નવું વેસ્ટર્ન ડિસ્ટર્બન્સ આવ્યું, ઠંડી-ગરમીના અપડાઉન વચ્ચે ગુજરાત પર મોટા સંકટની આગાહી

રાજ્યમાં એક જ દિવસમાં તાપમાન 2 થી 5 ડિગ્રી વધી ગયુ છે. પવનની દિશા બદલાતા તાપમાનમાં વધારો થયો છે. જમ્મૂ-કાશ્મીરમાં નવું વેસ્ટર્ન ડિસ્ટર્બન્સ સક્રિય થતા ગુજરાત પર તેની મોટી અસર જોવા મળી છે. અમદાવાદના લઘુત્તમ તાપમાનમાં એક દિવસમાં 3.5 ડિગ્રીનો વધારો થયો છે. વહેલી સવારે લાગતી ઠંડીના પ્રમાણમાં ઘટાડો થયો છે. પરંતું ત્રણ દિવસ બાદ ફરી ઠંડીમાં સામાન્ય વધારો થઈ શકે છે. જો કે, હાલના દિવસોમાં મિશ્ર ઋતુ રહેતી હોવાના કારણે રોગચાળાના પ્રમાણમાં વધારો થયો છે. સવારે અને રાત્રે ઠંડી તો દિવસના ભાગમાં ગરમીનો અનુભવ થઈ રહ્યો છે.

હવામાને તેના તેવર બતાવવાનું શરૂ થયું અને ઘણા રાજ્યોમાં ભારે વરસાદ થયો. વેસ્ટર્ન ડિસ્ટર્બન્સ પણ સક્રિય છે, જેના કારણે પશ્ચિમ હિમાલયના ક્ષેત્રમાં વાવાઝોડું અને હિમવર્ષા અને વરસાદની શક્યતા છે. આ સંદર્ભે ભારતીય હવામાન વિભાગ (IMD) એ વરસાદને લઈને એલર્ટ જાહેર કર્યું છે. પૂર્વોત્તર બાંગ્લાદેશ પર એક ચક્રવાતી પરિભ્રમણ આવેલું છે, જેના પ્રભાવ હેઠળ અરુણાચલ પ્રદેશમાં 15 ફેબ્રુઆરી સુધી વાદળો અને હિમવર્ષા જોવા મળશે. ચક્રવાતી પરિભ્રમણના રૂપમાં પશ્ચિમી વિક્ષેપ ઉત્તર અફઘાનિસ્તાનમાં અને તેની આસપાસ સક્રિય છે, જેના કારણે ઉત્તરપૂર્વ ભારતમાં દરિયાની સપાટીથી 12.6 કિમી ઉપર કલાકના 203 કિલોમીટર (110 નોટ)ની ઝડપે પવન ફૂંકાય તેવી શક્યતા છે. આ અસરને કારણે પૃથ્વી પર ઠંડી વધશે. તેની અસરને કારણે, 10-11 ફેબ્રુઆરીના રોજ પશ્ચિમ હિમાલયના ક્ષેત્રમાં તીવ્ર વાવાઝોડા અને પવન સાથે હિમવર્ષા અને વરસાદની સંભાવના છે. પશ્ચિમ હિમાલય પ્રદેશમાં જમ્મુ અને કાશ્મીર, લદ્દાખ, હિમાચલ પ્રદેશ અને ઉત્તરાખંડ રાજ્યોનો સમાવેશ થાય છે.

હવામાન વિભાગે વેસ્ટર્ન ડિસ્ટર્બન્સને કારણે ચક્રવાતની ચેતવણી જાહેર કરવામાં આવી છે. જેના કારણે દેશના 10 રાજ્યોમાં વરસાદ સાથે શીત લહેર જોવા મળી શકે છે. દિલ્હીથી અરુણાચલ પ્રદેશ સુધી વરસાદ અને હિમવર્ષાની અસર જોવા મળશે. લઘુત્તમ તાપમાનમાં એકથી બે ડિગ્રીનો ઘટાડો જોવા મળી શકે છે. IMD અનુસાર, હિમાયલ પ્રદેશના વિવિધ વિસ્તારોમાં કોલ્ડવેવની સ્થિતિ યથાવત છે  

હવામાન વિભાગે ઉત્તર-પૂર્વ અને પૂર્વ ભારતના 7 રાજ્યોમાં વરસાદની ચેતવણી આપી છે. પશ્ચિમ બંગાળ અને સિક્કિમમાં 11 થી 15 ફેબ્રુઆરી વચ્ચે વરસાદની શક્યતા. આસામ, નાગાલેન્ડ, મણિપુર, મિઝોરમ અને ત્રિપુરા - હળવો વરસાદ અને તેજ પવનની અપેક્ષા છે રાત્રી અને સવારના સમયે હળવી ઠંડી રહેશે. દિવસ દરમિયાન મહત્તમ તાપમાન 24-26 ડિગ્રી સેલ્સિયસ વચ્ચે રહેવાની ધારણા છે. ઘુમ્મસની શક્યતા ઓછી છે, પરંતુ કેટલાક વિસ્તારોમાં હળવા ઝાકળ રહી શકે છે. હવામાન વિભાગે કહ્યું કે ઉત્તર ભારતમાં ધીમે ધીમે ઠંડી ઓછી થશે અને દિવસ તડકો રહેશે. ઉત્તરપૂર્વ ભારત અને બંગાળમાં 15 ફેબ્રુઆરી સુધી વરસાદ અને હિમવર્ષા ચાલુ રહી શકે છે.

હવામાન નિષ્ણાંત અંબાલાલ પટેલની આગાહી અનુસાર, 19 ફેબ્રુઆરીથી ગરમીની શક્યતા દેખાઈ રહી છે. 19 ફેબ્રુઆરીથી 14 એપ્રિલ સુધી રોગીસ્ટ હવામાન રહેશે, જેથી લોકોએ સાવચેતી રાખવી જરૂરી છે. 23 થી ફેબ્રુઆરીના અંત સુધીમાં વાદળવાયુ અને કમોસમી વરસાદના એંધાણ છે.