जिच्याशी लग्न करण्याची स्वप्न पाहत होता, प्रत्यक्ष जीवनात त्याच अभिनेत्रीशी लग्न करणाऱ्या अभिनेता विकी कौशल याची चर्चा कायमच सुरु असते.
अभिनेत्री कतरिना कैफ आणि अभिनेता विकी कौशल यांच्या प्रेमाच्या नात्यापासून अगदी लग्नापर्यंत अनेक गोष्टी सुरुवातीला काही काळासाठी गुलद्स्त्यात होत्या. लग्नानंतर मात्र विकीनं आणि कतरिनानंसुद्धा एकमेकांवर असणारं प्रेम मोकळेपणानं सर्वांसमोर आणलं.
हल्लीच अनंत अंबानी आणि राधिका मर्चंट यांच्या विवाहसोहळ्याच्या निमित्तानं विकी आणि कतरिना रेड कार्पेटवर पोहोचले आणि त्यांच्यावर सर्वांच्या नजरा खिळल्या.
चाहत्यांचं कायमच लक्ष वेधणाऱ्या या जोडीचे काही नवे फोटो सोशल मीडियावर व्हायरल झाले आहेत. निमित्त ठरतंय ते म्हणजे कतरिनाचा वाढदिवस.
पत्नीच्या वाढदिवसाच्या निमित्तानं विकीनं ही संधी साधत तिच्यावरील प्रेम पुन्हा एकदा दिलखुलासपणे व्यक्त केलं आहे. इन्स्टाग्रामच्या माध्यमातून त्यानं काही गोड फोटो शेअर करत त्याला साजेसं कॅप्शनही दिलं आहे.
'तुच्यासोबत आठवणी बनवणं हा माझ्या जीवनातील एक सुरेख भाग आहे. वाढदिवसाच्या खुप साऱ्या शुभेच्छा...' असं कॅप्शन त्यानं फोटोंना दिलं.
विकीनं फोटोला दिलेलं कॅप्शन पाहता, किमान शब्दात जोडीदारावरील प्रेम असं सुरेखरित्या व्यक्त करणाराच जोडीदार हवा... असंच अनेकजणींना वाटेल. नाही का?