Ayodhya News: ଅକ୍ଷୟ ତୃତୀୟାରେ ପ୍ରଭୁ ଶ୍ରୀରାମଙ୍କୁ ଅର୍ପଣ କରାଗଲା ୧୧ ହଜାର ଆମ୍ୱ

Akshaya Tritiya in Ayodhya: ଅଯୋଧ୍ୟା ରାମ ମନ୍ଦିରରେ ପବିତ୍ର ଅକ୍ଷୟ ତୃତୀୟା ଅବସରରେ ପ୍ରଭୁ ଶ୍ରୀରାମଙ୍କୁ ୧୧ ହଜାର ଆମ୍ୱ ଅର୍ପଣ କରାଯାଇଛି ।

Ayodhya Ram Lalla: ଅଯୋଧ୍ୟା ରାମ ମନ୍ଦିରରେ ଶୁକ୍ରବାର ଦିନ ଅକ୍ଷୟ ତୃତୀୟା ପାଳନ କରାଯାଇଥିଲା । ଏହି ଶୁଭ ଦିନକୁ ପାଳନ କରିବା ପାଇଁ ପ୍ରଭୁ ଶ୍ରୀରାମଙ୍କୁ ଏକ ସ୍ୱତନ୍ତ୍ର ନୈବେଦ୍ୟ ପ୍ରଦାନ କରାଯାଇଥିଲା । ତାହା ହେଉଛି ପ୍ରଭୁଙ୍କୁ ୧୧ ହଜାର ଆମ୍ବ ଅର୍ପଣ କରାଯାଇଥିଲା । ଶ୍ରୀ ରାମ ଜନ୍ମଭୂମୀ ତିର୍ଥ କ୍ଷେତ୍ର ଟ୍ରଷ୍ଟ ପକ୍ଷରୁ ଏ ସମ୍ପର୍କରେ ଫଟୋ ସହ ସୋସିଆଲ ମିଡିଆରେ ପୋଷ୍ଟ କରାଯାଇଛି ।

୧୧ ହଜାର ଆମ୍ୱ ସହ ଆମ୍ୱ ରସର ବୋତଲ ମଧ୍ୟ ପୁଣେରୁ ଅଯୋଧ୍ୟାକୁ ଅଣାଯାଇଥିଲା । ରିପୋର୍ଟରେ କୁହାଯାଇଛି ଯେ, ରାମ ଲାଲାଙ୍କୁ ବିଭିନ୍ନ ଫଳରେ ଭର୍ତ୍ତି ଥିବା ଏକ ଟୋକେଇ ଅର୍ପଣ କରାଯାଇଥିଲା । ଅକ୍ଷୟ ତୃତୀୟା ପରି ଶୁଭ ଦିନରେ ପ୍ରଭୁ ଶ୍ରୀରାମଙ୍କୁ ଖୁବ ଆକର୍ଷଣୀୟ ଢଙ୍ଗରେ ସଜା ଯାଇଥିଲା । ଏଥିସହ ରାମ ମନ୍ଦିର ପରିସରରେ ଏତେ ସଂଖ୍ୟକ ଆମ୍ୱ ଝୁଡି ସଜାଯାଇଥିବାର ଦୃଶ୍ୟ ଅତ୍ୟନ୍ତ ମନୋରମ ଥିଲା ।

ଜାନୁଆରୀ ୨୨ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଥିଲା । ରାମ ମନ୍ଦିର ପ୍ରତିଷ୍ଠା ପରେ ଶୁକ୍ରବାର ପ୍ରଥମ ଥର ଅକ୍ଷୟ ତୃତୀୟ ମନ୍ଦିର ପରିସରରେ ପାଳନ କରାଯାଇଛି ।ଏହାପୂର୍ବରୁ, ଏପ୍ରିଲ ୧୭ ତାରିଖ ଦିନ ପ୍ରଥମ ରାମ ନବମୀ ପର୍ବ ପାଳନ କରାଯାଇଥିଲା । ରାମ ନବମୀ ଉତ୍ସବ ସମୟରେ ପ୍ରଭୁ ଶ୍ରୀରାମଙ୍କ ମଥାରେ ସୂର୍ଯ୍ୟ ତିଳକ ରୀତିନୀତି କରାଯାଇଥିଲା। ଏହି ରୀତିନୀତି ସମୟରେ ପ୍ରଭୁଙ୍କ ପ୍ରତିମାରେ ସୂର୍ଯ୍ୟ କିରଣକୁ ପକାଇବା ପାଇଁ ଆଧୁନିକ ଜ୍ଞାନକୌଶଳ ବ୍ୟବହାର କରାଯାଇଥିଲା ।

On Akshay Tritiya today, Prabhu Shri Ramlalla Sarkar has been offered the bhog of mangoes.

अक्षय तृतीया के पर्व पर आज प्रभु श्री रामलला सरकार को आम का भोग लगाया गया है। pic.twitter.com/7jbRRgTsbe

— Shri Ram Janmbhoomi Teerth Kshetra (@ShriRamTeerth) May 10, 2024

ଅକ୍ଷୟ ତୃତୀୟା କାହିଁକି ସ୍ୱତନ୍ତ୍ର?
ହିନ୍ଦୁ ଧର୍ମରେ ଅକ୍ଷୟ ତୃତୀୟାକୁ ଏକ ଶୁଭ ପର୍ବ ଭାବେ ବିବେଚନା କରାଯାଇଥାଏ । ଏହିଦିନ ବିଲରେ ଚାଷ ପାଇଁ ଅଖିମୁଠି ଅନୁକୂଳ କରାଯାଇଥାଏ । ଏଥିସହ ଶ୍ରୀକ୍ଷେତ୍ରରେ ରଥକାମ ଆରମ୍ଭ କରାଯାଇଥାଏ । ଅକ୍ଷୟର ଅର୍ଥ ହେଉଛି କଦାବି କ୍ଷୟ ହୁଏ ନାହିଁ । ତେଣୁ ଏହି ଦିନରେ ସମସ୍ତ ଶୁଭ କାର୍ଯ୍ୟ ଆରମ୍ଭ କରାଯାଇଥାଏ । ଏଥିସହ ବିଭିନ୍ନ ପ୍ରକାରର ଅଳଙ୍କାର କିଣିବାକୁ ଲୋକମାନେ ଭିଡ଼ ଲଗାଇଥାନ୍ତି ।