Crime News: ଓଡ଼ିଆ ଯୁବତୀଙ୍କୁ ଦିଲ୍ଲୀରେ ଗଣଦୁଷ୍କର୍ମ, ନିର୍ଭୟା କାଣ୍ଡ ପରି ଘଟଣା

Crime News: ଓଡ଼ିଶାରୁ ରାଜଧାନୀ ଦିଲ୍ଲୀକୁ ଚାକିରି କରିବା ପାଇଁ ଯାଇଥିବା ଯୁବତୀ ହେଲେ ଗଣ ଦୁଷ୍କର୍ମର ଶିକାର

Crime News: ଦେଶର ରାଜଧାନୀ ଦିଲ୍ଲୀରେ ପୁଣି ଏକ ଲଜ୍ୟାଜନକ ଘଟଣା ସାମ୍ନାକୁ ଆସିଛି । ଦିଲ୍ଲୀ ପୋଲିସର ପୁରୁଣା ମୁଖ୍ୟାଳୟଠାରୁ କିଛି ମିଟର ଦୂରରେ ଥିବା ITO ରେ ଜଣେ ଝିଅକୁ ଗଣଦୁଷ୍କର୍ମ କରିଥିଲେ ୩ ଅଭିଯୁକ୍ତ । ଏହା ପରେ ଅଟୋ ଡ୍ରାଇଭର ମଧ୍ୟ ଅଟୋରେ ଝିଅଟିକୁ ଦୁଷ୍କର୍ମ କରିଥିଲା।

ସୂଚନା ମୁତାବକ ୩୪ ବର୍ଷୀୟା ଯୁବତୀଙ୍କ ଘର ଓଡ଼ିଶାରେ । ସେ ରାଜଘାଟରୁ ଯିବା ସମୟରେ ସାରାଇ କାଲେଖାନରେ ପହଞ୍ଚିଥିଲେ। ଏହି ସମୟ ମଧ୍ୟରେ, ଯୁବତୀଙ୍କ ଗୁପ୍ତାଙ୍ଗରୁ ରକ୍ତ ଝରୁଥିଲା । ରିଙ୍ଗ ରୋଡ ରାସ୍ତାରେ ଯାଉଥିବା ହଜାର ହଜାର ଗାଡି ମଧ୍ୟରୁ କେହି ବି ଝିଅଟି ଉପରେ ଦୟା ଦେଖାଇନଥିଲେ । ଏହି ଘଟଣା ୧୦ ତାରିଖ ଅକ୍ଟୋବର ରାତି ପ୍ରାୟ ୯. ୩୦ ସମୟରେ ଘଟିଥିଲା ​​।

ଦିଲ୍ଲୀ ପୋଲିସ ବର୍ତ୍ତମାନ ଘଟଣା ସମ୍ପର୍କରେ ସୂଚନା ଦେଇ କହିଛି ଯେ, ପୋଲିସ ତିନି ଅଭିଯୁକ୍ତଙ୍କୁ ଗିରଫ କରିଛି। ଏହି ତିନିଜଣ ଯୁବତୀଙ୍କୁ ଅତି ନିର୍ମମ ଭାବେ ଆକ୍ରମଣ କରିଥିଲେ। ପୋଲିସ ୭୦୦ଟି ସିସିଟିଭି କ୍ୟାମେରା ଏବଂ ୧୫୦ ରୁ ଅଧିକ ଅଟୋ ରିକ୍ସା ଚାଳକଙ୍କୁ ପଚରାଉଚରା କରିବା ପରେ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଥିଲା । ବର୍ତ୍ତମାନ ହସ୍ପିଟାଲରେ ପୀଡିତାଙ୍କ ଚିକିତ୍ସା ଚାଲିଥିବା ପୋଲିସ ସୂଚନା ଦେଇଛି। ଗିରଫ ଅଭିଯୁକ୍ତଙ୍କ ନାମ ପ୍ରମୋଦ ବାବୁ, ପ୍ରଭାସ ମହାଟୋ ଏବଂ ମହମ୍ମଦ ଶାମସୁଲ ବୋଲି ଜଣାପଡିଛି।

ଏହି ଦୁଃଖଦ ଘଟଣା ସାମ୍ନାକୁ ଆସିବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା। ଏହି ମାମଲା ସାମ୍ନାକୁ ଆଣିବା ପାଇଁ ପୋଲିସ ୧୦ ଟି ଟିମ୍ ନିୟୋଜିତ କରିଥିଲା । ଏ ସମ୍ପର୍କରେ ନିରନ୍ତର ଅନୁସନ୍ଧାନ ଚଳାଇଥିଲା ପୋଲିସ । ପ୍ରାୟ ୭୦୦ଟି ସିସିଟିଭି କ୍ୟାମେରା ଯାଞ୍ଚ କରିବା ପରେ ଅଡୁଆ ସୁତାର ଖିଅ ପୋଲିସକୁ ମିଳିଥିଲା । ଏହା ବ୍ୟତୀତ ଅଟୋ ଡ୍ରାଇଭରମାନଙ୍କୁ ମଧ୍ୟ ପଚରାଉଚରା କରିଥିଲା ପୋଲିସ ।

ଆପଣଙ୍କୁ ସୂଚନା ଦେବାକୁ ଚାହୁଁ ଯେ, ଅକ୍ଟୋବର ୧୦ ତାରିଖ ରାତି ପ୍ରାୟ ୩ ଟା ସମୟରେ ପୋଲିସ PCR କୁ ସୂଚନା ମିଳିଥିଲା ​​ଯେ, ସାରାଇ କାଲେ ଖାନ ଅଞ୍ଚଳରେ ଜଣେ ଝିଅର ଅବସ୍ଥା ସଙ୍କଟାପନ୍ନ ରହିଛି। ସେଠାରେ ଝିଅଟିକୁ ଦେଖିବା ପରେ ଜଣେ ନୌସେନା ଅଧିକାରୀ ପୋଲିସକୁ ଏହି ସୂଚନା ଦେଇଥିଲେ । ନୌସେନା ଅଧିକାରୀ କହିଛନ୍ତି ଯେ, ଝିଅଟିର ଶରୀରରୁ ରକ୍ତସ୍ରାବ ହେଉଥିଲା ।

ଦିଲ୍ଲୀ ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ଯଦି ନୌସେନା ଅଧିକାରୀ ଏ ବିଷୟରେ ପୋଲିସକୁ ଜଣାଇ ନଥାନ୍ତେ ତେବେ ହୁଏତ ଯୁବତୀଙ୍କୁ ବଞ୍ଚାଇବା ସମ୍ଭବ ହୋଇନଥାନ୍ତା । ସେଠାରୁ ଉଦ୍ଧାର ପରେ AIIMS ରେ ପୀଡିତାଙ୍କୁ ଭର୍ତ୍ତି କରାଯାଇଥିଲା । ବର୍ତ୍ତମାନ ମାନସିକ ରୋଗ ବିଭାଗରେ ଭର୍ତ୍ତି ହୋଇଛନ୍ତି ପୀଡିତା ଜଣକ । ପ୍ରାୟ ୨୧ ଦିନର କଠିନ ଚେଷ୍ଟା ପରେ ଦକ୍ଷିଣ-ପୂର୍ବ ଜିଲ୍ଲା ପୋଲିସ ତିନି ଅଭିଯୁକ୍ତ ଅଟୋ ଡ୍ରାଇଭର ପ୍ରଭାସ, ସ୍କ୍ରାପ୍ ଦୋକାନ କର୍ମଚାରୀ ପ୍ରମୋଦ ଏବଂ ଶ୍ୟାମସୁଲ ଲାଙ୍ଗ୍ରାଙ୍କୁ ଗିରଫ କରିବାରେ ସଫଳ ହୋଇଛି।

ସମସ୍ତ ୩ ଅଭିଯୁକ୍ତଙ୍କ ଗିରଫଦାରୀକୁ ଦକ୍ଷିଣ-ପୂର୍ବ ଜିଲ୍ଲା ପୋଲିସ ଡେପୁଟି କମିଶନର ରବି କୁମାର ସିଂ ନିଶ୍ଚିତ କରିଛନ୍ତି। ଅଭିଯୁକ୍ତ ଗିରଫ ହେବା ପରେ ପୀଡିତା ଯୁବତୀଙ୍କ ସହ ହୋଇଥିବା ଅତ୍ୟାଚାରର ପୂରା ଘଟଣା ସାମ୍ନାକୁ ଆସିଛି। ଅଭିଯୁକ୍ତକୁ ଧରିବା ପାଇଁ ମହିଳା କନଷ୍ଟେବଳ ସଂଗୀତା  ଜଣେ ସାମାଜିକ କର୍ମୀ ଭାବରେ ପୀଡିତାଙ୍କୁ ଭେଟିଥିଲେ। ଏହା ପରେ ପୀଡିତା ତାଙ୍କ ସହ ଘଟିଥିବା ଲୋମହର୍ଷଣକାରୀ ଘଟଣା ବିଷୟରେ ବର୍ଣ୍ଣନା କରିଥିଲେ। ପୀଡିତାଙ୍କୁ ନ୍ୟାୟ ପ୍ରଦାନ କରିବା ପାଇଁ ଏସିପି ଐଶ୍ୱର୍ଯ୍ୟା ସିଂ ସମସ୍ତ ପ୍ରକାରର ଚେଷ୍ଟା କରିଛନ୍ତି । ଅଭିଯୁକ୍ତ ପ୍ରଭାସଙ୍କ ଅଟୋ ମଧ୍ୟ ଜବତ କରିଛି ପୋଲିସ ।

ତଥ୍ୟ ଅନୁଯାୟୀ, ଏମଏ ଡିଗ୍ରୀ ହାସଲ କରିଥିବା ଯୁବତୀଙ୍କୁ ଭଲ ଚାକିରି କରିବା ପାଇଁ ଦିଲ୍ଲୀକୁ ଡକାଯାଇଥିଲା। ସେଠାରେ କିଛିଦିନ ନିଜ ସାଥୀଙ୍କ ସହ ରହିଥିଲେ । ତେବେ ଏ ସମ୍ପର୍କରେ ଓଡ଼ିଶାର ପରିବାର ସଦସ୍ୟଙ୍କୁ ସୂଚନା ଦିଆଯାଇଛି। ପରିବାର ଲୋକେ ପୂର୍ବରୁ ଯୁବତୀଙ୍କୁ ନେବାକୁ ଦିଲ୍ଲୀ ଆସିଥିଲେ କିନ୍ତୁ ତାଙ୍କର ଚାକିରି କରିବା ଲକ୍ଷ ଥିବାରୁ ଘରକୁ ଫେରି ନଥିଲେ । ଡିସିପି କହିଛନ୍ତି ଯେ, ସେ ତାଙ୍କ ପରିବାର ଲୋକଙ୍କୁ ନ ଜଣାଇ ମେ ୯ ରେ ଦିଲ୍ଲୀ ଯାଇଥିଲେ।