నేటికాలంలో కాలుష్యం, ఆహారపు అలవాట్లు, చెడు జీవనశైలి, తప్పుడు సౌందర్య ఉత్పత్తుల కారణంగా మచ్చల సమస్య కనిపించడం ప్రారంభం అవుతుంది.
మీకు ముఖంపై మచ్చలు ఉన్నట్లయితే మీరు ఈ పదార్థాలను కొబ్బరినూనెలో మిక్స్ చేసి ముఖంపై రాసుకోవాలి.
మీరు కొబ్బరి నూనె, కలబందను మిక్స్ చేసుకుని ముఖంపై మచ్చలు ఉన్నచోట రాసుకోవాలి. ఇది ముఖంపై మచ్చలను తొలగించడంలో సహాయపడుతుంది. చర్మం మెరిసిపోతుంది.
ఒక గిన్నెలో ఒక చెంచా అలోవెరా జెల్ తీసుకుని..అందులో ఒక చెంచా కొబ్బరి నూనె వేసి బాగా మిక్స్ చేసుకోవాలి.
ఇప్పుడు ఈ మిశ్రమాన్ని మీ ముఖానికి అప్లయ్ చేసి సున్నితంగా మసాజ్ చేయాలి. రాత్రంతా అలాగే వదిలేసి ఉదయం ముఖం కడుక్కోవాలి.
ఇలా క్రమం తప్పకుండా అప్లయ్ చేస్తే ముఖంగా మచ్చలు క్రమంగా తగ్గుతాయి. ముఖంలో తేమ ఉంటుంది.
ఒక గిన్నెలో 2 లేదా 3 స్పూన్ల పసుపును తీసుకుని వేడి చేయండి. పసుపు రంగు నల్లగా మారే వరకు వేడి చేయాలి.
ఒక గిన్నెలోకి పసుపును తీసుకుని చల్లారిన తర్వాత అందులో కొబ్బరి నూనె వేసి పేస్టులా చేసుకోవాలి. ఈ మిశ్రమానికి ముఖంపై అప్లయ్ చేసుకోవాలి.