ରାଜୁ ଶ୍ରୀବାସ୍ତବଙ୍କୁ ହୃଦଘାତ; ଦିଲ୍ଲୀର AIIMS ରେ ହେଲେ ଭର୍ତ୍ତି

Raju Srivastav Heart Attack: ହାସ୍ୟ ଅଭିନେତା ରାଜୁ ଶ୍ରୀବାସ୍ତବଙ୍କୁ ହୃଦଘାତରେ ପୀଡିତ ହେବା ପରେ ଦିଲ୍ଲୀର AIIMS ରେ ଭର୍ତ୍ତି କରାଯାଇଛି । ସେ ଦିଲ୍ଲୀର ଏକ ହୋଟେଲରେ ଜିମ୍ କରୁଥିଲେ, ଯେଉଁ ସମୟରେ ତାଙ୍କର ହୃଦଘାତ ହୋଇଥିଲା । ତାଙ୍କ ଭାଇ ଓ PRO ମଧ୍ୟ ଏହା ନିଶ୍ଚିତ କରିଛନ୍ତି ।

Raju Srivastav Heart Attack: ପ୍ରସିଦ୍ଧ ହାସ୍ୟ ଅଭିନେତା ରାଜୁ ଶ୍ରୀବାସ୍ତବଙ୍କୁ (Raju Srivastava) ହୃଦଘାତ (Heart attack) ହୋଇଛି । ସେ ଦିଲ୍ଲୀର ଏକ ହୋଟେଲରେ ଅବସ୍ଥିତ ଏକ ଜିମରେ ବ୍ୟାୟାମ କରୁଥିଲେ । ଏହି ସମୟରେ ସେ ହୃଦଘାତରେ ପୀଡିତ ହୋଇଥିଲେ । ଏହା ପରେ ତାଙ୍କୁ ଦିଲ୍ଲୀର AIIMS ରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ବର୍ତ୍ତମାନ ସ୍ଥିର ରହିଛି । ମିଡିଆ ରିପୋର୍ଟ ଅନୁଯାୟୀ ରାଜୁ ହୋଟେଲରେ ମଧ୍ୟରାତ୍ରିର ବ୍ୟାୟାମ କରୁଥିଲେ । ସେ ଟ୍ରାଡମିଲରେ ଦୌଡୁଥିଲେ ଓ ଏହାପରେ ହଠାତ୍ ତଳେ ପଡିଯାଇଥିଲେ । ତାଙ୍କର ମୃଦୁ ହୃଦଘାତ ହୋଇଛି । ତାଙ୍କୁ ଦୁଇ ଦିନ ନଜରରେ ରଖାଯିବ ଓ ତାଙ୍କ ଅବସ୍ଥାକୁ ଦୃଷ୍ଟିରେ ରଖି ହସ୍ପିଟାଲରୁ ଡିସଚାର୍ଜ କରାଯିବ ।

ରାଜୁ ଶ୍ରୀବାସ୍ତବ ସ୍ୱାସ୍ଥ୍ୟ ଖବର ଶୁଣି ତାଙ୍କ ପ୍ରଶଂସକମାନେ ଦୁଃଖ ପ୍ରକାଶ କରି ତାଙ୍କ ମଙ୍ଗଳ ପାଇଁ ପ୍ରାର୍ଥନା କରିଛନ୍ତି । ଜାତୀୟ ଗଣମାଧ୍ୟମ ଅନୁଯାୟୀ ରାଜୁ ଟ୍ରାଡମିଲରେ ବ୍ୟାୟାମ କରୁଥିଲେ । ସେ ଛାତିରେ ପ୍ରବଳ ଯନ୍ତ୍ରଣା ଅନୁଭବ କଲେ ଓ ପରେ ସେ ତଳେ ପଡ଼ି ଯାଇଥିଲେ । ଏହାପରେ ତାଙ୍କୁ ତାଙ୍କ ପ୍ରଶିକ୍ଷକ ହସ୍ପିଟାଲକୁ ଆଣିଥିଲେ, ଏଠାରେ  ତାଙ୍କୁ ଦୁଇଥର ସି.ଆର.ପି. ଦିଆଯାଇଥିଲା ।

ରାଜୁ ଶ୍ରୀବାସ୍ତବଙ୍କ ବନ୍ଧୁ ତଥା ହାସ୍ୟ ଅଭିନେତା ସୁନୀଲ ପାଲ ଏକ ଭିଡିଓ ରିଲିଜ୍ କରି ରାଜୁଙ୍କ ସ୍ୱାସ୍ଥ୍ୟ ଅପଡେଟ୍ ଦେଇଛନ୍ତି । ସେ କହିଛନ୍ତି, “ଏହା ସତ୍ୟ ଯେ କମେଡି ରାଜା ରାଜୁ ଶ୍ରୀବାସ୍ତବଙ୍କର ହୃଦଘାତ ହୋଇଥିଲା । ତାଙ୍କୁ AIIMS ରେ ଭର୍ତ୍ତି କରାଯାଇଥିଲା । ଏବଂ ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ବହୁତ ଭଲ ଅଛି । ଭଗବାନଙ୍କ କୃପାରୁ ଆପଣ ସମସ୍ତଙ୍କର ଆଶୀର୍ବାଦ ଯୋଗୁଁ, ତାଙ୍କ ସ୍ୱାସ୍ଥ୍ୟ ଭଲ ରହିଛି ଓ ବିପଦରୁ ବାହାରେ ଅଛନ୍ତି ।"

ସୁନୀଲ ପାଲ ଆହୁରି କହିଛନ୍ତି, “ରାଜୁ ଭାଇ, ଆପଣ ଶୀଘ୍ର ଭଲ ହୋଇଯାଅ । ଆମେ ସମସ୍ତେ ଆପଣଙ୍କୁ ବହୁତ ଭଲପାଉ । ଠିକ୍ ହୋଇଯାନ୍ତୁ ଓ ଆମ ସମସ୍ତଙ୍କ ପାଇଁ ଏହା ଏକ ଖୁସି ଖବର ଯେ ସେ ବର୍ତ୍ତମାନ ଭଲ ଅଛନ୍ତି । ବହୁତ ଭଲ। " ଏହି ଭିଡିଓ ସେୟାର କରି ସେ ଲେଖିଛନ୍ତି, ଶୀଘ୍ର ସୁସ୍ଥ ହୁଅ ରାଜୁ ଶ୍ରୀବାସ୍ତବ ଭାଇ ଜୀ .. ସୁସ୍ଥ ରୁହ, ମୁଁ ଏହା ଚାହେଁ ।