PICS: વર્લ્ડ કપની હાર ભુલાવી Vizag માં ઉતરશે 'નવી ટીમ ઇન્ડીયા, AUS ને મજા ચખાડવાની તૈયારી

ભારતીય ટીમ વનડે વર્લ્ડ કપની હાર ભૂલીને ફરી મેદાનમાં ઉતરશે. ટીમ ઈન્ડિયા ગુરુવારે એટલે કે 23 નવેમ્બરે વિશાખાપટ્ટનમમાં ઓસ્ટ્રેલિયા સામે શ્રેણીની પ્રથમ T20 મેચ રમશે. ભારતને વનડે વર્લ્ડ કપ (ODI World Cup-2023) ની ફાઇનલમાં ઓસ્ટ્રેલિયાએ માત આપી હતી. હવે મજબૂત બેટ્સમેન સૂર્યકુમાર યાદવની કપ્તાનીમાં ટીમ ઈન્ડિયા કમાલ બતાવવા માટે બેતાબ છે.

વનડે વર્લ્ડ કપ ફાઇનલમાં હાર બાદ ટીમ ઇન્ડિયા નવા કેપ્ટન અને કોચ સાથે રમશે. સૂર્યકુમાર યાદવ ટીમનું સુકાન સંભાળશે જ્યારે વીવીએસ લક્ષ્મણ કોચ તરીકેની ભૂમિકા નિભાવશે. વિશાખાપટ્ટનમમાં બંને લાંબા સમય સુધી એકબીજા સાથે ચર્ચા કરતા જોવા મળ્યા હતા.

પ્રસિદ્ધ કૃષ્ણ સહિત ભારતીય યુવા ખેલાડીઓએ કેરટેકર કોચ વીવીએસ લક્ષ્મણની દેખરેખ હેઠળ પરસેવો પાડ્યો હતો.

ઓલરાઉન્ડર વોશિંગ્ટન સુંદરને ટીમમાં સામેલ કરવામાં આવ્યો છે. તે વિશાખાપટ્ટનમમાં પ્રેક્ટિસ કરતો જોવા મળ્યો હતો.

ઓલરાઉન્ડર અક્ષર પટેલની ટીમમાં વાપસી થઈ છે, જે ઈજાના કારણે વનડે વર્લ્ડ કપ (ODI World Cup-2023)નો ભાગ બની શક્યો નથી.

એશિયન ગેમ્સમાં ટીમને ચેમ્પિયન બનાવનાર ફાસ્ટ બોલર આવેશ ખાન ઓસ્ટ્રેલિયા સામે પણ સીરીઝ રમશે.

સિરીઝની શરૂઆત પહેલા યુવા ખેલાડી શિવમ દુબે પણ મેદાન પર પરસેવો પાડતો જોવા મળ્યો હતો.

યુવા ઝડપી બોલર મુકેશ કુમારે પણ વિશાખાપટ્ટનમના મેદાન પર પરસેવો પાડ્યો હતો.

સ્પિનર ​​રવિ બિશ્નોઈ પણ પ્રેક્ટિસ કરતો જોવા મળ્યો હતો. તે T20 ટીમમાં કાયમી બનવાની તૈયારી કરી રહ્યો છે.