Odisha News: ବାଇକ୍‌ କୁ ଧକ୍କା ଦେଇ ଜଳିଗଲା ଆଉ ଏକ ବାଇକ୍, ଜଣେ ଗୁରୁତର

Odisha News: ବାଇକ୍‌ କୁ ଧକ୍କା ଦେଲା  ବାଇକ୍ । ଧକ୍କା ପରେ ବିସ୍ପୋରଣ ହୋଇ ହଠାତ୍ ଜଳି ଉଠିଲା ଦୁଇ ବାଇକ୍। ଜଣେ ବାଇକ୍ ଚାଳକ ନିଆଁରେ ପୋଡି଼ ହୋଇ ଗୁରୁତର ହୋଇଥିବା ବେଳେ ଅନ୍ୟ ଜଣେ ଜଣେ ଘଟଣାସ୍ଥଳରୁ ଫେରାର ହୋଇଯାଇଥିବା ସୂଚନା ମିଳିଛି। ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅଧୀନ ପାଳଦା ଚକବନ୍ଦୀ ଅଫିସ ନିକଟର ୧୬ ନମ୍ବର ଜାତୀୟ ରାଜପଥ ଉପରେ ।

ସୂଚନା ଆଧାରରେ ଭଣ୍ଡାରିପୋଖରୀ ଚକବନ୍ଦୀ ଛକ ନିକଟରେ ୧୬ ନମ୍ବର ଜାତୀୟ ରାଜପଥ ଉପରେ ଜଣେ ବାଇକ୍ ଚାଳକଙ୍କୁ ପଛ ପଟୁ ଧକ୍କା ଦେଇଥିଲେ ଏକ ସ୍ପିଡ୍ ବାଇକ୍ ।  ଯାହାଫଳରେ ଉଭୟ ଗାଡିରେ ନିଆଁ ଲାଗିଯାଇଥିଲା । ତେବେ ନିଆଁ ଲାଗିବା ଦ୍ବାରା ସ୍ପିଡ୍ ବାଇକରେ ଥ‌ିବା ଜଣେ ଯୁବକ ଗୁରୁତର ହୋଇଛନ୍ତି । ସେହିପରି ଅନ୍ୟ ବାଇକ୍ ଚାଳକ ଜଣଙ୍କ ବାଇକ୍‌ ଚାଳକ ଛିଟିକି ପଡି ଆହତ ହେବା ସହିତ କୁଆଡେ ଦୌଡ଼ି ପଳାଇଥିଲେ । ତେବେ ନିଆଁ ଲାଗିବା ଖବର ପାଇ ଘଟଣା ସ୍ଥଳରେ ଭଣ୍ଡାରିପୋଖରୀ ଅଗ୍ନିଶମ ବାହିନୀ ନିଆଁ ଆୟତ୍ତ କରିଥିବା ବେଳେ ଜଣଙ୍କୁ ମେଡିକାଲରେ ଭର୍ତି କରାଯାଇଛି ।

ତେବେ ମେଡିକାଲରେ ଭର୍ତ୍ତି ହୋଇଥିବା ବ୍ୟକ୍ତି ଜଣକ ବାଲେଶ୍ଵର ସମୀର କୁମାର ରାୟ ହୋଇଥିବା ଜଣା ପଡ଼ିଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଭଣ୍ଡାରିପୋଖରୀ ଗୋଷ୍ଠି ସ୍ବାସ୍ଥ୍ୟ କେନ୍ଦ୍ର ପରେ ଭୁବନେଶ୍ୱର ର ଅଶ୍ୱନି ହସ୍ପିଟାଲ ସ୍ତନତର କରାଯାଇଥିବା ସୁଚନା ମିଳିଛି । ତେବେ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଥିବା ଦେଖିବାକୁ ମିଳିଛି।