേക്ക് എത്തുന്നത്.
1994 ല്‍ മിസ് ഇന്ത്യ മത്സരത്തില്‍ മൂന്നാം റണ്ണറപ്പായ ശ്വേത ബോളിവുഡ് സിനിമകളിലും അഭിനയിച്ചിട്ടുണ്ട്.
കഴിഞ്ഞ ദിവസം ഭർത്താവ് ശ്രീവത്സന്റെ ജന്മദിനം ആഘോഷിക്കുന്ന ചിത്രങ്ങൾ ശ്വേത മേനോൻ പങ്കുവെച്ചിരുന്നു. ഇതിൽ മകള്‍ സബൈനയുമുണ്ടായിരുന്നു. എന്നാൽ മകളുടെ മുഖം വെളിപ്പെടുത്തിയിട്ടില്ല. ആഘോഷങ്ങളുടെ വീഡിയോയും പങ്കുവെച്ചിരുന്നു.
നിരവധി ടെലിവിഷൻ പ്രോഗ്രാമുകളിൽ ശ്വേത പങ്കെടുക്കാറുണ്ട്.