Karnataka Assembly Election 2023: କର୍ଣ୍ଣାଟକ ବିଧାନସଭା ନିର୍ବାଚନ ୨୦୨୩ ଲାଗି ମତଦାନ ହେବା ପୂର୍ବରୁ Zee News ଲାଗି MATRIZE ପକ୍ଷରୁ ଏକ ସର୍ଭେ କରାଯାଇଥିଲା। ଯେଉଁଥିରେ ୫୬ ହଜାର ଲୋକଙ୍କ ମତ ନିଆଯାଇଥିଲା। ଏହି ସର୍ଭେ ୩ ମାର୍ଚ୍ଚରୁ ୨୮ ମାର୍ଚ୍ଚ ମଧ୍ୟରେ କରାଯାଇଥିଲା। ଏହା କେବଳ ଏକ ମତାମତ ସର୍ଭେ। ଯେଉଁଥିରେ ବିଧାନସଭା ନିର୍ବାଚନକୁ ନେଇ କର୍ଣ୍ଣାଟକ ଲୋକଙ୍କ ମତାମତ ନିଆଯାଇଛି।
Trending Photos
7
8
5
5 "Karnataka Election 2023: କେଉଁ ଦଳକୁ କେତେ ଆସନ? କିଏ ଗଢିବ ସରକାର? ଜାଣନ୍ତୁ")
Karnataka Election Opinion Poll: ଚଳିତ ବର୍ଷ ଅନୁଷ୍ଠିତ ହେଉଥିବା କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇସାରିଛି। ଏହି ନିର୍ବାଚନ ପାଇଁ ଆସନ୍ତା ମେ ୧୦ ତାରିଖରେ ମତଦାନ ଅନୁଷ୍ଠିତ ହେବ। ସେହିପରି ମେ ୧୩ ତାରିଖରେ ପ୍ରକାଶ ପାଇବା ନିର୍ବାଚନ ଫଳାଫଳ। ୨୦୨୩ କର୍ଣ୍ଣାଟକ ବିଧାନସଭା ନିର୍ବାଚନ କାର୍ଯ୍ୟସୂଚୀ ସମ୍ପର୍କରେ ନିର୍ବାଚନ ଆୟୋଗ ପକ୍ଷରୁ ମାର୍ଚ୍ଚ ୨୯ ତାରିଖରେ ଘୋଷଣା କରାଯାଇଥିଲ। ନିର୍ବାଚନ କାର୍ଯ୍ୟସୂଚୀ ଘୋଷଣା ହେବା ପରେ ରାଜ୍ୟରେ ଆଦର୍ଶ ଆଚରଣ ବିଧି ଲାଗୁ ହୋଇସାରିଛି।
କର୍ଣ୍ଣାଟକ ବିଧାନସଭା ନିର୍ବାଚନ ୨୦୨୩ ଲାଗି ମତଦାନ ହେବା ପୂର୍ବରୁ Zee News ଲାଗି MATRIZE ପକ୍ଷରୁ ଏକ ସର୍ଭେ କରାଯାଇଥିଲା। ଯେଉଁଥିରେ ୫୬ ହଜାର ଲୋକଙ୍କ ମତ ନିଆଯାଇଥିଲା। ଏହି ସର୍ଭେ ୩ ମାର୍ଚ୍ଚରୁ ୨୮ ମାର୍ଚ୍ଚ ମଧ୍ୟରେ କରାଯାଇଥିଲା। ଏହା କେବଳ ଏକ ମତାମତ ସର୍ଭେ। ଯେଉଁଥିରେ ବିଧାନସଭା ନିର୍ବାଚନକୁ ନେଇ କର୍ଣ୍ଣାଟକ ଲୋକଙ୍କ ମତାମତ ନିଆଯାଇଛି। ନିର୍ବାଚନରେ ଜନମତ ସର୍ବୋଚ୍ଚ ସ୍ଥାନରେ ରହିଛି। ଏହି ସର୍ବେକ୍ଷଣକୁ ନିର୍ବାଚନକୁ କୌଣସି ପ୍ରକାରେ ପ୍ରଭାବିତ କରିବାର ପ୍ରୟାସ ଭାବରେ ଗ୍ରହଣ କରାନଯାଉ। ଆଜି ଠାରୁ ଠିକ୍ ୪୨ ଦିନ କର୍ଣ୍ଣାଟକରେ ଏକ ନୂତନ ସରକାର ବାଛିବା ପାଇଁ ମତଦାନ ଅନୁଷ୍ଠିତ ହେବ। ଅନ୍ୟପଟେ ଆଗାମୀ ୪୫ ଦିନ ପରେ ଏହା ଜଣାପଡିବ ଯେ ରାଜ୍ୟରେ କିଏ ସରକାର ଗଠନ କରୁଛି।
ଏହି ସର୍ଭେ ପ୍ରକ୍ରିୟାରେ ସାମିଲ ହୋଇଥିବା ଲୋକଙ୍କୁ ବିଭିନ୍ନ ପ୍ରଶ୍ନ କରାଯାଇଥିଲା। ପ୍ରଥମ ପ୍ରଶ୍ନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ପଚରା ଯାଇଥିଲା। ଏନେଇ ନେଇ ପଚରା ଯାଇଥିବା ପ୍ରଶ୍ନ ହେଉଛି ଯେ କର୍ଣ୍ଣାଟକ ବିଧାନସଭା ନିର୍ବାଚନରେ ପ୍ରଧାନମନ୍ତ୍ରୀ ମୋଦି ନିର୍ଣ୍ଣାୟକ ଭୂମିକା ଗ୍ରହଣ କରିବେ? ଏହି ପ୍ରଶ୍ନର ଉତ୍ତର ରଖି ୩୧% ଲୋକ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ବିଧାନସଭା ନିର୍ବାଚନରେ ନିର୍ଣ୍ଣାୟକ ଭୂମିକା ଗ୍ରହଣ କରିବେ। ଅନ୍ୟପଟେ ୩୭% ଲୋକ ଏଥିରେ କିଛି ମାତ୍ରାରେ ସହମତ ହୋଇଛନ୍ତି। ଅନ୍ୟପଟେ ୩୨% ଲୋକ କହିଛନ୍ତି ଯେ ସେମାନେ ଏଥିରେ ସହମତ ନୁହଁନ୍ତି।
ପରବର୍ତ୍ତୀ ପ୍ରଶ୍ନ ପଚରାଯାଇଥିଲା ଯେ କେନ୍ଦ୍ର ସରକାରଙ୍କ କାର୍ଯ୍ୟରେ ଆପଣ କେତେ ସନ୍ତୁଷ୍ଟ? ଏହାର ଉତ୍ତରରେ ୩୭% ଲୋକ କହିଛନ୍ତି ଯେ ସେମାନେ କେନ୍ଦ୍ର ସରକାରଙ୍କ କାର୍ଯ୍ୟରେ ସନ୍ତୁଷ୍ଟ ଅଛନ୍ତି। ୪୦% ଲୋକ ସାମାନ୍ୟ ସନ୍ତୁଷ୍ଟ ରହିଥିବା କହିଛନ୍ତି। ୨୩% ଲୋକ କେନ୍ଦ୍ର ସରକାରଙ୍କ କାର୍ଯ୍ୟରେ ଅସନ୍ତୁଷ୍ଟ ରହିଥିବା କହିଛନ୍ତି।
ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟରେ ଆପଣ କେତେ ସନ୍ତୁଷ୍ଟ? ଏହି ପ୍ରଶ୍ନର ଉତ୍ତରରେ ୩୮% ଲୋକ କହିଛନ୍ତି ଯେ ସେମାନେ ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟରେ ସନ୍ତୁଷ୍ଟ ଅଛନ୍ତି। ସେହିପରି ୪୧% ଲୋକ କହିଛନ୍ତି ସେମାନେ ସାମାନ୍ୟ ସନ୍ତୁଷ୍ଟ ଅଛନ୍ତି। ୨୧% ଲୋକ କହିଛନ୍ତି ସେମାନେ ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟରେ ଅସନ୍ତୁଷ୍ଟ ଅଛନ୍ତି।
ରାହୁଲ ଗାନ୍ଧୀଙ୍କ ଭାରତ ଯୋଡା ଯାତ୍ରା ଦ୍ୱାରା କଂଗ୍ରେସ କେତେ ଲାଭ ପାଇବ? ଏହି ପ୍ରଶ୍ନର ଉତ୍ତରରେ ୨୨% ଲୋକ କହିଛନ୍ତି ଯେ ଭାରତ ଯୋଡା ଯାତ୍ରା ଦ୍ୱାରା କଂଗ୍ରେସ ଲାଭବାନ ହେବ। ଯେଉଁଠି ୩୭% ଲୋକ କହିଛନ୍ତି କଂଗ୍ରେସ ଏହା ଦ୍ୱାରା ସାମାନ୍ୟ ଲାଭବାନ ହେବ। ୪୧% ଲୋକ କହିଛନ୍ତି ଯେ ରାହୁଲ ଗାନ୍ଧୀଙ୍କ ନେତୃତ୍ୱରେ ହୋଇଥିବା ଭାରତ ଯୋଡ଼ ଯାତ୍ରା ଦ୍ୱାରା କଂଗ୍ରେସ କର୍ଣ୍ଣାଟକ ବିଧାନସଭା ନିର୍ବାଚନରେ କୌଣସି ଫାଇଦା ପାଇବ ନାହିଁ।
ଗତ ୨୦୨୧ ବର୍ଷରେ ବିଜେପି ବିଏସ୍ ୟେଦିୟୁରୁପ୍ପାଙ୍କୁ ହଟାଇ ତାଙ୍କ ସ୍ଥାନରେ ବାସବରାଜ ବୋମ୍ମାଇଙ୍କୁ କର୍ଣ୍ଣାଟକ ମୁଖ୍ୟମନ୍ତ୍ରୀ କରିଥିଲା। ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ବଦଳାଇବା ଦ୍ୱାରା ବିଜେପି ଲାଭବାନ ହେବ ନା ନାହିଁ? ଏହି ପ୍ରଶ୍ନର ଉତ୍ତରରେ ୩୧% ଲୋକ କହିଛନ୍ତି ଯେ ମୁଖ୍ୟମନ୍ତ୍ରୀ ବଦଳାଇବା ନିଷ୍ପତ୍ତି ଦ୍ୱାରା ବିଜେପି ଲାଭବାନ ହେବ। ୪୮% ଲୋକ କହିଛନ୍ତି ଯେ ଏଭଳି ପଦକ୍ଷେପ ନେବା ଦ୍ୱାରା ବିଜେପି ସାମାନ୍ୟ ଲାଭ ପାଇବ। ୨୧% ଲୋକ କହିଛନ୍ତି ବିଏସ ୟେଦିୟୁରୁପ୍ପାଙ୍କୁ ହଟାଇ ତାଙ୍କ ସ୍ଥାନରେ ବାସବରାଜ ବୋମ୍ମାଇଙ୍କୁ ମୁଖ୍ୟମନ୍ତ୍ରୀ କରିବା ଦ୍ୱାରା ବିଜେପି କ୍ଷତି ସହିବ।
ନିକଟରେ ରାଜ୍ୟରେ କ୍ଷମତାସୀନ ବିଜେପି ସରକାର ଚାକିରି ଏବଂ ଶିକ୍ଷା କ୍ଷେତ୍ରରେ ପ୍ରଦାନ କରାଯାଉଥିବା ସଂରକ୍ଷଣ ସମ୍ପର୍କରେ ଏକ ବଡ଼ ପରିବର୍ତ୍ତନ କରିଥିଲେ। ପଛୁଆ ବର୍ଗର ମୁସଲମାନଙ୍କୁ ପ୍ରଦାନ କରାଯାଉଥିବା ୪% ସଂରକ୍ଷଣ ରଦ୍ଦ କରାଯାଇ ଏହାକୁ ଲିଙ୍ଗାୟତ ଏବଂ ଭୋକ୍କାଲିଗା ସମ୍ପ୍ରଦାୟ ମଧ୍ୟରେ ସମାନ ସଂଖ୍ୟକ ବାଣ୍ଟି ଦିଆଯାଇଥିଲା। ସଂରକ୍ଷଣ ପରିବର୍ତ୍ତନ ନିଷ୍ପତ୍ତି ଦ୍ୱାରା ବିଜେପି ଲାଭବାନ ହେବ ନା ନାହିଁ? ଏହି ପ୍ରଶ୍ନର ଉତ୍ତରରେ ୩୪%ଲୋକ କହିଛନ୍ତି ଯେ ଏହି ନିଷ୍ପତ୍ତି ବିଜେପି ପାଇଁ ଲାଭଦାୟକ ହେବ। ୪୩% ଲୋକ ମତ ଦେଇଛନ୍ତି ଯେ ସଂରକ୍ଷଣ ପରିବର୍ତ୍ତନ ହେବା ଦ୍ୱାରା ବିଜେପି ସାମାନ୍ୟ ଲାଭ ପାଇବ। ୨୩% ଲୋକ କହିଛନ୍ତି ଯେ ସଂରକ୍ଷଣ ପରିବର୍ତ୍ତନ କାରଣରୁ ବିଜେପି କ୍ଷତି ସହିବ।
ମୁଖ୍ୟମନ୍ତ୍ରୀ ଭାବରେ କାହାର କାର୍ଯ୍ୟକାଳ ସର୍ବୋତ୍ତମ ରହିଥିଲା? ଏହି ପ୍ରଶ୍ନର ଉତ୍ତରରେ ୨୩% ଲୋକ ସିଦ୍ଧରମୈୟା ଏବଂ ୨୩% ଲୋକ ବିଏସ୍ ୟେଦିୟୁରୁପ୍ପାଙ୍କ ନାମ ନେଇଥିଲେ। ବାସଭରାଜ ବୋମ୍ମାଇଙ୍କ କାର୍ଯ୍ୟକାଳକୁ ୧୭% ଲୋକ ପସନ୍ଦ କରିଥିଲେ। ଏହା ସହିତ ୧୪ ପ୍ରତିଶତ ଲୋକ ଏଚ.ଡ଼ି କୁମାରସ୍ୱାମୀଙ୍କ ନାମରେ ମୋହର ମାରିଥିଲେ। ଅନ୍ୟପଟେ ୨୩% ଲୋକ ଏହି ପ୍ରଶ୍ନର ଭିନ୍ନ ଭିନ୍ନ ଉତ୍ତର ରଖିଥିଲେ।
ବର୍ତ୍ତମାନ କର୍ଣ୍ଣାଟକ ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇଙ୍କ କାର୍ଯ୍ୟରେ ସେମାନେ କେତେ ସନ୍ତୁଷ୍ଟ ବୋଲି ପଚରାଯାଇଥିଲା। ଏହି ପ୍ରଶ୍ନର ଉତ୍ତରରେ ୩୨ ପ୍ରତିଶତ ଲୋକ କହିଛନ୍ତି ଯେ ସେମାନେ ସନ୍ତୁଷ୍ଟ ଅଛନ୍ତି। ୪୧% ଲୋକ କହିଛନ୍ତି ଯେ ସେମାନେ କିଛି ମାତ୍ରାରେ ସନ୍ତୁଷ୍ଟ ଅଛନ୍ତି। ସେହିପରି ୨୭% ଲୋକ କହିଛନ୍ତି ବର୍ତ୍ତମାନର ମୁଖ୍ୟମନ୍ତ୍ରୀ ବୋମ୍ମାଇଙ୍କ କାର୍ଯ୍ୟକୁ ନେଇ ସେମାନେ ଅସନ୍ତୁଷ୍ଟ ଅଛନ୍ତି।
ମୁଖ୍ୟମନ୍ତ୍ରୀ ଭାବରେ ସବୁଠାରୁ ପସନ୍ଦ ନେତା କିଏ? ଏହି ପ୍ରଶ୍ନର ଉତ୍ତରରେ କଂଗ୍ରେସ ନେତା ସିନ୍ଧରମୈୟାଙ୍କ ନାମ ୨୭% ଲୋକ ନେଇଛନ୍ତି। ସେହିପରି ବର୍ତ୍ତମାନର ମୁଖ୍ୟମନ୍ତ୍ରୀ ବାସବରାଜ ବୋମ୍ମାଇଙ୍କ ୨୪% ଲୋକ ନେଇଛନ୍ତି। କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ଡିକେ ଶିବକୁମାରଙ୍କ ନାଁ ୮% ଲୋକ ନେଇଛନ୍ତି। ସେହିପରି ୨୫% ଲୋକ ଅନ୍ୟ ରାଜନେତାଙ୍କୁ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହୁଁଛନ୍ତି।
ନିର୍ବାଚନ ଫଳାଫଳ ଆସିବା ପରେ ସରକାର ଗଠନରେ ଜେଡି଼ଏସ ନିର୍ଣ୍ଣାୟକ ଭୂମିକା ଗ୍ରହଣ କରିବ ନା ନାହିଁ? ଏହି ପ୍ରଶ୍ନର ଉତ୍ତରରେ ୩୦% ଲୋକ କହିଛନ୍ତି ଜେଡି଼ଏସ ନିର୍ଣ୍ଣାୟକ ଭୂମିକା ଗ୍ରହଣ। ସେହିପରି ୪୪% ଲୋକ ଏହି ପ୍ରଶ୍ନରେ ସାମାନ୍ୟ ସହମତ ହୋଇଛନ୍ତି। ଅନ୍ୟପଟେ ୨୬% ଲୋକ ଏହାକୁ ନେଇ ଅସହମତ ଅଛନ୍ତି।
MATRIZE ସର୍ଭେ ଅନୁସାରେ କେଉଁ ଦଳକୁ ମିଳିବ କେତେ ପ୍ରତିଶତ ଭୋଟ?
ବିଜେପି: ୩୮.୩%
କଂଗ୍ରେସ: ୪୦.୪%
ଜେଡ଼ିଏସ: ୧୬.୪%
ଅନ୍ୟ ଦଳ: ୪.୯%
MATRIZE ସର୍ଭେ ଅନୁସାରେ କେଉଁ ଦଳକୁ ମିଳିବ କେତେ ଆସନ?
