1.Accident News: ମହାକୁମ୍ଭ ଯାଉଥିବା ବସ୍ ଦୁର୍ଘଟଣାର ସମ୍ମୁଖୀନ ହୋଇଛି । ଆଗ୍ରାର ମନସୁଖପୁରା ଥାନା ଅଞ୍ଚଳର ଗଢ଼କା ପୁରା ଗାଁରେ ଏପରି ଦୁର୍ଘଟଣା ସାମ୍ନାକୁ ଆସିଛି । ମହାକୁମ୍ଭକୁ ଯାଉଥିବା ସମୟରେ ବସଟି ବିଦ୍ୟୁତ ତାର ସଂସ୍ପର୍ଶରେ ଆସିଥିଲା ଫଳରେ ବିଦ୍ୟୁତ୍ ପ୍ରବାହ କାରଣରୁ ନିଆଁ ଲାଗିଯାଇଥିଲା । ଗାଁର ଭକ୍ତମାନେ ପ୍ରୟାଗରାଜ ମହାକୁମ୍ଭ ମେଳା ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା।
2.PM Modi:ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ତାଙ୍କର ଐତିହାସିକ ଦ୍ବିତୀୟ ପାଳି ପାଇଁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏକ ପାରସ୍ପରିକ ଲାଭଦାୟକ ଏବଂ ବିଶ୍ୱସନୀୟ ଭାଗିଦାରୀ ପାଇଁ ଆମେ ପ୍ରତିଶ୍ରୁତିବଦ୍ଧ । ଆମ ଲୋକଙ୍କ କଲ୍ୟାଣ ଏବଂ ବିଶ୍ୱର ଶାନ୍ତି, ସମୃଦ୍ଧି ଏବଂ ନିରାପତ୍ତା ଦିଗରେ ଆମେ ଏକାଠି କାମ କରିବୁ ବୋଲି ପ୍ରଧାନମନ୍ତ୍ରୀ କହିଛନ୍ତି।
3.Prakash mishra: ପୂର୍ବତନ ଆଇପିଏସ୍ ତଥା ପୁଲିସ ଡିଜି ଓ ବିଜେପି ଲୋକସଭା ପ୍ରାର୍ଥୀ ପ୍ରକାଶ ମିଶ୍ରଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ଭାବେ ନିଯୁକ୍ତ କରିଛନ୍ତି ରାଜ୍ୟ ସରକା।ର ସେ କ୍ୟାବିନେଟ୍ ମନ୍ତ୍ରୀ ପାହ୍ୟାରେ ରାଜ୍ୟ ସରକାରଙ୍କ ଦାୟିତ୍ୱ ତୁଲାଇବେ। ଆଇନ ଶୃଙ୍ଖଳାରକ୍ଷା ଏବଂ ମାଓବାଦୀ ମୁକାବିଲାରେ ଅନେକ ଅଭିଜ୍ଞତା ରକ୍ଷା କରିଥିବା ପ୍ରକାଶଙ୍କ ନିଯୁକ୍ତିପରେ ଏହି କ୍ଷେତ୍ରରେ ତାଙ୍କ ସହାୟତା ନେଇପାରନ୍ତି ରାଜ୍ୟ ସରକାର। ନିକଟରେ ତାଙ୍କ ବହି ‘କମେଡଇ ଇନ୍ ଖାକି’ ରାଜ୍ୟ ରାଜନୀତିରେ ଚହଳ ପକାଇଥିଲା। ସେହିପରି ପୂର୍ବତନ ଆଇଏଏସ୍ ଅଧିକାରୀ ମଧୁସୂଦନ ପାଢ଼ୀଙ୍କୁ ରାଜ୍ୟ ମୁଖ୍ୟ ନିର୍ବାଚନ ଆୟୁକ୍ତ ଭାବେ ନିଯୁକ୍ତି ମିଳିଛି।
4.Gobara Kandhei: ଶେଷ ନିଃଶ୍ବାସ ନେଉଛି ଗୋବର କଣ୍ଢେଇ। ପାରମ୍ପରିକ ଢାଞ୍ଚାକୁ ଅପଗ୍ରେଡ କରାଯାଉନାହିଁ, ମିଳୁନି ପ୍ରୋତ୍ସାହନ ମିଳୁନି ପ୍ରଶିକ୍ଷଣ। ପାରମ୍ପରିକ କଳା ରଘୁରାଜପୁର ପାଇଁ ପ୍ରସିଦ୍ଧି ଆଣିଦେଇଛି। ବିବିଧ କଳାରେ ପରିପୁଷ୍ଟ ହୋଇଛି ଐତିହ୍ୟ ଗ୍ରାମ ରଘୁରାଜପୁର। ମାତ୍ର କିଛି ପାରମ୍ପରିକ କଳାର ଭବିଷ୍ୟତ ଓ ଅସ୍ତିତ୍ବକୁ ନେଇ ଏବେ ଦେଖାଦେଇଛି ସଙ୍କଟ। ଦିନେ ପିଲାଠୁ ବୃଦ୍ଧ ଯାଏ ଆକର୍ଷଣ ପାଲଟିଥିବା ଗୋବର କଣ୍ଢେଇର ଚାହିଦା ଏବେ ସଙ୍କଟାପନ୍ନ। ଗୋବର କଣ୍ଡେଇର ଚାହିଦା ଆଜି ବି ଅଛି। କିନ୍ତୁ ଏହାକୁ ତିଆରି କରିବା ପାଇଁ ଯୁବପିଢ଼ିଙ୍କ ମଧ୍ୟରେ ଆଗ୍ରହ ନାହିଁ କି ପ୍ରୋତ୍ସାହନ ନାହିଁ। ଯାହାକୁ ନେଇ ଗୋବର କଣ୍ଢେଇର ଅସ୍ଥିତ୍ୱ ଉପରେ ପ୍ରଶ୍ନବାଚୀ ସୃଷ୍ଟି ହୋଇଥିବା ବେଳେ ସରକାରୀ କିମ୍ବା ପ୍ରଶାସନିକ ସ୍ତରରେ ପ୍ରୋତ୍ସାହନ ଆବଶ୍ୟକ ବୋଲି କହିଛନ୍ତି ଶିଳ୍ପୀ।
5.KumbhaMelaପ୍ରୟାଗରାଜ ମହାକୁମ୍ଭମେଳାରେ ବୁଡ଼ ପକାଇଛନ୍ତି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ । ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଉପସ୍ଥିତ ଥିଲେ । ମହାକୁମ୍ଭରେ ଯୋଗଗୁରୁ ବାବା ରାମଦେବଙ୍କ ସହ ଯୋଗ ପାଇଁ ପୋଜ୍ ଦେଇଥିଲେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ।
6.RG Kar: ବହୁ ଚର୍ଚ୍ଚିତ ଆରଜି କର୍ ହତ୍ୟା ଓ ଦୁଷ୍କର୍ମ ମାମଲାରେ କୋଲକାତା ହାଇକୋର୍ଟରେ ପୁଣି ଆବେଦନ କରାଯାଇଛି। ହାଇକୋର୍ଟରେ ଗୋଟିଏ ମାମଲାକୁ ନେଇ ଦୁଇ ପକ୍ଷ । ସିବିଆଇ ଏବଂ ପଶ୍ଚିମବଙ୍ଗ ସରକାର ହାଇକୋର୍ଟର ଦ୍ୱାରସ୍ତ ହୋଇଛନ୍ତି । ଅଭୟା ମାମଲାରେ ସଞ୍ଜୟ ରାୟ ଦୋଷୀ ସାବ୍ୟସ୍ତ ହୋଇଥିଲେ । ଯାହାଫଳରେ ତାଙ୍କୁ କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ଦୋଷୀକୁ ଫଶି ଦେବା ପାଇଁ ଆବେଦନ କରିଛି ସିବିଆଇ।
7.Nandankanan:ନନ୍ଦନକାନନ ପ୍ରାଣୀ ଉଦ୍ୟାନରେ ସିଂହୀ ରେୱାର ମୃତ୍ୟୁ ହୋଇଛି । ପ୍ରସବକାଳୀନ ଅସୁସ୍ଥତା କାରଣରୁ ୮ ବର୍ଷ ବୟସରେ ମୃତ୍ୟୁ ହୋଇଥିବା ସୂଚନା ଦିଆଯାଇଛି । ଗତ ୨୫ରେ ରେୱା ୩ୟ ଥର ପାଇଁ ମାତୃତ୍ୱ ଲାଭ କରିଥିଲା । ନନ୍ଦନକାନନରେ ଏବେ ସିଂହ ସଂଖ୍ୟା ୨୩ରେ ପହଞ୍ଚିଛି।
8. Crime News:ଘରେ ପଶି ଯୁବକଙ୍କୁ ହାଣି ହତ୍ୟା କରିଛନ୍ତି ମାଓବାଦୀ । ଛତିଶଗଡ଼ ବିଜାପୁର କେଶମୁଣ୍ଡି ଗାଁରେ ମାଓବାଦୀଙ୍କ ଏଭଳି ବର୍ବରକାଣ୍ଡ ଦେଖିବାକୁ ମିଳିଛି । ପୋଲିସ ଇନଫର୍ମର ସନ୍ଦେହରେ କୁରାଢିରେ ହାଣି ହତ୍ୟା କରିଥିବା କୁହାଯାଉଛି । ମୃତକ କେଶମୁଣ୍ଡି ଗାଁର ୪୧ ବର୍ଷୀୟ ଯୁବକ ଭାଦୁ ସୋଧି ବୋଲି ସୂଚନା ମିଳିଛି ।
9.ICC ODI Cricketer of the Year: ଜାନୁଆରୀ ୨୭ରେ ଆଇସିସି ଏକ ବଡ଼ ଘୋଷଣା କରି ମହିଳା ଓଡିଆ କ୍ରିକେଟର ଅଫ୍ ଦି ଇୟର ଘୋଷଣା କରିଛି। ଭାରତୀୟ ମହିଳା କ୍ରିକେଟ୍ ଟିମ୍ ର ଷ୍ଟାର କ୍ରିକେଟର ସ୍ମୃତି ମନ୍ଧାନା ଏହି ଟାଇଟଲ୍ ଜିତିଛନ୍ତି। ସେ ଆଇସିସି ମହିଳା ODI କ୍ରିକେଟ୍ ଅଫ୍ ଦି ଇୟର ୨୦୨୪ ଟାଇଟଲ୍ ଜିତିଛନ୍ତି। ଏହି ବାମହାତୀ ଖେଳାଳି ୨୦୨୪ ମସିହାରେ ଚମତ୍କାର ପ୍ରଦର୍ଶନ କରି ବଡ଼ ବଡ଼ ଦିଗ୍ଗଜ ଖେଳାଳୀଙ୍କ ମଧ୍ୟ ନାଁ କରିଥିଲେ। ତେଣୁ ଆଇସିସି ତାଙ୍କୁ ଏକ ବଡ଼ ଟାଇଟଲ ଦେଇ ସମ୍ମାନିତ କରିବା ସହ ତାଙ୍କୁ ମହିଳା ଓଡିଆଇ କ୍ରିକେଟର ଅଫ୍ ଦି ଇୟର ଭାବରେ ସମ୍ମାନିତ କରିଛି।
10.Chhaava Controversy: ଏଭଳି ପରିସ୍ଥିତିରେ ଏହି ଫିଲ୍ମର ନିର୍ଦ୍ଦେଶକ ଲକ୍ଷ୍ମଣ ଉତରେକର ରାଜ ଠାକରେଙ୍କୁ ଭେଟିଥିଲେ। ସେ ଆହୁରି ମଧ୍ୟ ସେମାନଙ୍କୁ ଆଶ୍ୱାସନା ଦେଇଛନ୍ତି ଯେ ଆପତ୍ତିଜନକ ମନେହେଉଥିବା ଫିଲ୍ମର କୌଣସି ବି ସିନ୍ କଟାଯିବ ନାହିଁ। ଏହି ବିଷୟରେ ଜାରି ବିବୃତ୍ତିରେ ଫିଲ୍ମର ନିର୍ଦ୍ଦେଶକ କହିଛନ୍ତି- 'ମୁଁ ରାଜ୍ ଠାକରେଙ୍କୁ ଭେଟିଛି। ସେ ଜଣେ ଏକ୍ସାଇଟେଡ୍ ରିଡର ଏବଂ ଅଧ୍ୟୟନ କରୁଥିବା ବ୍ୟକ୍ତି। ସେମାନଙ୍କଠାରୁ ପରାମର୍ଶ ଏବଂ ମାର୍ଗଦର୍ଶନ ଗ୍ରହଣ କରିଛି। ତାଙ୍କର କଥା ମୋତେ ଆଗକୁ ସହଯୋଗ କରିବ। ଏହି ବୈଠକ ପରେ କିଛି ଦୃଶ୍ୟ ହଟାଇବାକୁ ନିଷ୍ପତ୍ତି ନିଆଯାଇଛି। ଏହା ହେଉଛି ସେହି ଦୃଶ୍ୟ ଯେଉଁଥିରେ ସାମ୍ୱାଜୀ ମହାରାଜ ଲେଜିମ୍ ନାଚ ନାଚୁଥିବା ଦେଖିବାକୁ ମିଳିଛି। ଯାହାକି ଅନେକଙ୍କୁ ପସନ୍ଦ ଆସିନି। ତେଣୁ ଏହି ସିନ୍ ଗୁଡ଼ିକୁ କଟାଯିବ।
10
 "Top 10 News: ଚୁଟକିରେ ପଢ଼ନ୍ତୁ ବର୍ତ୍ତମାନର ୧୦ଟି ଗୁରୁତ୍ୱପୂର୍ଣ୍ଣ ଖବର...")
