ମଧୁମେହର ପ୍ରାରମ୍ଭିକ ଲକ୍ଷଣ: ଆପଣ ସୁଗର ଲେବଲ ବୃଦ୍ଧି ହେବାର ଏହି ଲକ୍ଷଣକୁ ଅଣଦେଖା କରୁଛନ୍ତି କି?

World Diabetes Day 2022: ଆଜିକାଲି ଅନେକ ଲୋକ ମଧୁମେହ ସମସ୍ୟା ସହ ସଂଘର୍ଷ କରୁଛନ୍ତି। ଖରାପ ଜୀବନଶୈଳୀ ଓ ଜେନେଟିକ୍ କାରଣରୁ ମଧ୍ୟ ଡାଇବେଟିସ୍ ସମସ୍ୟା ହୋଇପାରେ । କିନ୍ତୁ ପ୍ରାରମ୍ଭିକ ସମୟରେ ଆପଣ ଚାହିଁଲେ ଏହି ରୋଗର ଲକ୍ଷଣ ଜାଣିପାରିବା ସହ ଉପଚାର କରିପାରିବେ । ମଧୁମେହ ପ୍ରତି ଲୋକଙ୍କୁ ସଚେତନ କରିବା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ପ୍ରତିବର୍ଷ ନଭେମ୍ବର ୧୪ ତାରିଖରେ World Diabetes Day ପାଳନ ହେଉଛି ।

World Diabetes Day 2022: ବର୍ତ୍ତମାନ ସମୟରେ ମଧୁମେହ ଏକ ସାଧାରଣ ସମସ୍ୟା । ଅଧିକାଂଶ ଲୋକ ଭୁଲ ଜୀବନଶୈଳୀ (lifestyle) ଓ କିଛି ଜେନେଟିକ୍ କାରଣରୁ ଏହି ରୋଗ ସହ ସଂଘର୍ଷ କରୁଛନ୍ତି । ସୁଗର ଲେବୁଲ ଏକ କ୍ରନିକ୍ ଅବସ୍ଥା ଯେଉଁ କାରଣରୁ ଶରୀରରେ ଗ୍ଲୁକୋଜ୍ ମାତ୍ରା ବୃଦ୍ଧି ପାଇଥାଏ । ଅନେକ ଲୋକ ଶରୀରରେ ହେଉଥିବା ଏହି ପରିବର୍ତ୍ତନକୁ ଅଣଦେଖା କରିଥାନ୍ତି, ପରବର୍ତ୍ତୀ ସମୟରେ ଏହି ସମସ୍ୟା ଅଧିକ ଗୁରୁତର ହେବାପରେ  ସ୍ୱାସ୍ଥ୍ୟ ବିଶେଷଜ୍ଞଙ୍କୁ ଭେଟିବା ସହ ଚିକିତ୍ସା ଆରମ୍ଭ କରିଥାନ୍ତି । ଯଦିଓ ସଚେତନତା ଅଭାବରୁ ଅନେକ ଲୋକ ମଧୁମେହର ଲକ୍ଷଣ ଜାଣିପାରିନଥାନ୍ତି । ଏଠାରେ ଆମେ ଡାଇବେଟିସର ପ୍ରାରମ୍ଭିକ ଲକ୍ଷଣ ବିଷୟରେ ଆପଣଙ୍କୁ ଜଣାଉଛୁ । 

ମଧୁମେହର ପ୍ରାରମ୍ଭିକ ଲକ୍ଷଣ | Early Symptoms of Diabetes

ବାରମ୍ବାର ପରିସ୍ରା ଲାଗିବା

ମଧୁମେହ ଯୋଗୁ ରକ୍ତରୁ ଅତିରିକ୍ତ ସୁଗାର ବାହାର କରିବା ପାଇଁ କିଡନୀ ଉପରେ ଅଧିକ ଚାପ ପଡିଥାଏ । ଯେତେବେଳେ ସୁଗାର ମାତ୍ରା ବୃଦ୍ଧି ପାଏ, କିଡନୀ ଏହାକୁ ରକ୍ତରୁ ବାହାର କରିଥାଏ । ଯେଉଁ କାରଣରୁ ବାରମ୍ବାର ପରିସ୍ରା ଲାଗିଥାଏ । ସ୍ୱାଭାବିକଠାରୁ ଯଦି ଆପଣ ଦିନରେ କିମ୍ବା ରାତିରେ ଅଧିକ ଥର ବାଥ୍ ରୁମ ଯାଉଛନ୍ତି, ତେବେ ଏହା ଡାଇବେଟିସର ପ୍ରାପମ୍ଭିକ ଲକ୍ଷଣ ହୋଇପାରେ । 

ବାରମ୍ବାର ସଂକ୍ରମଣ

ମଧୁମେହରେ ପୀଡ଼ିତ ବ୍ୟକ୍ତିଙ୍କ ପରିସ୍ରାରେ ଅଧିକ ସୁଗାର ରହିବା କାରଣରୁ ବ୍ୟାକ୍ଟେରିଆ ମଧ୍ୟ ବୃଦ୍ଧି ପାଇଥାଏ । କାରଣ ସୁଗାରକୁ ଜୀବାଣୁ ଖାଦ୍ୟ ଭାବରେ ଗ୍ରହଣ କରିଥାନ୍ତି । ପ୍ରଚୁର ଖାଦ୍ୟ ସହିତ ଉଷ୍ମ, ଆର୍ଦ୍ର କ୍ଷେତ୍ର ସେମାନଙ୍କ ବଂଶ ବୃଦ୍ଧି କରିବାରେ ସାହାଯ୍ୟ କରେ । ଏପରି ପରିସ୍ଥିତିରେ, ଯେଉଁମାନଙ୍କର ମଧୁମେହ ଥାଏ, ସେମାନେ ମୂତ୍ର ସଂକ୍ରମଣର ଶିକାର ହୋଇଥାନ୍ତି । 

ଅତ୍ୟଧିକ ତୃଷା 

ପୀଡ଼ିତ ବ୍ୟକ୍ତି ବାରମ୍ବାର ପରିସ୍ରା କରିବା ଦ୍ୱାରା ଡିହାଇଡ୍ରେସନ୍ ହୋଇପାରେ ଏବଂ ବାରମ୍ବାର ଶୋଷିଲା ଲାଗେ । କିନ୍ତୁ ତା’ପରେ ଅଧିକ ପାଣି ପିଇବା ପରେ ମଧ୍ୟ ଶୋଷ ମେଣ୍ଟି ନଥାଏ । ଏହା ମଧ୍ୟ ମଧୁମେହର ଲକ୍ଷଣ ହୋଇପାରେ । 

ବାରମ୍ବାର ଭୋକ 

ଆପଣ ଖାଉଥିବା ଖାଦ୍ୟକୁ ଶରୀର ଗ୍ଲୁକୋଜରେ ପରିଣତ ହୋଇଥାଏ, ଯାହାକୁ କୋଷଗୁଡ଼ିକ ଶକ୍ତି ପାଇଁ ବ୍ୟବହାର କରିଥାନ୍ତି । କିନ୍ତୁ ଯଦି ଆପଣଙ୍କର ମଧୁମେହ ଅଛି, ତେବେ ଆପଣଙ୍କର କୋଷଗୁଡ଼ିକ ଗ୍ଲୁକୋଜକୁ ସଠିକ୍ ଭାବରେ ଅବଶୋଷଣ କରିପାରି ନଥାନ୍ତି । ତେଣୁ ଆପଣ ଖାଉଥିବା ଖାଦ୍ୟରୁ ଆପଣଙ୍କ ଶରୀର ପର୍ଯ୍ୟାପ୍ତ ଶକ୍ତି ପାଇ ନଥାଏ । ଏପରି ପରିସ୍ଥିତିରେ, ତୁମେ ଭୋକିଲା ଅନୁଭବ କରିଥାଅ । କିଛି ସମୟ ପୂର୍ବରୁ ଖାଦ୍ୟ ଖାଇଥିଲେବି ପୁଣି ଭୋକ ଲାଗିଥାଏ । 

ଓଜନ ହ୍ରାସ

ଯଦି ଆପଣ ଖାଉଥିବା ଖାଦ୍ୟରୁ ଆପଣଙ୍କ ଶରୀର ଯଥେଷ୍ଟ ଶକ୍ତି ପାଇପାରି ନଥାଏ, ତେବେ ମାଂସପେଶୀ ଏବଂ ଚର୍ବି ହ୍ରାସ ପାଇଥାଏ । ଏପରି ପରିସ୍ଥିତିରେ, ଯଦିଓ ଆପଣ ଡାଏଟ୍ ପରିବର୍ତ୍ତନ କରି ନଥାନ୍ତି, ତଥାପି ଓଜନ ହ୍ରାସ ପାଇଥାଏ । 

ଶୁଷ୍କତା ଓ ଅସ୍ଥିରତା 

ଖରାପ ରକ୍ତ ପ୍ରବାହ ଏବଂ ଦୁର୍ବଳ ସ୍ନାୟବିକ କ୍ରିୟା ଯୋଗୁଁ ଆପଣଙ୍କ ହାତ ଏବଂ ପାଦ ଚର୍ମ ଶୁଷ୍କ ଦେଖାଯାଇଥାଏ । ଏହାସହିତ ଗଣ୍ଠି ଯନ୍ତ୍ରଣା ଦେଖା ଦେଇଥାଏ । 

ଚର୍ମରେ କଳା ଦାଗ

ରକ୍ତରେ ଅତ୍ୟଧିକ ଇନସୁଲିନ୍ ଥିବାରୁ ମଧୁମେହ ଆପଣଙ୍କ ବେକ, ବାହୁ, କିମ୍ବା ଗଣ୍ଠିରେ ଚର୍ମର କଳା କିମ୍ବା ଧୁସର ରଙ୍ଗର ଦାଗ ସୃଷ୍ଟି କରିପାରେ । 

ଯଦି ଏହି ଲକ୍ଷଣଗୁଡିକ ଆପଣ ପ୍ରାରମ୍ଭିକ ସମୟରେ ଧ୍ୟାନ ଦିଅନ୍ତି ଓ ଶୀଘ୍ର ଯତ୍ନ ନିଅନ୍ତି, ତେବେ ଟାଇପ୍-୨ ଡାଇବେଟିସ୍ ସହିତ ସହଜରେ ମୁକାବିଲା କରାଯାଇପାରିବ । ଏଥିପାଇଁ ଆପଣଙ୍କ ଜୀବନଶୈଳୀରେ କିଛି ମାତ୍ରାରେ ପରିବର୍ତ୍ତନ ଆଣିବାକୁ ପଡ଼ିବ ।