Delhi Bloody Gate: ଦିଲ୍ଲୀର ସବୁଠାରୁ ଅଭିଶପ୍ତ ସ୍ଥାନ! ଯେଉଁଠି ହୋଇଥିଲା ମୋଗଲ ସାମ୍ରାଜ୍ୟର ବିନାଶ

Delhi History: ଦିଲ୍ଲୀରେ ଏପରି ଏକ ସ୍ଥାନ ରହିଛି। ଯେଉଁଠି ମୋଗର ସାମ୍ରାଜ୍ୟର ଅନ୍ତ ହେବା ସହିତ ବ୍ରିଟଶ ସରକାରଙ୍କୁ ଭାରତ ଛାଡ଼ି ଇଂଲଣ୍ଡ ଫେରିଯିବାକୁ ପଡ଼ିଥିଲା।

Bloody Gate Delhi: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଏପରି ସ୍ଥାନ ରହିଛି। ଯେଉଁଠି ମୋଗଲ ସାମ୍ରାଜ୍ୟର ସମ୍ପୂର୍ଣ୍ଣ ବିନାଶ ହୋଇଯାଇଥିଲା। ଏହି ସ୍ଥାନ ବାହାଦୂର ଶାହା ଜାଫର ମାର୍ଗ ସ୍ଥିତ ଦିଲ୍ଲୀ ଫାଟକ ନିକଟରେ ଅବସ୍ଥିତ। ପୁରୁଣା ଦିଲ୍ଲୀର ଏହି ସ୍ଥାନର ଇତିହାସ ରକ୍ତରେ ବୁଡ଼ି ଯାଇଛି। ଆଜି ଏହାର ଗୋଟିଏ ପାର୍ଶ୍ୱରେ ଫିରୋଜ ଶାହା କୋଟଲା ଏବଂ ଅନ୍ୟ ପଟେ ଏହାର ପଶ୍ଚିମରେ ପ୍ରସିଦ୍ଧ ମୌଲାନା ଆଜାଦ ମେଡିକାଲ କଲେଜ ଫାଟକ ରହିଛି। ଭାରତର ପ୍ରତ୍ନତତ୍ତ୍ୱ ବିଭାଗ ଏହାକୁ ଏକ ସଂରକ୍ଷିତ ସ୍ମାରକୀ ଭାବେ ଘୋଷଣା କରିଛି।

ରକ୍ତାକ୍ତ ଦ୍ୱାର ଇତିହାସ
ଏହି ରକ୍ତାକ୍ତ ଦ୍ୱାରର ଇତିହାସ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। କାରଣ ଏହି ଦ୍ୱାର ସହ ଜଡ଼ିତ ଅନେକ ରହସ୍ୟ ଏବଂ କାହାଣୀ ରହିଛି। ଏହାକୁ ଶେର୍ ଶାହା ସୁରୀ ନିର୍ମାଣ କରିଥିଲେ। ଏହି ଦ୍ୱାର ଫିରୋଜାବାଦଙ୍କ ଗୈରବରେ ନିର୍ମାଣ କରାଯାଇଥିଲା। ଏହା କାବୁଲି ବଜାର ନାମରେ ମଧ୍ୟ ଜଣାଶୁଣା। ଏହାର ନାମ କାବୁଲି ଦ୍ୱାରା ରଖିବା ପଛରେ ଏକ କାରଣ ରହିଛି। ଏହାର କାରଣ ହେଉଛି ଆଫଗାନିସ୍ତାନରୁ ଆସୁଥିବା ଲୋକ ଏହି ଦ୍ୱାର ଦେଇ ଯାଉଥିଲେ। ଆପଣଙ୍କୁ ଏହି ରକ୍ତାକ୍ତ ଦ୍ୱାର ସହିତ ଜଡିତ ତିନୋଟି ବଡ ଘଟଣା ସମ୍ପର୍କରେ କହୁଛୁ। ଯେଉଁଠାରେ ହତ୍ୟା କରାଯାଇଥିବା ଲୋକ ଏବଂ ସେମାନଙ୍କ ପରିବାର କାରଣରୁ ପରବର୍ତ୍ତୀ ସମୟରେ ମୋଗଲ ସାମ୍ରାଜ୍ୟ ଧ୍ୱଂସ ହୋଇଯାଇଥିଲେ ଏବଂ ସେମାନଙ୍କ ଚିହ୍ନବର୍ଣ୍ଣ ଲିଭି ଯାଇଥିଲା। ଏପରିକି ମୋଗଲ ଶାସକଙ୍କୁ ପରାସ୍ତ କରିଥିବା ବ୍ରିଟିଶ ସରକାରଙ୍କୁ ମଧ୍ୟ ଭାରତ ଛାଡି ଇଂଲଣ୍ଡକୁ ଫେରିଯିବାକୁ ପଡ଼ିଥିଲା।

ରକ୍ତାକ୍ତ ଦ୍ୱାରର ନାମ କିପରି ଆସିଲା? ଜାଣନ୍ତୁ ଏହା ପଛର କାହାଣୀ
ମୋଗଲ ସମ୍ରାଟ ଔରଙ୍ଗଜେବ ନିଜ ବଡ଼ ଭାଇ ଦାରା ଶିଖୋଙ୍କ ମୁଣ୍ଡ କାଟ କରିବା ପରେ ଏହାକୁ ସେହି ରକ୍ତାକ୍ତ ଦ୍ୱାରରେ ଟାଙ୍ଗି ଦେଇଥିଲେ। କବି ଅବଦୁଲ ରହୀମ ଖାନ-ଏ-ଖାନାର ଦୁଇ ପୁଅଙ୍କୁ ମୋଗଲ ସମ୍ରାଟ ଜାହାଙ୍ଗୀର ହତ୍ୟା କରିଥିଲେ। ଏହି ରକ୍ତାକ ଖୋନି ଦ୍ୱାର ନିକଟରେ ଆଉ ହିଂସାତ୍ମ ଘଟଣା ୧୮୫୭ ମସିହାରେ ଘଟିଥିଲା। ​​ଯେତେବେଳେ ବ୍ରିଟିଶ ନେତା ୱିଲିୟମ୍ ହଡସନ ବାହାଦୂର ଶାହା ଜାଫରଙ୍କ ଦୁଇ ପୁଅ ଏବଂ ନାତିଙ୍କୁ ଗୁଳି ମାରି ହତ୍ୟା କରିଥିଲେ। ବାହାଦୂର ଶାହା ଜାଫରଙ୍କ ପୁଅ ମିର୍ଜା ମୋଗଲ ଏବଂ ମିର୍ଜା ସୁଲତାନ ଏବଂ ବାହାଦୂର ଶାହା ଜାଫରଙ୍କ ନାତି ଅବୁ ଆକବରଙ୍କ ହତ୍ୟା ପରେ କେବଳ ଏହି ସ୍ଥାନ ନୁହେଁ ସମଗ୍ର ଅଞ୍ଚଳ ଏତେ କୁଖ୍ୟାତ ହୋଇଥିଲା ଯେ ଲୋକେ ଏହା ନିକଟକୁ ଆସିବାକୁ ଭୟ କରୁଥିଲେ।

୧୯୪୭ ମସିହାରେ ବିଭାଜନ ସମୟରେ ଶହ ଶହ ଶରଣାର୍ଥୀଙ୍କୁ ଏହି ଦ୍ୱାରରେ ହତ୍ୟା କରାଯାଇଥିଲା। ରାତିରେ ଚିତ୍କାର କରିବାର ଶବ୍ଦ ସ୍ଥାନୀୟ ଲୋକ ଶୁଣିଥିବାର କହିଥାନ୍ତି। ଏଠାରେ ନିହତ ହୋଇଥିବା ଲୋକଙ୍କ ଭୂତ ଏପର୍ଯ୍ୟନ୍ତ ଏହି ଅଞ୍ଚଳରେ ରହିଥିବାର କୁହାଯାଏ। ଏହି ଦ୍ୱାର ବିଷୟରେ ମଧ୍ୟ କୁହାଯାଇଛି ଯେ ବର୍ଷା ସମୟରେ ଏହି ଦ୍ୱାରର ଛାତରୁ ରକ୍ତ ବୁନ୍ଦା ବୁନ୍ଦା ହୋଇ ବୋହିଥାଏ। ବର୍ତ୍ତମାନ ଏହି ଦାବିକୁ ପ୍ରମାଣ କରିବାର କୌଣସି ପ୍ରମାଣ ନାହିଁ।