ଜଗତସିଂହପୁରରେ ଲଜ୍ୟା, ପଞ୍ଚମ ଶ୍ରେଣୀ ଛାତ୍ରୀଙ୍କୁ ଗର୍ଭବତୀ କରି ଗିରଫ ହେଲେ ଟ୍ୟୁସନ ସାର୍

Crime News: ଜଗତସିଂହପୁର କୁଜଙ୍ଗ ଅଞ୍ଚଳରୁ ଏକ ଲଜ୍ୟାଜନକ ଘଟଣା ସାମ୍ନାକୁ ଆସିଛି । ଜଣେ ପଞ୍ଚମଶ୍ରେଣୀ ଛାତ୍ରୀଙ୍କ ଗର୍ଭରେ ଟିଉସନ ସାରଙ୍କ ପିଲା ବଢୁଛି ବୋଲି ଅଭିଯୋଗ ହୋଇଛି ।

ଜଗତସିଂହପୁର: ଅଧର୍ମ ଉପରେ ଧର୍ମର ବିଜୟ ଅସତ୍ୟ ଉପରେ ସତ୍ୟର ବିଜୟ ପାଇଁ ସମଗ୍ର ଦେଶ ରାବଣ ପୋଡି ଉତ୍ସବ ଅନୁଷ୍ଠିତ କରୁଛି । ଏହି ସମୟରେ ଜଗତସିଂହପୁର (jagatsinghpur) କୁଜଙ୍ଗ ଅଞ୍ଚଳରୁ ଏକ ଲଜ୍ୟାଜନକ ଘଟଣା ସାମ୍ନାକୁ ଆସିଛି । ଜଣେ ପଞ୍ଚମ ଶ୍ରେଣୀ ଛାତ୍ରୀ (fifth class student)ଙ୍କ ଗର୍ଭରେ ଟିଉସନ ସାରଙ୍କ ପିଲା ବଢୁଛି ବୋଲି ଅଭିଯୋଗ ହୋଇଛି । ଛାତ୍ରୀଙ୍କ ଘର ବାଲିତୁଠ ଅଞ୍ଚଳରେ ବୋଲି ଜଣାପଡିଛି ।

ମିଳିଥିବା ସୂଚନା ଅନୁଯାୟୀ, ସ୍ଥାନୀୟ ଅଞ୍ଚଳରେ ପାଠ ପଢାଉଥିବା ଟିଉସନ ସାରଙ୍କ ନିକଟକୁ ପାଠ ପଢିବାକୁ ଯାଉଥିଲେ ପଞ୍ଚମ ଶ୍ରେଣୀ ଛାତ୍ରୀ । ଗତକାଲି ହଠାତ୍ ଛାତ୍ରୀଙ୍କ ପେଟରେ ଯନ୍ତ୍ରଣା (Abdominal pain) ହେବାରୁ ତାଙ୍କ ପିତା ନିକଟସ୍ଥ ହସପିଟାଲକୁ ଚିକିତ୍ସା କରାଇବା ପାଇଁ ନେଇଥିଲେ । ଚିକିତ୍ସା କରୁଥିବା ଡାକ୍ତର ସମସ୍ତ ପରୀକ୍ଷା କରିବା ପରେ ଛାତ୍ରୀ ଜଣକ ଗର୍ଭବତୀ (Pregnant student) ଥିବା ତାଙ୍କ ପିତାଙ୍କୁ ଜଣାଇଥିଲେ । ପରିବାର ସଦସ୍ୟ ଝିଅଟିକୁ ପଚରାଉଚରା କରିବା ପରେ ସବୁ ଘଟଣା ସାମ୍ନାକୁ ଆସିଥିଲା । ଛାତ୍ରୀ ପରିବାର ସଦସ୍ୟଙ୍କୁ କହିବାନୁଯାୟୀ ପାଠ ପଢା ସମୟରେ କେହି ନଥିବାର ସୁଯୋଗ ନେଇ ତାଙ୍କ ସହିତ ଟିଉସନ ସାର୍ ଦୈହିକ ସମ୍ପର୍କ (Physical intercourse) ରଖିଥିଲେ । ଏହି ବିଷୟରେ କାହାକୁ ନଜଣାଇବା ପାଇଁ ଛାତ୍ରୀଙ୍କୁ ଧମକ ଦେଇଥିବାରୁ ସେ କୌଣସି କଥା କାହା ଆଗରେ କହିନଥିଲେ ।

ଛାତ୍ରୀଙ୍କ ଅଭିଯୋଗ ଆଧାରରେ ସମ୍ପୃକ୍ତ ଟିଉସନ ସାରଙ୍କ ନାମରେ କୁଜଙ୍ଗ ଥାନା (kujanga police station)ରେ ଏତଲା ଦେଇଛନ୍ତି ପରିବାର ଲୋକେ । ପୋଲିସ ତୁରନ୍ତ ଅଭିଯୁକ୍ତ ଟିଉସନ ସାରଙ୍କ ନିକଟରେ ପହଞ୍ଚି ତାଙ୍କୁ ଗିରଫ କରିଛି । ଏଥିସହିତ ନାବାଳିକା ଛାତ୍ରୀଙ୍କ ଡାକ୍ତରୀମାଇନା (Student's medical examination) କରାଯାଇଛି । ଟିଉସନ ସାରଙ୍କ ଡାକ୍ତରୀମାଇନା କରାଯାଇ ରିପୋର୍ଟ ଆସିବା ପରେ ତଦନ୍ତ କରାଯାଇ ଅଭିଯୁକ୍ତ ଟିଉସନ ସାରଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ମିଳିଛି ।