Russia Ukraine War: ପୁଣି ଥରେ ଉଡାଣ ଭରିବ ବିଶ୍ୱର ସର୍ବବୃହତ୍ତ ବିମାନ, ଖର୍ଚ୍ଚ ହେବ ୪୧ ଆରବ

Antonov An-225 Cargo Plane: ପୁଣି ଥରେ ଉଡ଼ାଣ ଭରିବା ପାଇଁ ପ୍ରସ୍ତୁତ ହେଉଛି ବିଶ୍ୱର ସର୍ବବୃହତ୍ତ ବିମାନ ଆଣ୍ଟୋନୋଭ ଆନ୍-୨୨୫ କାର୍ଗୋ ବିମାନ। ମୋଟ ୬ ଇଞ୍ଜିନ୍ ଜେଟ୍ ପ୍ରଥମେ ୧୯୮୮ ମସିହା ଡିସେମ୍ବରରେ ଉଡ଼ାଣ ଭରିଥିଲା। କୋରୋନା ମହାମାରୀ ସମୟରେ ଏହାକୁ ସମଗ୍ର ବିଶ୍ୱରେ କୋଭିଡ-୧୯ ଟିକା ପରିବହନ ପାଇଁ ବ୍ୟବହାର କରାଯାଇଥିଲା।

Antonov An-225 Mriya: ଋଷିଆ-ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ୯ ମାସ ପୂରଣ ହୋଇସାରିଛି। ହେଲେ ଏହି ଯୁଦ୍ଧ ବେଳେ  ଆସିଛି ଏକ ବଡ଼ ଖବର। ପୁଣି ଥରେ ଉଡାଣ ଭରିବା ପାଇଁ ପ୍ରସ୍ତୁତ ହେଉଛି ବିଶ୍ୱର ସର୍ବବୃହତ୍ତ ବିମାନ Antonov An-225 Mriya। ଯାହା ୧୯୮୮ ମସିହାରେ ଶେଷ ଥର ପାଇଁ ଉଡ଼ାଣ ଭରିଥିଲା। 

ଯେତେବେଳେ ଗତ ଫେବୃଆରୀ ମାସରେ ଋଷିଆ ସେନା ଆକ୍ରମଣ କରିଥିଲା, ସେତେବେଳେ ୟୁକ୍ରେନ ଏହାର ସର୍ବବୃହତ ବିମାନକୁ ନଷ୍ଟ କରି ଦେଇଥିଲା। ବର୍ତ୍ତମାନ ଏହି ବିମାନର ପୁନ ନିର୍ମାଣ ପାଇଁ ଯୋଜନା ପ୍ରସ୍ତୁତ କରାଯାଉଛି। ରାଷ୍ଟ୍ରାୟତ୍ତ କମ୍ପାନୀ ଆଣ୍ଟୋନୋଭ  ସୋମବାର ଏକ ଫେସବୁକ ପୋଷ୍ଟ ଏହି ବିମାନ ସମ୍ପର୍କରେ ଏକ ବଡ଼ ଘୋଷଣା କରିଛି। ଏନେଇ କମ୍ପାନୀ ପକ୍ଷରୁ କୁହାଯାଇଛି ଦ୍ୱିତୀୟ ଆଣ୍ଟୋନୋଭ ଆନ୍-୨୨୫ କାର୍ଗୋ ବିମାନର (Antonov An-225 Cargo Plane) ଡିଜାଇନ୍ କାମ ଆରମ୍ଭ ହୋଇଯାଇଛି। ଏହି ବିମାନ  ୟୁକ୍ରେନରେ ମିରିୟା ଅର୍ଥାତ "ସ୍ୱପ୍ନ" ଭାବରେ ମଧ୍ୟ ଜଣାଶୁଣାଷ। ହେଲେ ଆଣ୍ଟୋନୋଭ ଏହା ମଧ୍ୟ ସ୍ପଷ୍ଟ କରିଛି ଯେ ଯେତେବେଳେ ୟୁକ୍ରେନ-ଋଷିଆ ଯୁଦ୍ଧ ସମାପ୍ତ ହେବ ସେତେବେଳେ ଏହି ବିମାନ ସମ୍ପର୍କରେ ସବିଶେଷ ତଥ୍ୟ ଦିଆଯିବ।

ଗତ ଫେବୃଆରୀ ମାସରେ ୟୁକ୍ରେନ ରାଜଧାନୀ କୀଭସ୍ଥିତ ଏକ ଏୟାରଫିଲ୍ଡ ମରାମତି ସମୟରେ ନଷ୍ଟ ହୋଇଯାଇଥିବା। ବର୍ତ୍ତମାନ ଏଠାରେ ଏହି ବୃହତ ବିମାନର ପୁନଃନିର୍ମାଣ କରିବାରେ ଅନେକ ବାଧା ରହିଛି। ଆଣ୍ଟୋନୋଭ୍ ଆକଳନ କରିଛନ୍ତି ଯେ ୮୮ ମିଟର (୨୯୦ ଫୁଟ) ୱିଙ୍ଗ ସ୍ପାନ୍ (Wing Span of Antonov Plane) ପୁନଃନିର୍ମାଣ ପାଇଁ ଅତି କମରେ ୪୦,୮୮,୮୭,୫୦,୦୦୦ ଅର୍ଥାତ ୫୦୦ ମିଲିୟନ୍ ଡଲାର୍ ଖର୍ଚ୍ଚ ହେବ। ହେଲେ ସବୁଠାରୁ ବଡ ପ୍ରଶ୍ନ ହେଉଛି ବିମାନ ପୁନନିର୍ମାଣ ପାଇଁ କେଉଁଠୁ ଏତେ ଟଙ୍କା ଆସିବ। କାରଣ ଋଷିଆ ଆକ୍ରମଣ ପରଠାରୁ ୟୁକ୍ରେନ ଅର୍ଥନୀତି ଦୟନୀୟ ଅବସ୍ଥା ଦେଇ ଗତି କରୁଛି।

This was the world’s largest aircraft, AN-225 ‘Mriya’ (‘Dream’ in Ukrainian). Russia may have destroyed our ‘Mriya’. But they will never be able to destroy our dream of a strong, free and democratic European state. We shall prevail! pic.twitter.com/TdnBFlj3N8

— Dmytro Kuleba (@DmytroKuleba) February 27, 2022

ଆଣ୍ଟୋନୋଭ ମୂଳ କମ୍ପାନୀ, ରାଷ୍ଟ୍ରାୟତ୍ତ ଉକ୍ରୋବୋରୋନପ୍ରୋମ୍, ବିମାନ ଧ୍ୱଂସ ହେବା ପରେ ଆରମ୍ଭରୁ କହିଥିଲେ ଯେ ଏହାର ପୁନରୁଦ୍ଧାର ପାଇଁ ୫ ବର୍ଷରୁ ଅଧିକ ସମୟ ଲାଗିବ ଏବଂ ନିର୍ମାଣ ପାଇଁ ୩ ବିଲିୟନ ଡଲାରରୁ ଅଧିକ ଖର୍ଚ୍ଚ ହେବ। ଆଣ୍ଟୋନୋଭ କହିଛି ଯେ ବିଶେଷଜ୍ଞଙ୍କ ମୂଲ୍ୟାଙ୍କନ ପରେ ମୂଳ ବିମାନର ପ୍ରାୟ ୩୦% ଉପାଦାନ ଏକ ନୂତନ ସଂସ୍କରଣ ନିର୍ମାଣରେ ବ୍ୟବହୃତ ହୋଇପାରିବ।

ଆଣ୍ଟୋନୋଭ ସାଧାରଣ ନିର୍ଦ୍ଦେଶକ ୟୁଜୀନ୍ ଗେବରିଲୋଭ ଏକ ସାକ୍ଷାତକାରରେ କହିଛନ୍ତି ଯେ ନଗଦ ସଂଗ୍ରହ ତଥା ପ୍ରାୟୋଜକଙ୍କୁ ଆକର୍ଷିତ କରିବା ପାଇଁ କମ୍ପାନୀ ଜର୍ମାନୀ ଲିପଜିଗସ୍ଥିତ ହାଲ ବିମାନବନ୍ଦରରେ ବିମାନ ମଡେଲ ଏବଂ ଚିତ୍ର ଭଳି ବାଣିଜ୍ୟ ସାମଗ୍ରୀ ବିକ୍ରୟ କରିବାକୁ ଯୋଜନା କରିଛି। ମୋଟ ୬ ଇଞ୍ଜିନ୍ ଜେଟ୍ ପ୍ରଥମେ ୧୯୮୮ ମସିହା ଡିସେମ୍ବରରେ ଉଡ଼ାଣ ଭରିଥିଲା। କୋରୋନା ମହାମାରୀ ସମୟରେ ଏହାକୁ ସମଗ୍ର ବିଶ୍ୱରେ କୋଭିଡ-୧୯ ଟିକା ପରିବହନ ପାଇଁ ବ୍ୟବହାର କରାଯାଇଥିଲା। ବୈଦେଶିକ ମନ୍ତ୍ରୀ ଦିମିତ୍ରୋ କୁଲେବାଙ୍କ ପରି ରାଜନୈତିକ ବ୍ୟକ୍ତିବିଶେଷ ଏହାକୁ ଏକ ରାଲି ଭାବେ ବ୍ୟବହାର କରିଥିବାବେଳେ ଏହାକୁ ରାଷ୍ଟ୍ରୀୟ ଟିକେଟ ଭଳି ଜିନିଷ ଉପରେ ମଧ୍ୟ ଦେଖାଦେଇଛି।