અરવિંદ કેજરીવાલની ધમાકેદાર જાહેરાત, જામ્યો દિલ્હીની ચૂંટણીનો માહોલ

નવી દિલ્હી : દિલ્હીના મુખ્યમંત્રી અને આમ આદમી પાર્ટી (AAP)ના નેતા અરવિંદ કેજરીવાલ (Arvind Kejriwal) આજે પોતાનું નામાંકન દાખલ કરશે. અરવિંદ કેજરીવાલ નવી દિલ્હી વિધાનસભા સીટ (Delhi Assembly elections 2020)થી ચૂંટણી લડી રહ્યા છે. આ દરમિયાન કેજરીવાલ રોડ શો પણ કરશે. અરવિંદ કેજરીવાલે પોતે ટ્વીટ કરીને આ રોડ શોમાં ભાગ લેવા માટે લોકોને અપીલ કરી છે. 

कल मैं अपना नामांकन दाखिल करने जाऊँगा। अगर आप अपना आशीर्वाद और शुभ कामनाएँ देने आएँगे तो मुझे बहुत अच्छा लगेगा। https://t.co/YdxgEeXTSn

— Arvind Kejriwal (@ArvindKejriwal) January 19, 2020

પહેલાં આ સીટ ગોલમાર્કેટ વિધાનસભા સીટ તરીકે ઓળખાતી હતી. 1998 અને 2003ની વિધાનસભા ચૂંટણીમાં પૂર્વ મુખ્યમંત્રી શીલા દીક્ષિતે આ સીટ પરથી જીત મેળવી હતી. 2008માં નવા નિયમ પછી આ સીટ નવી દિલ્હી વિધાનસભા સીટમાં બદલાઈ ગઈ હતી. 2008માં શીલા દીક્ષિતે આ સીટ પરથી જીત મેળવી હતી પણ 2013માં આ સીટ મોટા પરિવર્તનનું કારણ બની હતી.

2013ની વિધાનસભાની ચૂંટણીમાં આ સીટ પર અરવિંદ કેજરીવાલે પહેલીવાર શીલા દીક્ષિતને પડકાર ફેંકીને પોતાની કરિયરની શરૂઆત કરી હતી. આ ચૂંટણીમાં હાર પછી શીલા દીક્ષિતની રાજકીય કરિયર પર બ્રેક લાગી ગઈ હતી અને અરવિંદ કેજરીવાલની કરિયર દોડવા લાગી હતી. આ પછી 2015માં પણ અરવિંદ કેજરીવાલે આ સીટ પર બહુ સરળતાથી જીત મેળવી લીધી હતી.