Rajasthan Next CM: ମୁଖ୍ୟମନ୍ତ୍ରୀ ଅଶୋକ ଗେହେଲତ ରାଜସ୍ଥାନ ବିଧାନସଭା ବାଚସ୍ପତିଙ୍କୁ ସିଏମ୍ ପଦ ପାଇଁ ସୁପାରିଶ କରିଛନ୍ତି। ଅଶୋକ ଗେହେଲତ ବୁଧବାର କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଭେଟିଥିଲେ।
Trending Photos
5
5
12
6 "Ashok Gehlot: ନିଜ ଉତ୍ତରାଧିକାରୀ ଚୟନ କଲେ ଅଶୋକ ଗେହେଲତ, ମଖ୍ୟମନ୍ତ୍ରୀ ପାଇଁ ସୁପାରିସ କଲେ ଏହି ନାମ")
Rajasthan Next CM: କଂଗ୍ରେସ ଅଧ୍ୟକ୍ଷ ପଦ (Congress President Post) ପାଇଁ ଅନୁଷ୍ଠିତ ହେବାକୁ ଥିବା ସଂଗଠନର ନିର୍ବାଚନକୁ ନେଇ ଦିଲ୍ଲୀରୁ କେରଳ ପର୍ଯ୍ୟନ୍ତ ଆଲୋଚନା ସରଗରମ ହୋଇଛି। ସେପଟେ ରାହୁଲ ଗାନ୍ଧୀ (Rahul Gandhi) ଦଳର ଅଧ୍ୟକ୍ଷ ପଦ ପାଇଁ ନିର୍ବାଚନରେ ପ୍ରତିଦ୍ୱନ୍ଦିତା କରିବାକୁ ମନା କରି ଦେଇଛନ୍ତି। ଏହାପରେ ଅଧ୍ୟକ୍ଷ ପଦ ପାଇଁ ଦୌଡ଼ର ଅଗରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହେଲତ (Rajasthan CM Ashok Gehlot)ଙ୍କୁ ବିଚାର କରାଯାଉଛି। ଏଥିସହିତ ପ୍ରଶ୍ନ ମଧ୍ୟ ଉଠିଛି ଯେ ଯଦି ଗେହେଲତ ଦଳର ରାଷ୍ଟ୍ରୀୟ ଅଧ୍ୟକ୍ଷ ପଦ ଦଖଲ କରନ୍ତି, ତେବେ ରାଜସ୍ଥାନରେ ମୁଖ୍ୟମନ୍ତ୍ରୀଙ୍କ ଚେୟାରରେ କିଏ ବସିବ? ସଚିନ ପାଇଲଟ ରାଜ୍ୟର ସିଏମ ହେବେ ନା ଅନ୍ୟ କେହି ସୁଯୋଗ ପାଇବେ? ତେବେ ରାଜସ୍ଥାନରେ ମୁଖ୍ୟମନ୍ତ୍ରୀ ପଦ ପାଇଁ ଅଶୋକ ଗେହେଲେତ ବାଚସ୍ପତି ସିପି ଯୋଶୀଙ୍କ ନାମ ସୁପାରିଶ କରିଛନ୍ତି। ଏହି ସୂଚନା ବିଶେଷ ସୂତ୍ରରୁ ଜଣାପଡିଛି।
ସୂଚନା ନୁସାରେ ମୁଖ୍ୟମନ୍ତ୍ରୀ ଅଶୋକ ଗେହେଲତ ରାଜସ୍ଥାନ ବିଧାନସଭା ବାଚସ୍ପତି ସିପି ଯୋଶୀଙ୍କ ନାମ ସିଏମ୍ ପଦ ପାଇଁ ସୁପାରିଶ କରିଛନ୍ତି। ଅଶୋକ ଗେହେଲତ ବୁଧବାର କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ (Sonia Gandhi)ଙ୍କୁ ଭେଟିଥିଲେ। ଏହାପରେ ସେ ଅଲ ଇଣ୍ଡିଆ କଂଗ୍ରେସ କମିଟି (AICC)ର ନିର୍ବାଚନରେ ପ୍ରତିଦ୍ୱନ୍ଦିତା କରିବାକୁ ସୂଚିତ କରିଥିଲେ। ଏହା ପରେ ବିଶ୍ୱାସ କରାଯାଉଥିଲା ଯେ କଂଗ୍ରେସ ଅଧ୍ୟକ୍ଷ ପଦ ପାଇଁ ତାଙ୍କର ପ୍ରତିଦ୍ୱନ୍ଦ୍ୱିତା ଶଶି ଥରୁରଙ୍କ ସହ ହେବ।
ସୂଚନାନୁସାରେ ରାଜସ୍ଥାନ ସରକାରଙ୍କ ଶେଷ ବଜେଟ୍ ଉପସ୍ଥାପନ କରିବାକୁ ଅଶୋକ ଗେହେଲତ ଫେବୃଆରୀ ଶେଷ ପର୍ଯ୍ୟନ୍ତ ସିଏମ୍ ରହିପାରନ୍ତି। ସିଏମ୍ ଅଶୋକ ଗେହେଲତ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀଙ୍କ ପାଇଁ ବାଚସ୍ପତି ସିପି ଯୋଶୀଙ୍କ ନାମ ସୁପାରିଶ କରିଛନ୍ତି।
ଏହା ବି ପଢନ୍ତୁ: କଂଗ୍ରେସ ଅଧ୍ୟକ୍ଷଙ୍କ ପାଇଁ ବୃଦ୍ଧି ହେଲା ଆଶାୟୀ ପ୍ରାର୍ଥୀଙ୍କ ସଂଖ୍ୟା! ଗେହଲୋଟ୍, ଥରୁର ପରେ ସାମ୍ନାକୁ ଆସିଲା ଏସବୁ ନାମ
ଯଦିଓ ସିପି ଯୋଶୀ ଏବଂ ଅଶୋକ ଗେହେଲତଙ୍କ ମଧ୍ୟରେ ସମ୍ପର୍କ ପୂର୍ବରୁ ଖରାପ ଥିଲା, କିନ୍ତୁ ଜୁନ୍ ୨୦୨୦ରେ ସିପି ଯୋଶୀ ଅଶୋକ ଗେହେଲତଙ୍କ ସରକାରକୁ ବଞ୍ଚାଇବାରେ ସାହାଯ୍ୟ କରିଥିଲେ। ଯାହାପରେ ସେମାନଙ୍କ ମଧ୍ୟରେ ଘନିଷ୍ଠତା ବୃଦ୍ଧି ପାଇଥିଲା। ଯେତେବେଳେ ବିଦ୍ରୋହୀ ବିଧାୟକ ମାନେ ମାନେସରରେ ରହୁଥିଲେ, ସିପି ଯୋଶୀ (C.P Joshi) ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ସମେତ ୧୯ ବିଦ୍ରୋହୀ କଂଗ୍ରେସ ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ନେଇ ଚିଠି କରିଥିଲେ। ସୂଚନାନୁସାରେ ଅଶୋକ ଗେହେଲତଙ୍କୁ ଭେଟିବା ପରେ ସୋନିଆ ଗାନ୍ଧୀ ତାଙ୍କୁ କହିଥିଲେ ଯେ, ଦଳର ଅଧ୍ୟକ୍ଷ ନିର୍ବାଚନ ମୁକ୍ତ ଏବଂ ନିରପେକ୍ଷ ହେବ।
ସୋନିଆ ଗାନ୍ଧୀ ଅଶୋକ ଗେହେଲତଙ୍କୁ କହିଛନ୍ତି ଯେ, 'ଜଣେ ବ୍ୟକ୍ତି ଗୋଟିଏ ପୋଷ୍ଟ'ର ସିଦ୍ଧାନ୍ତ ସେତେବେଳେ ସାମ୍ନାକୁ ଆସିବ, ଯେତେବେଳେ ଆଶାୟୀଙ୍କ ଅନ୍ତିମ ରୂପ ସାମ୍ନାକୁ ଆସିବ ଓ ଜିତ ଡହାସ କରିଥିବେ। ଏଠାରେ କହି ରଖୁଛୁ ଯେ, ଅଶୋକ ଗେହେଲତ ନିର୍ବାଚନରେ ପ୍ରତିଦ୍ୱନ୍ଦିତା କରିବାର ସ୍ପଷ୍ଟ ସୂଚନା ଦେବା ପରେ କଂଗ୍ରେସ ଅଧ୍ୟକ୍ଷ ପଦ ପାଇଁ ଦଉଡ଼ ତୀବ୍ର ହୋଇଛି। ନାମାଙ୍କନ ପତ୍ର ଔପଚାରିକତା ବିଷୟରେ ସୂଚନା ପାଇବା ପାଇଁ ଶଶି ଥରୁର ଦଳର ନିର୍ବାଚନ ପ୍ୟାନେଲ ମୁଖ୍ୟଙ୍କୁ ମଧ୍ୟ ଭେଟିବେ।
