ગુજરાતની સ્થાનિક સ્વરાજ્યની ચૂંટણીમાં કમળ ખીલ્યું, કોંગ્રેસ-આપના સૂપડા સાફ
Sthanik Swaraj Chutani Result 2025 : જૂનાગઢ મહાનગરપાલિકા, 68 પાલિકા અને 3 તાલુકા પંચાયતની ચૂંટણીનું આજે પરિણામ.... ZEE 24 કલાક પર વહેલી સવારથી જુઓ સચોટ અને ઝડપી ચૂંટણીનું પરિણામ
Trending Photos
- 7
- 5
- 5
- 5
)
Gujarat Local Body Election Result Live : રાજ્યની પાલિકા અને પંચાયતની ચૂંટણીના આજે પરિણામ આવશે. પાલિકા-પંચાયતની ચૂંટણીની મતગણતરી શરૂ થઈ ગઈ છે. આજે પાંચ હજારથી વધુ ઉમેદવારોના ભવિષ્યનો નિર્ણય થશે. સાથે જ જૂનાગઢ મહાનગરપાલિકાનું ચૂંટણીનું પણ આજે પરિણામ આવશે. 68 નગરપાલિકાઓમાં કોનું શાસન આવશે તેનો થોડી જ ક્ષણોમાં નિર્ણય આવી જશે. ઉલ્લેખનીય છે કે, આ વખતે સ્થાનિક સ્વરાજની ચૂંટણીમાં 58 ટકા જ મતદાન થયું છે. 213 બિનહરીફ થયેલી બેઠકો સિવાયની બેઠકોની મતગણતરી ચાલુ થયું છે.
જૂનાગઢ મહાનગરપાલિકા, 66 નગરપાલિકાનું આજે પરિણામ આવશે. જિલ્લા અને તાલુકા પંચાયતની 70થી વધુ બેઠકો માટે મતગણતરી ચાલી રહી છે. ઓછું મતદાન થવાના કારણે પરિણામમાં ઉલટફેરની શક્યતા વધુ છે. ચૂંટણી પહેલા જ નગરપાલિકાના ભાજપની 150 બેઠકો બિનહરીફ થઈ છે. સાથે જૂનાગઢ મહાનગરપાલિકામાં ભાજપની 9 બેઠકો બિનહરીફ થઈ છે. કોંગ્રેસની 3 બેઠકો બિનહરીફ થઈ છે. જ્યારે બાકીની બેઠકો માટે આજે પરિણામો આવી રહ્યા છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
વ઼ડોદરામાં ભાજપે જીતની ખુશી મનાવી. ભાજપના વિજેતા ઉમેદવારોએ વિજય સરઘસ કાઢ્યું. ડીજેના તાલે ઉમેદવારો ખુલ્લી જીપમાં બેસીને નગરમાં નીકળ્યા. ભાજપ ધારાસભ્ય અક્ષય પટેલે ખુશી વ્યક્ત કરતા કહ્યું કે, કરજણની જનતાએ અમારા પર વિશ્વાસ મૂક્યો. અમે કરજણના વિકાસના કામો ચાલુ રાખીશું.
સમાજવાદી પાર્ટીએ અહીં ભાજપને હંફાવ્યા
કુતિયાણા નગરપાલિકામાં પહેલેથી જ રસાકસીભર્યો માહોલ હતો. આ વચ્ચે સમાજવાદી પાર્ટીએ ભાજપને હરાવ્યું છે. સમાજવાદી પાર્ટીએ કુતિયાણામાં મોટો ઉલટફેર કર્યો છે. કુતિયાણા નગરપાલિકામાં 16 બેઠક જીતીને સમાજવાદી પાર્ટીની સત્તા બની છે. મતગણતરીમાં મોટો ઉલટફેર થયો છે. કુલ 24 બેઠકમાંથી સમાજવાદી પાર્ટીને 16 બેઠક મળી છે.
ચૂંટણીની મોટી ખબર
ચૂંટણીના પરિણામોમાં ભાજપની જીતની ભવ્ય ઉજવણી પ્રદેશ કાર્યાલય કમલમ ખાતે આજે કરાશે. સાંજે સીઆર પાટીલ પ્રદેશ કાર્યાલય પર ઉજવણીમાં હાજર રહેશે. બપોરે 2 કલાકે ઉજવણી થશે અને 4.30 વાગ્યે ઉજવણી થશે. જેમાં મોટી સંખ્યામાં કાર્યકર્તાઓ ઉમટી પડશે
કઈ કઈ નગરપાલિકા પર ભાજપનો કબજો
- લેટેસ્ટ અપડેટ અનુસાર, ગુજરાતની 11 નગરપાલિકામાં ભાજપને સ્પષ્ટ બહુમતી મળી છે. અહી જનતાએ કમળ ખીલવ્યું છે. જીત મેળવનાર નગરપાલિકાઓની વાત કરીએ તો, ચોરવાડ નગરપાલિકામાં ભાજપે ઈતિહાસ રચ્યો. 10 વર્ષ બાદ ભાજપનું શાસન આવ્યું. 13 બેઠક પર ભાજપ જીત્યું છે.
- ગીર સોમનાથના કોડીનાર નગરપાલિકાની ચૂંટણીમાં પહેલા ચાર વોર્ડની ગણતરી બાદ કુલ 28 બેઠક માંથી ભાજપ 16 બેઠક જીતી ભાજપનો સ્પષ્ટ વિજય. હજુ 3 વોર્ડ ની ગણતરી ચાલુ છે. ભાજપનો જ્વલંત વિજય
- અમરેલીના જાફરાબાદ નગરપાલિકાની ચૂંટણીમાં કોંગ્રેસના સુપડા સાફ થયા. ભાજપની 16 બેઠકો અગાઉ બિનહરીફ થઇ હતી. આજે 12 બેઠક ભાજપનાં ફાળે. ધારાસભ્ય હીરાભાઈ સોલંકીની ટીમ નો વિજય...
- જુનાગઢના માણાવદર નગરપાલિકામાં પણ ભાજપનો ભગવો લહેરાયો. 16 બેઠકો પર ભાજપનો કબજો. કાર્યકરોમા ખુશીનો માહોલ. ફરી ભાજપનું શાસન માણાવદર નગરપાલિકામાં આવ્યું
- જુનાગઢ વંથલી નગરપાલિકામાં પણ ભાજપનો ભગવો લહેરાયો. 16 બેઠકો સાથે ભાજપે નગરપાલિકા પર કબજો કર્યો. કોંગ્રેસ માત્ર ચાર બેઠકો પર પોતાનું ખાતું ખોલાવી શકી
- સાબરકાંઠાની તલોદ નપામાં ભાજપની જીત
- અમરેલીઃ જાફરાબાદ નગરપાલિકામાં ભાજપનો કબજો
- તાપીઃ સોનગઢ નપામાં ભાજપનો કબજો
- કચ્છઃ ભચાઉ નપામાં 28 બેઠક પર ભાજપનો કબજો
- ગાંધીનગરઃ માણસા નપામાં ભાજપનો કબજો
- પંચમહાલઃ હાલોલ નપામાં ભાજપનો કબજો,ભાજપને 27 સીટ
- જૂનાગઢમાં ચોરવાડમાં 10 વર્ષ બાદ ભાજપનો ભગવો લહેરાયો
- મોદીના વતન વડનગરમાં ભાજપની જીત
- અમરેલીઃ ચલાલા નગરપાલિકામાં ભાજપનો કબજો
- અમરેલીઃ રાજુલા નગરપાલિકામાં ભાજપનો કબજો
- જુનાગઢ વંથલી નગરપાલિકામાં પણ ભાજપનો ભગવો લહેરાયો
ભાજપની વિજયની શરૂઆત
1 મનપા અને 66 નગરપાલિકાનું રિઝલ્ટ ધીરે ધીરે આવી રહ્યું છે. ત્યારે સ્થાનિક સ્વરાજની ચૂંટણીમાં કમળ ખીલવાની શરૂઆત થઈ ગઈ છે. જાફરાબાદ, તલાલા નગરપાલિકામાં ભાજપનો ભવ્ય વિજય થયો છે.
જુનાગઢમાં ગિરીશ કોટેચાના પુત્રની હાર
સ્થાનિક સ્વરાજ્યની ચૂંટણીના મોટા સમાચાર સામે આવ્યા છે. ધારાસભ્ય વિમલ ચુડાસમાની ચોરવાડ નગરપાલિકાના વોર્ડ નં-8માં હાર થઈ છે. જુનાગઢમાં વોર્ડ નંબર 9 ના ભાજપના ઉમેદવાર અને ગિરીશ કોટેચાના પુત્ર પાર્થ કોટેચાની હાર થઈ છે.
પોરબંદરના રાણાવાવ અને કુતિયાણામાં કાંટે કી ટક્કર
પોરબંદર જિલ્લાની રાણાવાવ તથા કુતિયાણા બંને નગરપાલિકાઓની ચૂંટણી માટે મતગણતરી શરૂ થઈ છે. રાણાવાવની વિનીયન કોલેજ તથા કુતિયાણા સરકારી હાઇસ્કૂલ ખાતે મતગણતરી હાથ ધરવામાં આવી રહી છે.રાણાવાવના 7 વોર્ડની 7 રાઉન્ડમાં મતગણતરી હાથ ધરાઇ રહી છે. તો કુતિયાણાના 6 વોર્ડની 6 રાઉન્ડમાં મતગણતરી હાથ ધરાઇ રહી છે. બંને નગરપાલિકાઓમાં ભાજપ અને સમાજવાદી પાર્ટી વચ્ચે સીધી ટક્કર જોવા મળી રહી છે.
ગાંધીનગની રૂપાલ બેઠક પર કોંગ્રેસના ઉમેદવાર ભૂમિબેન વિજેતા બન્યા. ગાંધીનગર તાલુકા પંચાયત અડાલજ 2 બેઠક ઉપર કોંગ્રેસનો વિજય
રસપ્રદ પરિણામ, ધરમપુરમાં 4 અપક્ષની જીત
- ધરમપુર નગર પાલિકા વોર્ડ નંબર 1 માં 24 બેઠકમાંથી 4 બેઠક પર અપક્ષની જીત
- વડોદરામાં કરજણ ધારાસભ્ય અક્ષય પટેલે ભાજપ તરફી પરિણામ આવતા ડાન્સ કર્યો. કાર્યકર્તાના ખભે બેસી કર્યો ડાન્સ
- વડનગર નગરપાલિકામાં વોર્ડ નંબર 1 ના ભાજપ ના ઉમેદવાર ગીરીશભાઈ પટેલ થયા વિજયી. વડનગર નગરપાલિકા વોર્ડ 1 માં કોંગ્રેસ ના મહેન્દ્રસિંહ ઠાકોર વિજેતા
- મહુધા વોર્ડ નંબર 2 માં ચાર અપક્ષો વિજેતા બનતા ફૂલ ના હાર પહેરાવી કાર્યકરો એ વિજેતા ઉમેદવાર ને વધાવી લીધા ભારે ઉત્સાહ નો માહોલ.
- કરજણ નગરપાલિકામાં વોર્ડ 2 માં ભાજપની પેનલનો વિજય. તમામ 4 ઉમેદવારોની જીત. 28 બેઠકમાંથી 8 બેઠક પર ભાજપ ઉમેદવાર જીત્યા
- ઉપલેટા તાલુકા પંચાયત ડુમિયાણી સીટ પેટા ચૂંટણીમાં કોંગ્રેસના ફાળે....
કોંગ્રેસે અહીં ખાતું ખોલાવ્યુ
- બાવળા નગરપાલિકા ચૂંટણી પરિણામ. વોર્ડ એકમાં ૨ ભાજપ અને ૨ કોંગ્રેસ જીત. બાવળા વોર્ડ નંબર બે માં કોંગ્રેસ ની પેનલ વિજેતા
- રૂપાલ બેઠક જીતીને કોંગ્રેસને ખાતું ખોલાવ્યો. ભૂમિબહેન લાલભાઈ પટેલ રૂપાલ બેઠક ઉપર કોંગ્રેસનો વિજય. રૂપાલમાં કોંગ્રેસે 485 મતથી વિજય મેળવ્યો
- કઠલાલ તાલુકા પંચાયત અનારા 1 પર ભાજપ ની જીત
- ધરમપુર નગર પાલિકા વોર્ડ નંબર 1 માં 24 બેઠકમાંથી 4 બેઠક પર અપક્ષની જીત
પરિણામના લેટેસ્ટ અપડેટ
- વડોદરા તાલુકા પંચાયતની કોયલી બેઠક પર પેટાચૂંટણીમાં ભાજપ ઉમેદવાર પૂનમ જાદવની જીત , કોંગ્રેસ ઉમેદવારની હાર
- હાલોલ નગર પાલિકામાં વોર્ડ નંબર 1 ની મતગણતરી પૂર્ણ. વોર્ડ નંબર 1માં ભાજપના 2 ઉમેદવાર વિજેતા બન્યા. રૂપલબેન ભટ્ટ અને નીતિનભાઈ શાહ વિજેતા જાહેર. વોર્ડ 1 માં અગાઉ 2 ઉમેદવાર બિનહરીફ થયા બાદ વધુ બે ઉમેદવાર વિજેતા થતા આખી પેનલ ની જીત
- વડનગર નગરપાલિકામાં વોર્ડ નંબર 1 ની મત ગણતરીમાં ભાજપ એક બેઠક વિજેતા, કોંગ્રેસ એક બેઠક ઉપર વિજેતા. બે બેઠકો પહેલા થી ભાજપ બિનહરીફ વિજેતા થયેલી છે
- જુનાગઢના વંથલી નગરપાલિકા વોર્ડ 1 માં ભાજપ એ ખોલ્યું ખાતું, પેનલ જીતી
- નવસારીના બીલીમોરા નગર પાલિકામાં 3 બેઠકો બિનહરીફ જાહેર થઈ હતી. વોર્ડ નંબર 1 માં ભાજપની પેનલ થઈ વિજેતા
- ગાંધીનગર તાલુકા પંચાયતમાં અડાલજ બેઠક ઉપર ભાજપના ઉમેદવાર દક્ષાબેન મકવાણા વિજય થયો
- પારડી નગરપાલિકાની ચૂંટણીમાં વોર્ડ 1 માં ભાજપની પેનલના 4 ઉમેદવારનો વિજય. કુલ 28 બેઠકોમાંથી 5 બેઠકો પર ભાજપ નો વિજય
- અમરેલી - ધારી તાલુકા પંચાયતની મીઠાપુર ( ડુંગરી ) બેઠક ની પેટા ચૂંટણી. ભાજપના ઉમેદવાર ભનુબેન વાળા વિજેતા
મતગણતરી પહેલા લાઈટ ગુલ
રાજકોટના જેતપુર મતગણતરી કેન્દ્ર ઉપર મતગણતરી પહેલા વીજળી ગુલ થઈ ગઈ. કોઈ ખામી સર્જતાં વીજળી નથી. મતગણતરી શરૂ કરે તે પહેલાં જ વીજળી જતા ચર્ચા શરૂ થઈ. હાલ ગણતરી કેન્દ્ર અંદર અંધારપટ છવાયો છે. PGVCL ની ટિમ દ્વારા ફોલ્ટ શોધવાની કામગીરી શરૂ કરી છે.
ભાજપની જીતની શરૂઆત
- તાપીના સોનગઢ નગર પાલિકાની વોર્ડ નંબર 1ની ગણતરી પૂર્ણ. તમામ ચાર બેઠક પર ભાજપ વિજય...
- સાણંદ નગરપાલિકામાં વોર્ડ 1 ની તમામ બેઠક પર ભાજપની જીત
- કરજણ નગરપાલિકાના વોર્ડ 1 માં ભાજપની પેનલનો વિજય. તમામ 4 ઉમેદવારોની જીત
માણસા વોર્ડ નંબર 1 માં ભાજપના 4 ઉમેદવાર જીત્યા
માણસા નગરપાલિકાની ચૂંટણી અંતર્ગત સાયન્સ-આર્ટ્સ કોલેજ ખાતે મતગણતરી પ્રક્રિયા શરૂ થઈ છે. 7 વોર્ડની 28 બેઠકો માટે મતદાન થયું હતું. મતગણતરી કેન્દ્ર ખાતે ચુસ્ત પોલીસ બંદોબસ્ત ગોઠવવામાં આવ્યો છે. આજે ભાજપ, કોંગ્રેસ અને અપક્ષ મળી કુલ 60 ઉમેદવારોના ભાવિનો ફેંસલો થશે. માણસાના વોર્ડ નંબર 1 માં ભાજપના 4 ઉમેદવાર જીત્યા. આમ, ભાજપનું ખાતું ખૂલ્યું છે.
દાહોદથી અપડેટ
દાહોદ જીલ્લાની 2 નગરપાલીકા, 1 જીલ્લા પંચાયત સીટ, 6 તાલુકા પંચાયત સીટની મતગણતરી યોજાશે. દેવગઢબારીઆ અને ઝાલોદ ખાતે 9 વાગે મતગણતરી શરૂ થશે. ઝાલોદ નગરપાલિકામાં કુલ.75.25 % મતદાન થયું હતું. જ્યારે દેવગઢબારીઆ નગરપાલિકામાં 78.27% મતદાન થયુ હતું. ઝાલોદ નગર પાલીકામાં 7 વોર્ડના 28 સભ્યોનું આજે ભાવિ નક્કી થશે.
મહીસાગરથી અપડેટ
સ્થાનિક સ્વરાજ્યની ચૂંટણીને આજે પરિમાણ છે ત્યારે મહીસાગર જિલ્લામાં પણ ત્રણ નગરપાલિકા અને એક તાલુકા પંચાયત સીટ ની મતગણતરી હવે ગણતરીના સમયમાં શરૂ થશે. લુણાવાડા, બાલાસિનોર અને સંતરામપુર નગરપાલિકા તેમજ ખાનપુર તાલુકાની કનોડ તાલુકા પંચાયત સીટ માટે મતગણતરી શરૂ થશે. જિલ્લામાં કુલ 71 બેઠકો થઈને 183 ઉમેદવારોના ભાવિ આજે નક્કી થશે. જિલ્લામાં સરેરાસ 63.82 ટકા મતદાન થયું હતું
Live ટીવી પર જુઓ સ્થાનિક સ્વરાજ્યની ચૂંટણીનું પરિણામ
કુતિયાણામાં ભાજપ અને સમાજવાદી પાર્ટી વચ્ચે સીધી ટક્કર
પોરબંદર જિલ્લાની કુતિયાણા અને રાણાવાવ નગરપાલિકાની ચૂંટણીની આવતીકાલે મતગણતરી હાથ ધરાશે. કુતિયાણાના 6 વોર્ડ માટે 6 રાઉન્ડમાં મતગણતરી હાથ ધરાશે,જેમાં ભાજપ અને સમાજવાદી પાર્ટી વચ્ચે સીધી ટક્કર છે. તો રાણાવાવ નગરપાલિકાના 7 વોર્ડ માટે 7 રાઉન્ડમાં મતગણતરી હાથ ધરાશે. અહીં પણ ભાજપ અને સમાજવાદી પાર્ટી વચ્ચે મુકાબલો.
જેતપુરમાં શું છે સ્થિતિ
જેતપુર નગરપાલિકાની યોજાયેલ ચૂંટણીમાં 11 વોર્ડની 44 બેઠકો માટે 140 ઉમેદવારોનું ભાવી ઇવીએમ મશીનમાં સીલ થઈ ગયું હતું. એક બે જગ્યાએ ઇવીએમ મશીન ખોટકાયા સિવાય એકંદરે શાંતિપૂર્ણ 52.54 ટકા જેટલું મતદાન નોંધાયું હતું સાથે સાત વર્ષ બાદ યોજાયેલ જેતપુર નગરપાલિકાની ચૂંટણીમાં ઉમેદવારના ઉત્સાહ સિવાય મતદારોના નિરોત્સાહ વચ્ચે આજે મતદાન પૂર્ણ થયું હતું. 11 વોર્ડની 44 બેઠકો માટે ભાજપ 42, કોંગ્રેસ 27, આપ 23 તેમજ 47 જેટલા અપક્ષ થઈ કુલ 140 ઉમેદવારોએ ચૂંટણી મેદાનમાં ઝંપલાવ્યું હતું. જેમાં રાષ્ટ્રીય પક્ષોનો ઝાકમઝોળ પ્રચાર વગર ચૂંટણી યોજાય ગઈ. સાત વર્ષ બાદ નગરપાલિકાની ચૂંટણી યોજાતા મોટા ભાગના ભાજપના કાર્યકરોએ ભાજપની ટીકીટ માંગેલ હતી પરંતુ પાર્ટીએ માત્ર 44 કાર્યકરોને જ ટીકીટ આપી શકે તેમ હોય અન્ય કાર્યકરોએ અપક્ષ ઉમેદવારી કરી હતી. અને આવા અપક્ષ ઉમેદવારો પાસે ભાજપે શામ, દામ અને દંડની નીતિથી ચૂંટણી ફોર્મ પરત ખેંચાવી લેતા આ કાર્યકરો અને તેના ટેકેદારો ચૂંટણીમાં નિષ્ક્રિય થઈ ગયા હતાં,આ નિરુત્સાહ વચ્ચે આજે સવારે મતદાન શરૂ થયું તેમાં પ્રથમ બે કલાકમાં 6.13 ટકા, ત્યારબાદ 9 થી 11 કલાક વચ્ચે 16.80 ટકા, 11 થી 1 વચ્ચે 27.92 ટકા મતદાન, 1 થી 3 કલાક વચ્ચે 38.80 ટકા મતદાન, 3 થી 5 કલાક વચ્ચે 47.83 અને છેલ્લે 6 વાગ્યા સુધીમાં 52.54 ટકા જેટલું મતદાન નોંધાયું હતું.
ભાવનગર જિલ્લામાં ચૂંટણી તંત્ર દ્વારા 7 સ્થળો પર મતગણતરીનુ આયોજન કરાયું છે. મહાનગરપાલિકાની પેટા ચૂંટણી માટે સરકારી ઈજનેરી કોલેજ ખાતે મતગણતરી થશે. ત્રણ નગરપાલિકાની ચૂંટણી માટેની મતગણતરી માટે તાલુકા સેન્ટર પર વ્યવસ્થા કરાઈ છે. સિહોર નગરપાલિકાની એલ.ડી. મુનિ હાઈસ્કુલ સિહોર ખાતે, તળાજા નગરપાલિકાની સરકારી વિનિયન કોલેજ તળાજા ખાતે અને ગારિયાધાર નગરપાલિકાની એમ.ડી.પટેલ હાઈસ્કુલ, ગારિયાધાર ખાતે મતગણતરી થશે. જિલ્લાની તાલુકા પંચાયત ચૂંટણીની મતગણતરી એલ.ડી.મુનિ હાઈસ્કુલ સિહોર તેમજ મામલતદાર કચેરી ભાવનગર ખાતે મતગણતરી થશે.
