કુતરાનો પટ્ટો પતિના ગળામાં બાંધી ફરતી હતી પત્ની, કારણ જાણીને ચોંકી જશો!

મહિલા પોતાના પતિને કુતરાની માફક પટ્ટો બાંધીને ફરવા નિકળી પડી, પરંતુ પોલીસે પકડી લીધી અને દંડ ફટકાર્યો. 

દુનિયાભરમાં કોરોના વાયરસ (Coronavirus)નો કહેર ચાલુ છે અને તેનાથી બચવા માટે ઘણા દેશોમાં હજુ પણ લોકડાઉન લાગૂ છે. કેનેડાના ક્યૂબેક (Quebec) રાજ્યમાં પણ ચાર અઠવાડિયાનો કરફ્યું લાગેલો છે અને લોકોને રાત્રે 8 વાગ્યાથી સવારે 5 વાગ્યા સુધી બહાર નિકળવાની મનાઇ છે. જોકે લોકો જરૂરી કામ માટે બહાર નિકળી શકે છે અને પોતાના પાલતૂ જાનવરોને બહાર ફેરવી શકો છો. 

ડેલીમેલ અનુસાર કર્ફ્યું તોડીને ફરી રહેલી મહિલાને જ્યારે પોલીસે પકડી અને કારણ પૂછવામાં આવ્યું તો તેણે કહ્યું કે ઘરની આસપાસ પોતાના કુતરાની સાથે ફરવાની પરવાનગી માંગી છે, જેને સાંભળીને પોલીસ અધિકારી આશ્વર્યમાં પડી ગયા. 

જ્યારે પોલીસ અધિકારીઓએ મહિલાને કહ્યું કે તે તમારો કુતરો નથી પરંતુ તમારો પતિ છે તો તેના પર મહિલાએ હંગામો કરવાનું શરૂ કરી દીધું. 

કપલ પોલીસની કોઇપણ વાતને માનવા માટે તૈયાર નથી, ત્યારબાદ પોલીસે 2400 ડોલર એટલે કે લગભગ 1.75 રૂપિયાનો દંડ ફટકાર્યો છે. 

આ પહેલાં ગત વર્ષે નવેમ્બરમાં ચેક રિપબ્લિકમાં એક વ્યક્તિને પોતાના સ્ટફ્ડ ડોગ (રમકડાં)ને ફરાવવા માટે પોલીસે પકડી હતી.