भारतीय क्रिकेट बोर्डाचे म्हणजेच बीसीसीआयचे सचिव जय शाह हे प्रतिष्ठीत कुटुंबातील आहेत.
आयपीएलपासून वर्ल्ड कपर्यंत चर्चेत असलेल्या जय शाह यांचे वडील भारताचे केंद्रीय गृहमंत्री आणि भारतीय जनता पार्टीचे दुसऱ्या क्रमांकाचे नेते अमित शाह हे आहेत.
कागदोपत्री पाहिल्यास बीसीसीआयचे अध्यक्ष रॉजर बिन्नी हे प्रमुख आहेत. मात्र जगातील सर्वात श्रीमंत क्रिकेट बोर्डाचा प्रत्यक्ष कारभार जय शाहाच पाहतात. तेच बीसीसीआयचे खरे बॉस आहेत.
अनेकदा जय शाहांवर घराणेशाहीवरुन टीका केली जाते. बऱ्याचदा त्यांच्यावर शैक्षणिक पात्रतेवरुनही टीका होताना दिसते.
जय शाह यांचा जन्म 22 सप्टेंबर 1988 रोजी गुजराती कुटुंबातील अमित शाह आणि सोनल शाह यांच्या पोटी झाला.
प्रसारमाध्यमांमधील वेगवगेळ्या वृत्तांनुसार जय शाह यांनी शालेय शिक्षण गुजरातमध्येच पूर्ण केलं.
जय शाह यांनी बी. टेकपर्यंतचं शिक्षण घेतलं आहे.
जय शाह यांनी निर्मा विद्यापीठ या अहमदाबादमधील खासगी विद्यापीठातून पदवी घेतली.
बीसीसीआयचे सचिव पदाबरोबरच जय शाहांकडे आशियाई क्रिकेट काऊन्सिलचं अध्यक्षपदही आहे.
जय शाहांची एकूण संपत्ती ही 124 कोटी रुपये इतकी असल्याचं प्रसारमाध्यमांमधील वृत्तांमध्ये अनेकदा म्हटलं आहे.
बैठकीला उपस्थित राहणे आणि क्रिकेट संदर्भातील इतर कामांसाठी जय शाहांना बीसीसीआय 3.50 लाख रुपये मानधन देते.