Crime News: ଦୀପାବଳିରେ ଟ୍ରିପଲ ମର୍ଡର, ଗୋଟିଏ ପରିବାରର ୩ ମୃତ

Kakinada Triple Murder Case: ଦୀପାବଳି ଦିନ ଏକ ବଡ଼ ହତ୍ୟାକାଣ୍ଡ ସାମ୍ନାକୁ ଆସିଛି । ଆନ୍ଧ୍ରପ୍ରଦେଶର କାକିନାଡାଠାରେ ଗୋଟିଏ ପରିବାରର ତିନି ଜଣଙ୍କୁ ହତ୍ୟା କରାଯାଇଛି। ପୋଲିସ ସୂଚନା ଅନୁଯାୟୀ, ପାରସ୍ପରିକ ଶତ୍ରୁତା କାରଣରୁ ଏହି ହତ୍ୟାକାଣ୍ଡ ଘଟିଛି।

Triple murder in Kakinada Andhra Pradesh: ଦୀପାବଳି ଦିନ ଆନ୍ଧ୍ରପ୍ରଦେଶର କାକିନାଡା ଜିଲ୍ଲାରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହେବା କାରଣରୁ ୩ଜଣଙ୍କ ଜୀବନ ଯାଇଛି । ଦୁଇ ପରିବାର ମଧ୍ୟରେ ପୂର୍ବରୁ ଶତ୍ରୁତା ରହିଥିଲା । ଏହି ହତ୍ୟାକାଣ୍ଡରେ ଜଣେ ବ୍ୟକ୍ତି, ତାଙ୍କ ପୁଅ ଏବଂ ନାତିଙ୍କର ମୃତ୍ୟୁ ଘଟିଛି। ମୃତକଙ୍କ ଶରୀର ରକ୍ତରେ ଭିଜିଥିବା ଦେଖିବାକୁ ମିଳିଛି । ସେମାନଙ୍କର ମୁଣ୍ଡରେ ଗଭୀର ଆଘାତ ଲାଗିଛି । ପ୍ରାଥମିକ ଅନୁସନ୍ଧାନକୁ ଭିତ୍ତି କରି ପୋଲିସ କହିଛି ଯେ, ଏହି ହତ୍ୟାକାଣ୍ଡ ପୂର୍ବ ଶତ୍ରୁତା କାରଣରୁ ହୋଇଛି ।

ସୂଚନା ମୁତାବକ, ମୃତକଙ୍କ ନାମ ବାଥୁଲା ରମେଶ, ବାଥୁଲା ଚିନ୍ନି ଏବଂ ବାଥୁଲା ରାଜୁ ବୋଲି ଜଣାପଡିଛି। ପୋଲିସ ଅଧିକାରୀ ରାମକୃଷ୍ଣ ରାଓଙ୍କ କହିବାନୁଯାୟୀ, ଆମେ ଏହାକୁ ସବୁ ଦିଗରୁ ଅନୁସନ୍ଧାନ କରୁଛୁ ଏବଂ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ, ଦୀର୍ଘ ବର୍ଷ ଧରି ଦୁଇ ପରିବାର ମଧ୍ୟରେ ଶତ୍ରୁତା ରହିଥିଲା। ଅଭିଯୁକ୍ତଙ୍କୁ ଶୀଘ୍ର ଗିରଫ କରାଯିବ।

ହତ୍ୟାକାଣ୍ଡ ପରେ ଗାଁରେ ଶୋକାକୂଳ ପରିବେଶ ଦେଖିବାକୁ ମିଳିଛି । କିଛି ଲୋକ ନିଜ ଘରେ ତାଲା ପକାଇ ଦେଇଛନ୍ତି। ଏହି ଘଟଣା ପରେ ଗାଁରେ ଉତ୍ତେଜନା ପରିସ୍ଥିତି ଦେଖିବାକୁ ମିଳିଛି । ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ନିୟନ୍ତ୍ରଣ କରିବାକୁ ପ୍ରୟାସ କରୁଛି । 

ଆପଣଙ୍କୁ କହିରଖିବାକୁ ଚାହୁଁ ଯେ, ରାଜଧାନୀ ଦିଲ୍ଲୀରେ ମଧ୍ୟ ଦୀପାବଳି ରାତିରେ ଏକ ଡବଲ ହତ୍ୟା ଘଟଣା ସାମ୍ନାକୁ ଆସିଛି। ପୋଲିସ ସୂଚନାନୁସାରେ, ଗୁରୁବାର ଦିନ ଶାହଦରାଠାରେ ଦୀପାବଳି ଉତ୍ସବ ସମୟରେ ଦୁର୍ବୁତ୍ତ ୨ଜଣଙ୍କୁ ଗୁଳି କରିଛନ୍ତି । ଉକ୍ତ ୨ଜଣ ସମ୍ପର୍କରେ ମାମୁଁ ଏବଂ ଭଣଜା ବୋଲି କୁହାଯାଉଛି । ଏହି ମାମଲାରେ ଜଣେ ୧୦ ବର୍ଷର ଶିଶୁ ଆହତ ହୋଇଛି ।