ఈ రోటీలు తింటే సూపర్ స్పీడ్‌గా బరువు తగ్గడం ఖాయం..

చాలామంది పాలకూరను తినేందుకు అంతగా ఇష్టపడరు. ముఖ్యంగా పిల్లలు అయితే దీనిని అస్సలు తినరు.

పాలకూరలో వివిధ రకాల పోషకాలు ఉన్నప్పటికీ.. తినేందుకు అంతగా ఇష్టపడని వారు ఈ రెసిపీతో ఇట్టే తింటారు..

పాలకూరతో తయారుచేసిన రోటీలను రోజు తినడం వల్ల అద్భుతమైన లాభాలు కలుగుతాయి. ఇందులో ఉండే గుణాలు శరీరానికి మెగ్నీషియంతో పాటు పొటాషియం అందించేందుకు కీలక పాత్ర పోషిస్తాయి.

బరువు తగ్గే క్రమంలో పాలకూరతో తయారుచేసిన రోటీలను తినడం వల్ల మంచి ఫలితాలు పొందుతారు.

క్రమం తప్పకుండా పాలకూరను తినడం వల్ల జీర్ణ క్రియ మెరుగుపడడమే కాకుండా పొట్ట సమస్యలు కూడా తొలగిపోతాయి.

ఇంట్లోనే పాలకూర రోటీలను తయారు చేసుకోవాలనుకుంటున్నారా? ఇంకెందుకు ఆలస్యం ఇలా ఇప్పుడే తయారు చేసుకోండి.

పాలకూర రోటీలకు కావలసిన పదార్థాలు: 2 కప్పుల పాలకూర (తురిమిన), 1 కప్పు గోధుమ పిండి, 1/2 కప్పు బేసన్, 1/2 అంగుళం అల్లం (ముక్కలుగా కట్ చేసుకున్న), 2 పచ్చి మిరపకాయలు (తురిమినవి)

కావలసిన పదార్థాలు: 1/2 టీస్పూన్ జీలకర్ర, 1/2 టీస్పూన్ మెంతులు, 1/4 టీస్పూన్ పసుపు, 1/4 టీస్పూన్ కారం, ఉప్పు రుచికి తగినంత

తయారీ విధానం: ముందుగా ఈ పాలకూర రోటీలను తయారు చేసుకోవడానికి.. పాలకూర ఆకులను తీసుకొని శుభ్రం చేసుకోవాల్సి ఉంటుంది.

ఇలా శుభ్రం చేసుకున్న ఆకులను మిక్సీ గ్రైండర్ లో వేసి మిశ్రమంలో తయారు చేసుకోండి. ఆ తర్వాత దీన్ని ఓ బౌల్లోకి తీసుకొని అందులోనే గోధుమపిండి, శనగపిండి, అల్లం పేస్ట్, పచ్చిమిరపకాయల పేస్ట్ వేసుకొని బాగా కలుపుకోండి.

ఇలా కలుపుకున్న తర్వాత అందులోనే జీలకర్ర, తగినంత పసుపు, కాస్తంత కారం, పసుపు వేసుకొని నెమ్మదిగా నీరు పోసుకుంటూ రోటీల పిండి మిశ్రమంలా కలుపుకోండి.

ఆ తర్వాత ఈ పిండిని చిన్న చిన్న ముద్దలుగా చేసుకుని.. రోటిలాగా తయారు చేసుకుని నాన్ స్టిక్ పెయిన్ పై రెండు వైపులా బంగారు రంగు వచ్చేంతవరకు కాల్చుకోండి.

ఇలా కాల్చుకున్న రోటీలను సలాడ్‌తో లేదా పల్లి చట్నీతో సర్వ్ చేసుకుంటే బోలెడు లాభాలు పొందుతారు.