అటుకుల హెల్తీ లడ్డు.. పిల్లలు ఎంతో ఇష్టపడి తింటారు..

ప్రస్తుతం చాలా మంది బయట లభించే స్వీట్స్‌ కొనుకుని మరీ తింటున్నారు.

లడ్డులను ఎక్కువగా కొనుగోలు చేసి తింటున్నారు. ఇలా తరుచుగా తిని అనారోగ్య సమస్యల బారిన పడుతున్నారు.

లడ్డులను హెల్తీగా కూడా ఇంట్లో తయారు చేసుకోవచ్చు.

ముఖ్యంగా అటుకులతో చేసిన లడ్డులు రోజు తింటే మంచి ఫలితాలు పొందుతారు.

అటుకులతో లడ్డులను ఎలా తయారు చేసుకోవాలో? కావాల్సిన పదార్థాలేంటో ఇప్పుడు తెలుసుకోండి.

కావాల్సిన పదార్థాలు: అటుకులు (పొహా) - 1 కప్పు, బెల్లం - 1/2 కప్పు, నూనె - 2-3 టేబుల్ స్పూన్లు

కావాల్సిన పదార్థాలు: డ్రై ఫ్రూట్స్ (కాజు, బాదం) - కొద్దిగా, యాలకుల పొడి - రుచికి తగినంత, గుప్పెడు శనగలు

తయారీ విధానం: ఈ లడ్డును తయారు చేసుకోవడానికి.. బెల్లాన్ని పాన్‌లో వేసుకుని బాగా కరిగించుకోండి.

బాగా కరిగించుకున్న తర్వాత పక్కన పెట్టుకోండి. ఆ తర్వాత మరో పాన్‌ తీసుకుని అందులో నెయ్యి వేసుకుని వేడి చేసుకోండి.

బాగా వేడి చేసుకున్న తర్వాత అటుకులు వేసి గోల్డెన్ బ్రౌన్ కలర్ వచ్చే వరకు వేయించుకోవాలి.

ఆ తర్వాత అందులోనే డ్రై ఫ్రూట్స్‌ వేసుకుని.. బాగా వేయించుకోండి.

పేర్కొన్న అన్ని రకాల పదార్థాలను మిక్సీలో వేసుకుని బాగా గ్రైండ్‌ చేసుకుని.. బెల్లం పాకంలో వేసి బాగా కలుపుకోండి.

బాగా మిక్స్‌ చేసిన మిశ్రమాన్ని లడ్డుల్లాగా కట్టుకుని గాజు సీసాలో పెట్టుకోండి. అంతే అటుకుల లడ్డు రెడీ అయినట్లే..