आशिया चषक 2023 स्पर्धेतील सर्वात हायवोल्टेज सामना हा भारत आणि विरुद्ध पाकिस्तान यांच्यात 2 सप्टेंबर रोजी पल्लीकल येथे होणार आहे.
या हायप्रोफाईल सामन्यापूर्वीच दोन्ही संघांमध्ये शाब्दिक खेळ सुरू झाला आहे. दोन्ही संघातील खेळाडू याबाबत प्रतिक्रिया देत आहे.
त्याचवेळी, पाकिस्तानचा वेगवान गोलंदाज हारिस रौफचा यूट्यूबर मोमीन साकिबसोबतचा एक व्हिडिओ व्हायरल होत आहे.
व्हिडीओमध्ये हारिस रौफ म्हणत आहे की, मला भारतीय संघातील सर्व 10 खेळाडूंना बाद करायचे आहे.
हारिस रौफची प्रतिक्रिया ऐकून जवळच उभा असलेल्या यूट्यूबर साकिबलाही हसू अनावर झाले आणि तो जोरजोरात हसायला लागतो.
हा तोच हारिस रौफ आहे, ज्याला विराट कोहलीने 2022 च्या टी-20 विश्वचषकात जबरदस्त धूळ चारली होती.
विराटने हारिसच्या चेंडूवर मारलेला षटकार आजही तमाम क्रिकेट चाहते विसरले नाहीत. हारिफला सुद्धा सोशल मीडियावर लोक याची आठवण करुन देत आहेत.
त्या सामन्यात विराटच्या 53 चेंडूत 82 धावांच्या खेळीमुळे भारताने शेवटच्या चेंडूवर पाकिस्तानचा पराभव केला होता. (सर्व फोटो - ट्वीटर)