പുരാതന ഇന്ത്യയിലെ രാഷ്ട്ര തന്ത്രജ്ഞനും തത്ത്വചിന്തകനുമായിരുന്നു ചാണക്യന്‍. ചാണക്യ കാലഘട്ടത്തെ സുവര്‍ണ്ണകാലം എന്നും വിളിക്കുന്നു. വ്യക്തിജീവിതത്തെ കുറിച്ചുള്ള അദ്ദേഹത്തിന്റെ വാക്കുകള്‍ ഏറെ പ്രസക്തമാണ്.
ജീവിതത്തിലെ ഏറ്റവും മോശം സമയങ്ങളില്‍ സ്വയം എങ്ങനെ തയ്യാറെടുക്കണം എന്നതിനെക്കുറിച്ച് ചാണക്യന്‍ പറയുന്ന കാര്യങ്ങള്‍ ഇതാ...
നമ്മെ ദുര്‍ബലരാക്കുന്ന ഏറ്റവും വലിയ ശക്തിയാണ് ഭയം. അതിനാൽ ഒരു സാഹചര്യത്തോട് പോരാടുന്നതിന് മുമ്പ് ഭയത്തെ ചെറുക്കേണ്ടതുണ്ട്. ഭയം നിങ്ങളിലേക്ക് വരുന്നു, ഒരു യോദ്ധാവിനെപ്പോലെ നിങ്ങളെ ആക്രമിക്കുന്നു, തുടര്‍ന്ന് അത് നിങ്ങളെ കൊല്ലുന്നു.
ഒരാള്‍ തന്റെ ഭൂതകാലത്തെകുറിച്ച് ചിന്തിക്കരുത്, പരാജയങ്ങളില്‍ നിന്ന് പുറത്തുവരാന്‍ ശ്രമിക്കണം. അതേസമയം, ഭാവിയെക്കുറിച്ച് ചിന്തിച്ച് സമയം കളയരുതെന്നും ചാണക്യൻ പറയുന്നു. വര്‍ത്തമാനകാലത്ത് മാത്രം ജീവിക്കുക.
നിങ്ങള്‍ മോശം സമയത്തിലൂടെ കടന്നുപോകുമ്പോള്‍, നിങ്ങളുടെ ശത്രു നിങ്ങളെ വേഗത്തില്‍ ആക്രമിക്കും. അത്തരമൊരു സാഹചര്യത്തില്‍, ആത്മവിശ്വാസം മാത്രമാണ് നിങ്ങള്‍ക്ക് ശക്തി നല്‍കുന്നത്. അത് ശത്രുവിനെ ദുര്‍ബലമാക്കുന്നു. നിങ്ങളുടെ സന്തോഷമാണ് നിങ്ങളുടെ ശത്രുക്കള്‍ക്കുള്ള ഏറ്റവും വലിയ മറുപടി
ദുര്‍ബലരാണ് ആദ്യം ആക്രമിക്കപ്പെടുന്നത്. അത്തരമൊരു സാഹചര്യത്തില്‍, ഉള്ളില്‍ നിന്ന് ശക്തനാകുക എന്നതാണ് ഏറ്റവും വലിയ പോംവഴി. നിങ്ങള്‍ ശക്തനാണെന്ന് നിങ്ങളുടെ എതിരാളികളെ കാണിക്കുക. ഒരു പാമ്പ് വിഷം ഇല്ലെങ്കിലും അത് എപ്പോഴും വിഷമുള്ളതാണെന്ന് കാണിക്കണമെന്നാണ് ചാണക്യവചനം.
നിങ്ങൾ സുഹൃത്തുക്കളായി കണ്ട പലരും നിങ്ങളുടെ മോശസമയത്ത് നിങ്ങളെ അവഗണിക്കുന്നതായി കണ്ടേക്കാം. ഇത്തരം ആളുകളെ അകറ്റി നിര്‍ത്തുന്നതാണ് നല്ലത്. അവരുമായി നിങ്ങളുടെ വ്യക്തിപരമായ അല്ലെങ്കില്‍ പ്രധാനപ്പെട്ട കാര്യങ്ങള്‍ പങ്കിടുന്നത് ഒഴിവാക്കുക.