Subhadra Yojana 2025: ଖୁସି ଖବର, ଆଜି ଏହି ସମୟରେ ଆକାଉଣ୍ଟକୁ ଆସିବ 'ସୁଭଦ୍ରା' ଟଙ୍କା

ଆଜି ଯାଜପୁର ବ୍ୟାସନଗରର ଖାନ୍ଦୋଳ ପଡିଆରେ ଦିନ ସାଢେ ୧୧ଟାରେ ବେଳେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ୧୮ ଲକ୍ଷରୁ ଅଧିକ ଯୋଗ୍ୟ ହିତାଧିକାରୀଙ୍କୁ ସହାୟତା ରାଶି ବଣ୍ଟନ କରାଯିବ। 

ALSO READ: Navpancham Rajyog 2025: ୫ ରାଶିଙ୍କ ଭାଗ୍ୟ ଫିଟାଇବ ନବପଞ୍ଚମ ରାଜଯୋଗ , ମାଲାମାଲ୍ ହେବା ସହ କିଣିବେ ନୂଆ ଘର...

ALSO READ: Today Horoscope: ଏହି ସବୁ ରାଶିଙ୍କ ପାଇଁ କର୍ମକ୍ଷେତ୍ରରେ ସୃଷ୍ଟି ହେବ ଚିନ୍ତାଜନକ ପରିସ୍ଥିତି ସହ...! ଜାଣନ୍ତୁ ଆପଣଙ୍କ ପାଇଁ କେମିତି ରହିବ ଶନିବାର?

ଏହି ସୁଭଦ୍ରା ଟଙ୍କାକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଯୋଗ ଦେଇ ହିତାଧିକାରୀଙ୍କୁ ବାଣ୍ଟିବେ। ଏହା ସହିତ ସାରା ରାଜ୍ୟରେ ସୁଭଦ୍ରା  ହିତାଧିକାରୀଙ୍କ ସଂଖ୍ୟା ୯୮ ଲକ୍ଷ ଟପିବ।  

ନ୍ୟାସନାଲ୍ ପେମେଣ୍ଚସ୍ କର୍ପୋରେସନ୍ ଅଫ୍ ଇଣ୍ତିଆରେ ଅକୃତକାର୍ଯ୍ୟ ହୋଇଥିବା  ୩ ଲକ୍ଷ ୩୮ ହଜାର  ଉପଭୋକ୍ତାଙ୍କ ମଧ୍ୟରୁ ଏବେ ସୁଧା ୬୮ ହଜାର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି।  ଆସନ୍ତା ମାର୍ଚ୍ଚ ୮ ତାରିଖ ସୁଧା ଆବେଦନ କରିଥିବା ଯୋଗ୍ୟ ହିତାଧିକାରୀଙ୍କୁ ଏକାଥରେ ୨ଟି କିସ୍ତିରେ ଟଙ୍କା ମିଳିବ। ଯେଉଁମାନେ ପ୍ରଥମ କିସ୍ତି ଟଙ୍କା ପାଇସାରିଛନ୍ତି।  

ସେମାନଙ୍କୁ ଦ୍ବିତୀୟ ପର୍ଯ୍ୟାୟ ର ଦ୍ବିତୀୟ କିସ୍ତି ଟଙ୍କା ମିଳିବ ବୋଲି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା କହିଛନ୍ତି। ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ଯେ, ସମସ୍ତ ଯୋଗ୍ୟ ହିତାଧିକାରୀଙ୍କୁ  ଯେମିତି ସୁଭଦ୍ରା ଟଙ୍କା ମିଳିବ ସେନେଇ  ପଦକ୍ଷେପ ନିଆଯିବ। ଜଣେ ବି ବାଦ୍ ପଡିବେ ନାହିଁ। ସେଥିପାଇଁ ଆବଶ୍ୟକ ହେଲେ, ବାଦ୍ ପଡିଥିବା ହିତାଧିକାରୀଙ୍କୁ କର୍ମଚାରୀମାନେ ବ୍ୟକ୍ତିଗତ ଭାବେ ଭେଟି ସମସ୍ୟାର ସମାଧାନ କରିବେ ବୋଲି ଉପମୁଖ୍ୟମନ୍ତ୍ରୀ କହିଛନ୍ତି। 

ଯେଉଁମାନେ ୮ ତାରିଖ ସୁଧା ଟଙ୍କା ନ ପାଇବେ ଓ୍ବେବସାଇଟରେ ସେମାନଙ୍କର ନ ମିଳବା କାରଣ  ବାବଦରେ ଉଲ୍ଲେଖ କରାଯିବ। ସେମାନେ କାରଣ ଜାଣି ସମସ୍ୟାର ସମାଧାନ୍ କରିପାରିବେ। ଏପର୍ଯ୍ୟନ୍ତ ମୋଟ୍ ୧ କୋଟି ୭ ଲକ୍ଷ ୨୩ ହଜାର ୨୯୪ ଜଣ ପଞ୍ଜିକରଣ ହୋଇଛନ୍ତି।  ସେମାନଙ୍କ ମଧ୍ୟରୁ ୮୦ ଲକ୍ଷ ୨୯ ହଜାର ୭୪୧ ଜଣଙ୍କୁ ସହାୟତା ରାଶି ପ୍ରଦାନ କରାଯାଉଛି।