₹20 ના શેરએ એક લાખના બનાવી દીધા ₹13 કરોડ, હવે કંપનીએ દરેક શેર પર કરી 500% ડિવિડેન્ડની જાહેરાત

નવી દિલ્હીઃ Multibagger Stock Divident: શેર બજારમાં ઘણી સ્પેશલિટી કેમિકલ કંપનીઓ છે, જેણે થોડા વર્ષોમાં રોકાણકારોને મલ્ટીબેગર રિટર્ન આપ્યું છે. આવી એક કંપની- અક્લાઇલ અમાઇન કેમિકલ્સ (Alkyl Amines Chemicals) છે. આ શેર પર દાંવ લગાવનાર રોકાણકારને 5 કે 10 વર્ષના સમયમાં 8500 ટકા સુધીનું રિટર્ન આપ્યું છે. 

1 લાખના બની ગયા લગભગ 13 કરોડ રૂપિયા
તો જે રોકાણકારોએ 16 વર્ષ સુધી આ શેર પર દાંવ લગાવી રાખ્યો તેને 12000 ટકાથી વધુનું રિટર્ન મળ્યું છે. વર્ષ 2007માં શેરની કિંમત 20 રૂપિયા હતી, જે હવે વધીને 2550 રૂપિયાના સ્તર પર પહોંચી ગઈ છે. રકમ પ્રમાણે જોવામાં આવે તો જે ઈન્વેસ્ટરોએ વર્ષ 2007માં 1 લાખ રૂપિયાનો દાંવ લગાવ્યો હશે, તેની રકમ આજે 13 કરોડ રૂપિયા આસપાસ હશે. હવે કંપનીએ 500% ડિવિડેન્ટ આપવાની જાહેરાત કરી છે. 

આ પણ વાંચોઃ LIC ની આ પોલિસીમાં મહિને 7960 રૂપિયાનું રોકાણ કર્યું તો મેચ્યોરિટી પર મળશે 54 લાખ

શેર બજારને આપેલી જાણકારીમાં કંપનીએ જણાવ્યું કે બોર્ડ ઓફ ડાયરેક્ટરે વર્ષ 2022-2023 માટે પ્રતિ શેર 10 રૂપિયા કે 2 રૂપિયાની ફેસ વેલ્યૂ પર 500 ટકા ડિવિડેન્ટ આપવાની ભલામણ કરી છે. તેની ચુકવણી આગામી એન્યુઅલ જનરલ બેઠકમાં શેરધારકો દ્વારા મંજૂરી મળ્યા બાદ કરવામાં આવશે. 

માર્ચ મહિનાના પરિણામ
માર્ચ ક્વાર્ટર દરમિયાન કંપનીની આવકમાં સામાન્ય ઘટાડો થયો છે અને તે 411.67 કરોડ પર છે. કંપનીનો નફો 4.78 ટકા વધીને 48.64 કરોડ રૂપિયા થઈ ગયો છે. એક વર્ષ પહેલાના ક્વાક્ટરમાં 46.42 કરોડ રૂપિયાનો પ્રોફિટ હતો. માર્ચ ક્વાર્ટર દરમિયાન કંપનીના 71.98 ટકા પ્રમોટર શેરહોલ્ડિંગ, 2.79 ટકા FII ભાગીદારી, 1.15 ટકા DIIની ભાગીદારી અને અને 24.08 ટકા જાહેર ભાગીદારીની સૂચના આપી. 

આ પણ વાંચોઃ Gold-Silver Price: સોના-ચાંદીના ભાવમાં સતત બીજા દિવસે કડાકો, જાણો નવી કિંમત