હળદરમાં આ 5 માંથી કોઈપણ વસ્તુ મિક્સ કરી ફેસ પર લગાવો, તાત્કાલિક દૂર થશે તકલીફો

હળદર અને દહીંનું મિશ્રણ ત્વચા માટે પણ ખૂબ ફાયદાકારક છે, તે એક ઉત્તમ મોઈશ્ચરાઈઝરનું કામ કરે છે. દહીંમાં પ્રોટીન, વિટામિન અને લેક્ટિક એસિડ હોય છે. જે ચહેરાને એક્સ્ફોલિયેટ કરે છે. તે ત્વચાના મૃત કોષોને ઘટાડવામાં અને ભરાયેલા છિદ્રોને ખોલવામાં મદદ કરે છે.

સંવેદનશીલ ત્વચા ધરાવતા લોકો માટે તે ફાયદાકારક છે. ટામેટાંમાં હાજર લાઈકોપીન જેવા એન્ટીઓક્સીડેન્ટ સોજાને ઓછો કરવામાં મદદ કરે છે. અકાળ વૃદ્ધત્વની સમસ્યાઓને સુધારે છે. આ ઉપાય ચહેરાની બળતરા અને ખંજવાળથી રાહત આપે છે.

જો તમે હળદરને મધમાં ભેળવીને લગાવો તો તેનાથી ઘણા ફાયદા થઈ શકે છે. મધ ચહેરાને હાઇડ્રેટ રાખવાનું કામ કરે છે. હળદરમાં એન્ટીઓક્સીડેન્ટ હોય છે જેના કારણે તે ખીલ અને એલર્જીથી રાહત આપે છે. મધ ત્વચામાં ભેજ જાળવી રાખવામાં મદદ કરે છે. જો તમારી ત્વચા શુષ્ક અને નિસ્તેજ છે તો આ ઉપાય અપનાવો. તેનાથી તમારો ચહેરો નરમ રહેશે.

હળદરને દૂધમાં ભેળવીને ચહેરા પર લગાવવાથી તમારી ત્વચા પરના ખીલ દૂર થાય છે. તે ત્વચાની બળતરા ઘટાડવામાં પણ મદદ કરે છે. દૂધમાં હાજર લેક્ટિક એસિડ કુદરતી એક્સ્ફોલિયન્ટ તરીકે કામ કરે છે જે ત્વચામાંથી મૃત કોષોને દૂર કરે છે. બંનેને એકસાથે લગાવવાથી ચહેરા પર ચમક આવે છે. ડાઘ અને ફોલ્લીઓ દૂર કરે છે.

જો તમે તમારી ઉંમર કરતા મોટા દેખાતા હોવ તો હળદરમાં લીંબુનો રસ ભેળવીને કરચલીઓ અને ફાઈન લાઈન્સથી છુટકારો મેળવી શકો છો. લીંબુમાં વિટામિન સી અને એન્ટીઓક્સીડેન્ટ ભરપૂર માત્રામાં હોય છે. જે તમને વહેલા વૃદ્ધત્વ અને ત્વચાને નુકસાન જેવી સમસ્યાઓથી બચાવશે. હળદર અને લીંબુનું મિશ્રણ ત્વચાને મુલાયમ અને ચમકદાર બનાવે છે.

(Disclaimer: અહીં આપવામાં આવેલી માહિતી જનરલ જાણકારી પર આધારિત છે. ઝી મીડિયા આ અંગેની પુષ્ટી કરતું નથી. કોઈપણ પ્રયોગ કરતા પહેલાં નિષ્ણાંતની સલાહ અચુક લેવી જોઈએ.)