હીરોઈનોના હાથ પર થૂંકતો હતો આમિર ખાન? આવું કરવા પાછળ લોજિક પણ એવું આપ્યું...ગળે ન ઉતરે

બોલીવુડના મિસ્ટર પરફેક્શનિસ્ટ તરીકે જેની ગણતરી થાય છે તે આમિર ખાનને ફિલ્મ ઈન્ડસ્ટ્રીમાં 35 વર્ષથી વધુ સમય થઈ ચૂક્યો છે અને અત્યાર સુધીમાં 50થી વધુ ફિલ્મો કરી છે. આ દરમિયાન આમિરે ઈન્ડસ્ટ્રીની અનેક ટોપ અભિનેત્રીઓ સાથે કામ કર્યું જેમાં જુહી ચાવલા, માધુરી દીક્ષિત, કરિશ્મા કપૂર, રાણી મુખરજી, કાજોલ જેવી અભિનેત્રીઓ સામેલ છે જેમની સાથે આમિરની જોડી ખુબ હિટ રહી. 

હાલ આમિર પોતાની અપકમિંગ ફિલ્મ 'સિતારે ઝમીન પર' અંગે ચર્ચામાં છે. આ બધા વચ્ચે આમિરનો એક વીડિયો ખુબ ઝડપથી વાયરલ થઈ રહ્યો છે. જેણે અભિનેતાના ફેન્સને પણ ચોંકાવી દીધા. વીડિયોમાં આમિર કહે છે કે તે પોતાની અભિનેત્રીઓના હાથ પર થૂંકતા હતા. જી હા. આમિર પોતાની ફિલ્મોના સેટ પર ખુબ મસ્તી કરતા હતા. ફરાહ ખાને જણાવ્યું કે આમિર હિરોઈનોને હાથ દેખાડવાનું કહેતા હતા અને પછી તેમના હાથ પર થૂંકતા હતા. તેમની દંગલ કો-સ્ટાર્સ ફાતિમા સના શેખ અને સાન્યા મલ્હોત્રાએ પણ આ વાત સ્વીકારી છે. 

હિરોઈનોના હાથ પર થૂકતા હતા?
આમિરનો આ વીડિયો રેડિટ પર વાયરલ થઈ રહ્યો છે. જેમાં તે જણાવે છે કે જ્યારે તે કોઈ અભિનેત્રીના હાથ પર થૂંકે છે તો તેમની કરિયર ઊંચાઈ પર પહોંચી જાય છે. 2016માં આમિર ખાન એક ફિલ્મ ફિસ્ટીવલમાં તેમની ફિલ્મ 'જો જીતા વહી સિકંદર'ના કલાકારો અને ક્રુને મળ્યા હતા. આ દરમિયાન ફરાહ ખાને આમિરની મસ્તી વિશે જણાવ્યું હતું. આ બધા વચ્ચે રાજીવ મસંદે કહ્યું કે, 'આમિર હંમેશા એવું કરતો અને હજુ પણ કરે છે. તે કહેતો કે મને તમારો હાથ દેખાડો અને પછી તેના પર થૂંકીને ભાગી જતો હતો.'

ચોરી પકડાઈ તો આપ્યું આ લોજિક
ત્યારબાદ આમિર કહે છે કે, 'હું શાં માટે મારી હીરોઈનોના હાથ પર થૂકું છું? એ જાણવું જરૂરી છે. જેમના હાથ પર હું થૂંક્યો તે સ્ટાર બની ગઈ.' આમિરે ફાતિમા અને સાન્યાના હાથ પર થૂંકવાની વાત પણ સ્વીકારી. જો કે આ લોજિક બદલ યૂઝર્સ આમિરને ખુબ ટ્રોલ પણ કરી રહ્યા છે અને કમેન્ટ્સમાં આમિરની ખુબ આલોચના કરી રહ્યા છે. અનેક યૂઝર્સનું કહેવું છે કે તમારી જે ફિલ્મ ફ્લોપ થઈ તેના પર થૂંકવું જોઈતું હતું. એક યૂઝરે લખ્યું કે 'લાલસિંહ ચઢ્ઢા' અને 'ઠગ્સ ઓફ હિન્દુસ્તાન' પર થૂંકવું જોઈતું હતું. 

જ્યારે અન્ય એક યૂઝરે લખ્યું કે 'સેલિબ્રિટી ગમે તે કરે તો લોકો તેને સૌથી સારી મજાક માની લે છે.' અન્ય એક યૂઝરે લખ્યું કે, 'આ શું વિચિત્ર લોજિક છે? મજાકના નામે પણ આવું યોગ્ય નથી.' આ તો બિલકુલ નફરત કરવા યોગ્ય છે. એક અન્ય યૂઝરે લખ્યું કે, 'શું તેઓ એ વિચારે છે કે હિરોઈનને કેટલી નફરત થાય?' એક યૂઝરે કમેન્ટમાં લખ્યું કે 'જૂહી ચાવલાએ તેમની સાથે વાત કરવાનું છોડી દીધુ હતું અને માધુરી દીક્ષિતે તેમને ડંડાથી દોડાવ્યા હતા.'