TMC Candidates Full List 2024: ୨୦୨୪ ଲୋକସଭା ନିର୍ବାଚନକୁ ନେଇ ଏକ ବଡ଼ ନିଷ୍ପତ୍ତି ନେଇଛି ପଶ୍ଚିମବଙ୍ଗରେ କ୍ଷମତାସୀନ ତୃଣମୂଳ କଂଗ୍ରେସ।
Trending Photos
4
12
5
12 "West Bengal Politics: ପଶ୍ଚିମବଙ୍ଗରେ ଇଣ୍ଡିଆ ମେଣ୍ଟକୁ ଲାଗିଲା ବଡ଼ ଝଟକା; ଟିଏମସି ନେଲା ବଡ଼ ନିଷ୍ପତ୍ତି")
TMC Candidates List 2024: ଚଳିତ ବର୍ଷ ଅନୁଷ୍ଠିତ ହେଉଥିବା ଲୋକସଭା ନିର୍ବାଚନ ପୂର୍ବରୁ ବିରୋଧି ଇଣ୍ଡିଆ ମେଣ୍ଟକୁ ଲାଗିଛି ଜବରଦସ୍ତ ଝଟକା। ଟିମମସି ସୁପ୍ରିମୋ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟର ସମସ୍ତ ୪୨ ଲୋକସଭା ଆସନରେ ଏକାକୀ ନିର୍ବାଚନ ଲଢିବାକୁ ନିଷ୍ପତ୍ତି ନେଇଛନ୍ତି। ଏନେଇ ଦଳ ପକ୍ଷରୁ ଲୋକସଭା ନିର୍ବାଚନ ୨୦୨୪ ପାଇଁ ଦଳୀୟ ପ୍ରାର୍ଥୀ ଘୋଷଣା କରାଯାଇଛି। ଟିଏମସି ରାଜ୍ୟର ସମସ୍ତ ୪୨ ସିଟ୍ ପାଇଁ ପ୍ରାର୍ଥୀ ଘୋଷଣା କରିଛି। ଦଳୀୟ ପ୍ରାର୍ଥୀ ତାଲିକାରେ ଅନେକ ଟିଏମସି ନେତାଙ୍କୁ ପୁନର୍ବାର ପ୍ରାର୍ଥୀ କରାଯାଇଥିବା ବେଳେ ଅନେକ ନୂଆ ଚେହେରାଙ୍କ ମଧ୍ୟ ସୁଯୋଗ ଦିଆଯାଇଛି। ଟିଏମସି ପୂର୍ବତନ ଟିମ୍ ଇଣ୍ଡିଆ କ୍ରିକେଟର ୟୁସୁଫ ପଠାନଙ୍କୁ ଦଳୀୟ ପ୍ରାର୍ଥୀ କରିଛି। ୟୁସୁଫ ପଠାନ ଟିଏମସି ପ୍ରାର୍ଥୀ ଭାବେ ବହରାମପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବେ। ଯେଉଁଠି କଂଗ୍ରେସ ସଂସଦୀୟ ଦଳ ନେତା ଅଧିର ରଞ୍ଜନ ଚୌଧରୀ ସାଂସଦ ଅଛନ୍ତି।
ମିମି ଚକ୍ରବର୍ତ୍ତୀ-ନୁସରତ ଜହାଁଙ୍କ କଟିଲା ଟିକେଟ
ମମତା ବାନାର୍ଜୀଙ୍କ ପାର୍ଟି ଟିଏମସି ପୂର୍ବତନ କ୍ରିକେଟର କିର୍ତ୍ତୀ ଆଜାଦଙ୍କୁ ୨୦୨୪ ଲୋକସଭା ନିର୍ବାଚନ ପାଇଁ ପ୍ରାର୍ଥୀ କରିଛି। ଦଳ ଦୁର୍ଗାପୁର ଲୋକସଭା ଆସନରୁ କିର୍ତ୍ତୀ ଆଜାଦଙ୍କୁ ପ୍ରାର୍ଥୀ କରିଛି। ଏହାସହିତ ମହୁଆ ମଇତ୍ରାଙ୍କୁ କୃଷ୍ଣନଗର ଆସନରୁ ପ୍ରାର୍ଥୀ କରାଯାଇଛି। ଅନ୍ୟପକ୍ଷରେ ମିମି ଚକ୍ରବର୍ତ୍ତୀ ଏବଂ ନୁସରତ ଜହାଁଙ୍କ ଟିକେଟ କାଟିଛି ଟିଏମସି। ଏହା ବ୍ୟତୀତ ଅଭିଷେକ ବାନାର୍ଜୀ ନିଜେ ଡାଇମଣ୍ଡ ହାର୍ବର ଆସନରୁ ନିର୍ବାଚନ ଲଢିବେ।
ଲୋକସଭା ନିର୍ବାଚନ ୨୦୨୪: କେଉଁ ଆସନରୁ କାହାକୁ ଦଳୀୟ ପ୍ରାର୍ଥୀ କରିଛି ଟିଏମସି?
