Whatspp Status માં દેખાતું પ્રાઈવસી પોલિસીનું ગુજરાતી વર્ઝન વાયરલ, PHOTOS જોઈને તમે પણ હસી પડશો

પ્રથમ ફોટોમાં વ્હોટ્સએપે પ્રાઈવસી અંગે ખુલાસો કર્યો છે જેમાં સ્પષ્ટ લખવામાં આવ્યું છે કે અમે તમારી પ્રાઈવસીનું ધ્યાન રાખીએ છીએ. જેનુ હાસ્યાસ્પદ ગુજરાતી વર્ઝન થયું.પાક્કુ અમે નહીં કહીએ તમે કાલે શું જમ્યા હતા. એની નીચે એક ખાસ સંદેશ લખવામાં આવ્યો છે. ના જાવને યાર સિગ્નલ પર. જેને જોઈને કહી શકાય કે વ્હોટ્સએપ પરથી મોટા પ્રમાણમાં લોકો સિગ્નલ પર ટ્રાન્સફર થઈ રહ્યાં છે. 

બીજા ફોટોમાં લખ્યું છે, વ્હોટ્સએપ તમારા કોન્ટેક્ટ્સ ફેસબૂક સાથે શેર નથી કરતું, જેનું ગુજરાતી વર્ઝન થયું. માર્ક ઝુકરિયાને અમે કોઈના નંબર નથી આપતા, મમ્મી કસમ. અહિંયા ફેસબૂક અને વ્હોટ્સએપના માલિક માર્ક ઝકર્બર્ગનું નામ પણ હાસ્યાસ્પદ અંદાજમાં એક પાક્કા ગુજરાતની જેમ લેવામાં આવ્યું છે. દરેક ફોટોની નીચે સિગ્નલ એપનો તો ઉલ્લેખ કરવામાં આવ્યો છે. 

ત્રીજા ફોટોમાં લખ્યું છે કે વ્હોટ્સએપ તમે શેર કરેલી લોકેશન નથી જોઈ શક્તુ. જેનું ગુજરાતી વર્ઝન થયું તમે કેટલી જગ્યા પર ઝલીલ થઈને આવો છો એ લોકેશન અમે જોતા જ નથી. 

ચોથા ફોટોમાં લખ્યું છે, વ્હોટ્સએપ તમારા મેસેજ વાંચી કે સાંભળી નથી શક્તું. જેનું ગુજરાતી વર્ઝન થયું યાર અમે તમારી પત્નીને નહીં કહીએ સ્વિટી સાથે તમે શું વાતો કરો છો. આ તમામ વાયરલ ફોટોમાં એક વાતનું ખુબ જ ધ્યાન રાખવામાં આવ્યું છે કે જે પણ શબ્દોનો ઉપયોગ થયો છે તે માત્ર રોજીંદા જીવનમાં વપરાતા શબ્દો છે જેથી કોઈ પણ ગુજરાતી આ જોઈને પેટ પકડીને હસે છે.