ఆరోగ్యకరంగా ఉంటూ రుచిని కూడా అందించే ఆహారాలు చాలా తక్కువగా లభిస్తాయి. వాటిల్లో మొదటిది మిల్ మేకర్.
మీరు మిల్ మేకర్ ని మరింత రుచిగా చేసుకోవడానికి.. ముందుగా రెండు కప్పుల మీల్ మేకర్ లో నీళ్లు పోసి.. స్టవ్ పైన పెట్టి బాగా ఉడకనివ్వండి.
ఆ తరువాత వాటిని చల్లార్చి.. నీళ్లను పిండేసి ఒక గిన్నెలోకి తీసుకోండి.
అందులో రెండు చెంచాల కార్న్ ఫ్లోర్, కొద్దిగా మిరియాల పొడి, కారం, ధనియాల పొడి, జీలకర్ర పొడి, గరం మసాలా, ఉప్పు వేసుకొని.. కొద్దిగా నీళ్లు పోసుకుంటూ కలుపుకోండి.
ఇప్పుడు స్టవ్ పైన కడాయి పెట్టుకుని.. నూనె వేసుకుని.. మీల్ మేకర్ ను..పిండి మిశ్రమంలో బాగా ముంచుతూ బజ్జీల్లాగా వేసుకోండి.
ఇది కాస్త రంగు మారి.. కొద్దిగా క్రిస్పీగా అయ్యాక తీసేసుకుంటే సరిపోతుంది. ఎంతో రుచికరమైన మీరు మేకర్ 65 రెడీ.
వీటిని ఇలానే తినొచ్చు లేదు అంటే.. మరోసారి ఆనియన్, టమాట వేసి.. కొద్దిగా జూసీ కర్రీ లాగా కూడా చేసుకోవచ్చు.