ఎంతో రుచికరమైన అల్లం పచ్చడి చేసుకోవడానికి..ముందుగా ఒక కప్పు అల్లం తీసుకోవాలి.. దాన్ని పీల్ తీసుకొని శుభ్రంగా క్లీన్ చేసుకోవాలి.
తర్వాత ఒక కడాయిలో రెండు స్పూన్ల నూనె వేడి చేసుకుని.. అందులో పది పచ్చిమిరపకాయలను వేయించి పక్కన పెట్టుకోవాలి.
తరువాత నిమ్మకాయ సైజు.. చింతపండుని శుభ్రం చేసి పక్కన పెట్టుకోవాలి.
ఒక మిక్సర్ జార్లో శుభ్రం చేసుకున్న అల్లం, వేయించి పక్కన పెట్టుకున్న పచ్చిమిరపకాయలు, కొంచెం ధనియాలు, జీలకర్ర, ఉప్పు, చింతపండు ఒక స్పూను బెల్లం కూడా చేర్చి.. మెత్తగా గ్రైండ్ చేసుకోవాలి.
తరువాత ఒక కడాయిలో రెండు స్పూన్ల నూనె వేడి చేసుకుని..అందులో ఆవాలు, జీలకర్ర, మినప్పప్పు, పచ్చనగపప్పు.. వేసి వేయించుకోవాలి.
తర్వాత రెండు ఎండు మిరపకాయలను కూడా అందులో వేసుకొని వేయించుకోవాలి.
చివరిగా కరేపాకు వేసుకొని వేయించుకొని.. అందులో మనం తయారు చేసుకున్న అల్లం పచ్చడి వేసుకొని రెండు నిమిషాలు మగ్గించాలి.. అంతే ఎంతో రుచిగా ఉండే అల్లం పచ్చడి రెడీ