મોદીપ્રેમના કારણે પરણેલાં કપલ વચ્ચે એક મહિનામાં જ ઝઘડા થયા, જાણો શું આરોપ લગાવ્યો યુવતીએ?

અમદાવાદ : તાજેતરમાં જ એક સમાચાર આવ્યા હતા કે, પીએમ મોદીને કારણે એક ગુજરાતી યુગલે લગ્ન કર્યા. આ સમાચાર સોશિયલ મીડિયા પર જોરદાર ચગ્યા હતા. ગુજરાતના જય દવે નામના આ યુવકે સોશિયલ સાઈટ પર લગ્ન બાદ પોસ્ટ કરી, કે અમે બંનેએ તમારા કારણે લગ્ન કર્યાં મોદીજી. પોતાના ટ્વિટર હેન્ડલ પરથી શેર કરાયેલી પોસ્ટમાં જય દવેએ પીએમ મોદીને ટેગ પણ કર્યાં હતા. પણ મોદીના માધ્યમથી એક થયેલું આ કપલ માત્ર એક મહિનાના અંતરાલમાં જ છૂટુ પડી ગયું છે. પોતાનાથી 11 વર્ષ મોટા જય દવે સાથે લગ્ન કરનાર અલ્પિકા પાંડેએ હવે તેનો પતિ તેને ત્રાસ આપતો હોય તેવું તેણે સોશિયલ મીડિયા પર લખ્યું છે. 

I am just 18 years old and he is 29 although his face doesn't reflect so. First of all, he used my image without my knowledge and consent for his own benefit of publicity. He used this as a means to glorify his image in @BJP and social media. @CyberDost

— Alpika Pandey (@AlpikaPandey) February 2, 2019

થોડા દિવસ પહેલાં જામનગરના રહેવાસી અને મોદી સપોર્ટર જય દવેએ પત્ની અલ્પિકાના ફોટો સાથે ટ્વિટ કર્યું હતું કે, નરેન્દ્ર મોદીજી અમે તમારા કારણે લગ્ન કર્યાં. પરંતુ હવે અલ્પિકાએ પતિ જય અને સાસરિયાઓ પર આત્મહત્યા કરી લે ત્યાં સુધી શારીરિક અને માનસિક ત્રાસ આપવાનો આરોપ મુક્યો છે. હજી એક મહિના પહેલા 31 ડિસેમ્બરના રોજ બન્નેના લગ્ન થયા હતાં.

My loyalty for him was doubted to the extent that he clarified many times what was I doing even when I was in the bathroom. I had to show him each and everything I did on my phone or he would snatch my phone away. He never respected my personal space. @NCWIndia

— Alpika Pandey (@AlpikaPandey) February 2, 2019

યુવતીએ શું આરોપ લગાવ્યા
અલ્પિકાએ સોશિયલ મીડિયા પર ટ્વિટ કરીને કહ્યું કે, મારા પતિ જયે પબ્લિસિટી મેળવવા માટે સોશિયલ મીડિયા પર મારી પરવાનગી વગર મારા ફોટોનો ઉપયોગ કર્યો. તેણે મીડિયા તથા ભાજપમાં પોતાની ઈમેજ સારી કરવા માટે આવું કર્યું હતું. તો તેણે અન્ય એક ટ્વિટમાં કહ્યું કે, મને આત્મહત્યા કરવાના વિચારો આવે એટલી હદે શારીરિક અને માનસિક ટોર્ચર આપવામાં આવે છે. તે મને ઘરના સભ્યોના સાથ વગર ઘરની બહાર પણ જવા દેતો નથી.  મારી તેના પ્રત્યેની વફાદારી પર એટલી હદે શંકા હતી કે, હું બાથરૂમમાં હોઉં તો પણ કહેવું પડતું કે હું શું કરી રહી છું. હું ફોન પર શું કરૂં છું એ પણ બતાવવું પડતું હતું. મને શંકા છે કે મારા પ્રત્યે તેની લાગણી સાચી હતી પણ ખરી કે નહીં, મોદી ભક્તિના નામે મોદી ભક્તો શું આવું કરે છે ?'

oops! deleted by mistake while I was trying to delete something else pic.twitter.com/nFFNdc2OEh

— જય દવે (@TheJayDave) January 29, 2019

ઉલ્લેખનીય છે કે, થોડા સમયે પહેલા જય દવેએ પોતાની પોસ્ટમાં લખ્યું છે કે પ્રિય નરેન્દ્ર મોદીજી અમે બંનેએ તમારા કારણે લગ્ન કર્યા છે. મેં રાહુલ ગાંધીના ફેસબુક પેજ પર તમારા પક્ષમાં એક ટિપ્પણી કરી હતી. જેને અમારા જ સંસદીય વિસ્તારમાં રહેતી એક ખુબસુરત યુવતીએ લાઈક કરી. આ એક પોસ્ટ બાદ અમારા બંનેમાં વાતચીત  થવા લાગી. નીકટતા વધી તો અમે એકબીજાને મળ્યાં. મુલાકાત બાદ ખબર પડી કે અમારા વિચારો મળે છે. અમે તમારા સમર્થક છીએ. બંને દેશ માટે જીવવા માંગીએ છીએ. આ  સાથે અમે નિર્ણય લીધો કે અમે બંને એક સાથે મળીને કામ કરીશું. આ વિચાર બાદ બંનેએ લગ્ન કરી લીધા. જય દવે અને તેમની પત્ની બંનેએ #NaMo again લખેલી ટીશર્ટ મીડિયામાં બહુ જ ચમકી હતી. જય દવેની નવી પોસ્ટ ઉપર પણ ઢગલો કોમેન્ટ્સ આવી હતી.