1 કલાક 46 મિનિટની અત્યંત ખૌફનાક ફિલ્મ, 3 મિત્રો અને 1 જિન, ભૂલેચૂકે એકલા જોવાની હિંમત ન કરતા

જો તમે પણ હોરર ફિલ્મો જોવાનું પસંદ કરતા હોવ અને રોજ અલગ અલગ કન્ટેન્ટ શોધતા હોવ તો આજે અમે તમને એક એવી ફિલ્મ વિશે જણાવીશું જેને જોઈને થથરી જશો. કારણ કે આ ફિલ્મની વાર્તા એક જિનની આસપાસ ઘૂમે છે. 

આપણે જિન વિશે તો ક્યારેક સાંભળ્યું હશે કે જો તે પાછળ પડી જાય તો જીવવું મુશ્કેલ કરી નાખે છે. આવી જ કહાની આ ફિલ્મની પણ છે. આ ફિલ્મ ત્રણ મિત્રો પર છે. જેમના પર એક જિનની નજર પડે છે. આ ફિલ્મ 2022માં રિલીઝ થઈ હતી. આ ફિલ્મમાં કોઈ મોટા કલાકાર તમને જોવા નહીં મળે પરંતુ આમ છતાં આ ફિલ્મ દર્શકોને ખુબ પસંદ પડી હતી. ફિલ્મનું નામ છે Aseq. 

ફિલ્મનું દિગ્દર્શન સરિમ મોમીને કર્યું છે. ફિલ્મમાં વર્ધાન પુરી, સોનાલી સહેગલ, સિદ્ધાંત કપૂર, એલેના રોક્સાના મારિયા ફર્નાન્ડિસ, આદિ ચુગ, જૂલિયન ગિલાર્ડ અને એમ્મા કાલર જેવા કલાકારો જોવા મળી રહ્યા છે. ફિલ્મની કહાનીમાં પ્રિયંકા (એલેના રોક્સાના)થી અલગ થયા બાદ રોની (વર્ધાન પુરી)ને લૈલા (સોનાલી સહેગલ) જોડે પ્રેમ થઈ જાય છે. પરંતુ તેની સાથે કેટલીક અજીબોગરીબ ઘટનાઓ  ઘટવા લાગે છે. જેની અસર તેના મિત્રો સારેમ અને આદિ ઉપર પણ થાય છે. જે તેને  બચાવવાની કોશિશ કરે છે. 

કહાનીમાં અનેક ભયંકર ટ્વિસ્ટ આવે છે જે તમે ચોંકાવી દેશે. તેઓ આ ચીજો સાથે કેવી રીતે ડીલ કરે છે અને પોતાને બચાવે છે તે જોઈને ડર લાગશે. આ ફિલ્મની ખાસ વાત એ છે કે ફિલ્મમાં કોઈ મોટા કલાકાર ન હોવા છતાં ફિલ્મે બોક્સ ઓફિસ પર સફળતા મેળવી હતી. મીડિયા રિપોર્ટ્સ મુજબ આ ફિલ્મનું ટોટલ બજેટ 10 કરોડ રૂપિયા હતું. જ્યારે બોક્સ ઓફિસ પર 15 કરોડની કમાણી કરી હતી અને હવે ઓટીટી પર ટ્રેન્ડ કરી રહી છે. 

જો તમને હોરર ફિલ્મો જોવી ગમતી હોય તો આ ફિલ્મ તમારા માટે એક સારો ઓપ્શન સાબિત થઈ શકે છે. ફિલ્મની કહાની તેને યુનિક બનાવે છે. જે એક જિન પર આધારિત છે. બોલીવુડ કે સાઉથમાં જિનો પર ખુબ ઓછી ફિલ્મો  બને છે. આ ફિલ્મને IMDb પર 5.4 રેટિંગ મળેલા છે. જો તમે આ ફિલ્મ જોવા માંગતા હોવ તો તેને ઓટીટી પ્લેટફોર્મ જિયો સિનેમા કે પછી પછી ફ્રીમાં યુટ્યુબ ઉપર પણ જોઈ શકો છો.