Mizoram Election Results 2023: ଆଜି ମିଜୋରାମରେ ଭୋଟ ଗଣତି, ଝୁଲା ବିଧାନସଭା ସମ୍ଭାବନା

ଭୁବନେଶ୍ୱର:  ଆଜି ମିଜୋରାମ ବିଧାନସଭା ପାଇଁ ଗ୍ରହଣ କରାଯାଇଥିବା ଭୋଟ୍‍ ଗଣତି (Mizoram Election Results 2023) ହେବ । ୪୦ ଟି ଆସନ ବିଶିଷ୍ଟ ଏହି ବିଧାନସଭା ଲାଗି ନଭେମ୍ବର ୭ ତାରିଖରେ ଭୋଟଗ୍ରହଣ କରାଯାଇଥିଲା। ସମୁଦାୟ ୮ଲକ୍ଷ ୫୭ ହଜାର ଭୋଟର ଅର୍ଥାତ୍‍ ମିଜୋରାମର ୮୦ ପ୍ରତିଶତ ଭୋଟର ୧୭୪ଜଣ ପ୍ରାର୍ଥୀଙ୍କ ଭାଗ୍ୟକୁ ଇଭିଏମରେ କଏଦ କରିଥିଲେ।

ପୂର୍ବ ନିର୍ଦ୍ଧାରଣ ଅନୁସାରେ ଗତକାଲି ଅନ୍ୟ ୪ ରାଜ୍ୟ ସହ ମିଜୋରାମ ନିର୍ବାଚନ ଫଳାଫଳ ଘୋଷଣା କରାଯିବାକୁ ସ୍ଥିର କରାଯାଇଥିଲା। କିନ୍ତୁ ମିଜୋରାମ ଜନତାଙ୍କ ପାଇଁ ରବିବାର ଏକ ବିଶେଷ ଦିନ ହେଉଥିବାରୁ ନିର୍ବାଚନ ଆୟୁକ୍ତ ଗଣତା ତାରିଖକୁ ଗୋଟିଏ ଦିନ ଘୁଞ୍ଚାଇ ଆଜି ସ୍ଥିର କରିଛନ୍ତି। ସକାଳ ୮ଟାରୁ ଏହି ଗଣତି ଆରମ୍ଭ ହେବ। ଭୋଟ୍ ଗଣନା ପାଇଁ ମିଜୋରାମ ପୂର୍ଣ୍ଣ ପ୍ରସ୍ତୁତ ରହିଛି। ସମୁଦାୟ ୧୩ ଟି ଗଣନା କେନ୍ଦ୍ର ଏବଂ ୪୦ ଟି କାଉଣ୍ଟିଂ ହଲରେ ଇଭିଏମ୍‍ ଗଣତି ଲାଗି ଶେଷ ପର୍ଯ୍ୟାୟରେ ପହଞ୍ଚିଛି।  ପ୍ରଥମେ ଡାକଯୋଗେ ମିଳିଥିବା ବାଲାଟ୍ ଗଣାଯିବ ଏବଂ ପରେ ଇଭିଏମ୍ ଭୋଟ୍ ଗଣାଯିବ। ୪ ହଜାରରୁ ଅଧିକ କାଉଣ୍ଟିଂ କର୍ମଚାରୀ ଏଥିରେ ସାମିଲ ହେବେ। ଏଥିଲାଗି  ୩୯୯ ଇଭିଏମ୍ ଟେବୁଲ ଏବଂ ୫୬ ଟି ଡାକ ବାଲାଟ ଟେବୁଲ ରହିବ ବୋଲି ଅଧିକାରୀମାନେ କହିଛନ୍ତି।

ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ଅନୁଯାୟୀ,  ୭ ତାରିଖରେ ଅନୁଷ୍ଠିତ ଭୋଟ ଗ୍ରହଣରେ ମହିଳା ଭୋଟରଙ୍କ ମଧ୍ୟରୁ ୮୧.୨୫ ପ୍ରତିଶତ ଭୋଟଦାନ କରିଥିବାବେଳେ ୮୦.୦୪ ପ୍ରତିଶତ ଭୋଟ ରେକର୍ଡ କରିଛନ୍ତି।  ରାଜ୍ୟର ସମସ୍ତ ୧୧ ଟି ଜିଲ୍ଲା ମଧ୍ୟରେ ସର୍ଚିପ୍ ଜିଲ୍ଲା ସର୍ବାଧିକ ଭୋଟରଙ୍କ ସଂଖ୍ୟା ୮୪.୭୮ ପ୍ରତିଶତ ରେକର୍ଡ କରିଛି, ତା’ପରେ ମମିତ୍ ଜିଲ୍ଲା ୮୪.୬୫ ପ୍ରତିଶତ, ହନାଥିଆଲ୍ ଜିଲ୍ଲା ୮୪.୧୯ ପ୍ରତିଶତ ଏବଂ ଲୁଙ୍ଗଲେ ଜିଲ୍ଲା ୮୩.୬୮ ପ୍ରତିଶତ ରେକର୍ଡ କରିଛି। ୧୮ ଜଣ ମହିଳା ପ୍ରାର୍ଥୀଙ୍କ ସମେତ ମୋଟ ୧୭୪ ଜଣ ପ୍ରାର୍ଥୀ ଏହି ବିବାଦରେ ଥିଲେ। ଶାସକ ମିଜୋ ନ୍ୟାସନାଲ ଫ୍ରଣ୍ଟ (ଏମ୍ଏଜନ୍ଏପଫ୍‍), ମୁଖ୍ୟ ବିରୋଧୀ ଦଳ ଜୋରାମ ପିପୁଲ୍ସ ମୁଭମେଣ୍ଟ (ଜେପିଏମ) ଏବଂ କଂଗ୍ରେସ ପ୍ରତ୍ୟେକ ୪୦ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବାବେଳେ ବିଜେପି ଏବଂ ଆମ୍ ଆଦମୀ ପାର୍ଟି (ଏଏପି) ଯଥାକ୍ରମେ ୨୩ ଏବଂ ୪ ଟି ଆସନରେ ଭାଗ୍ୟ ପରୀକ୍ଷା କରିଛନ୍ତି। 

୨୭ ଜଣ ସ୍ୱାଧୀନ ପ୍ରାର୍ଥୀ ମଧ୍ୟ ନିଜ ପାଇଁ ଭୋଟ୍‍ ମାଗିଥିଲେ। ଏକଜିଟ୍ ପୋଲ୍ ଅନୁଯାୟୀ, ମିଜୋରାମ ନ୍ୟାସନାଲ ଫ୍ରଣ୍ଟ (ଏମ୍ଏଧନ୍ଏପଫ) ଏବଂ ଜୋରାମ ପିପୁଲ୍ସ ମୁଭମେଣ୍ଟ (ଜେପିଏମ)  ଭିତରେ ହିଁ ପ୍ରତିଯୋଗିତା ହେବ। ସର୍ଭେ ଅନୁଯାୟୀ ଏମ୍ଏ(ନ୍ଏ‍ଫ ୧୩-୨୮ ସିଟ୍ ଏବଂ ଜେପିଏମ ୧୫-୨୫ ଜିତିବ ବୋଲି ପୂର୍ବାନୁମାନ କରାଯାଇଛି। ଏଥିସହ କଂଗ୍ରେସ -୭ ଟି ଆସନରେ ଜିତିବ ବୋଲି ଆଶା କରାଯାଉଥିବାବେଳେ ବିଜେପି -୨ଟି ଆସନ ପାଇବ ବୋଲି ଆକଳନ କରାଯାଇଛି।  ଏହି ସର୍ଭେରେ ସ୍ପଷ୍ଟ ସଂଖ୍ୟାଗରିଷ୍ଠତା ପରିବର୍ତ୍ତେ ଏକ ଝୁଲା ବିଧାନସଭା ପୂର୍ବାନୁମାନ କରାଯାଇଛି। ୨୦୧୮ ରେ ଅନୁଷ୍ଠିତ ଶେଷ ବିଧାନସଭା ନିର୍ବାଚନରେ  ଜେପିଏମ ୨୬ ଟି ସିଟ୍ ହାସଲ କରିଥିବା ବେଳେ ଜେପିଏମ୍ ୮ ଟି ଆସନ ଜିତିଥିଲା। କଂଗ୍ରେସକୁ ୫ ଟି ଏବଂ ବିଜେପିକୁ ମାତ୍ର ଗୋଟିଏ ଆସନ ମିଳିଥିଲା।