ପାଣିପାଗ ବିଭାଗ କରାଇଲା ସତର୍କ; ଆସନ୍ତା ୫ ଦିନ ଯାଏଁ ରାଜ୍ୟରେ ଏସବୁ ଜିଲ୍ଲାରେ ହେବ ପ୍ରବଳ ବର୍ଷା

Odisha Weather report: ପାଣିପାଗ ବିଭାଗ (Meteorological Department) ଅନୁସାରେ ଆସନ୍ତା ୧୩ ତାରିଖରେ ବଙ୍ଗୋପ ସାଗରରେ ଆଉ ଏକ ଲଘୁଚାପ ସୃଷ୍ଟି ହେବାକୁ ଯାଉଛି । ଏହା ଯୋଗୁଁ ଆସନ୍ତା ୫ ଦିନ ରାଜ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।

Odisha Weather report: ସାରା ରାଜ୍ୟ ବର୍ତ୍ତମାନ ପ୍ରବଳ ବର୍ଷା ଦେଖିବାକୁ ମିଳିଛି । ରାଜ୍ୟରେ ସବୁଠି ସ୍ଥିତି ଉବୁଟୁବୁ ରହିଛି । ଅଶାନ୍ତ ୫ ଦିନ ସ୍ଥିତି ଆହୁରି ବିଗିଡିବ ବୋଲି ପାଣିପାଗ ବିଭାଗ (Meteorological Department) ବର୍ତ୍ତମାନ ସୂଚନା ଦେଇଛି । ଏହାକୁ ନଜରରେ ରଖି ଏସଆରସି କହିଛନ୍ତି ଯେଉଁ ବନ୍ୟା ପରିସ୍ଥିତି ଉପୁଜି ଥିଲା, ତାହା ବର୍ତ୍ତମାନ ସ୍ବାଭାବିକ ରହିଛି । ବର୍ତ୍ତମାନ ଏନଡିଆରଏଫ, ଓଡ୍ରାଫ ଓ ଅଗ୍ନିଶମ ପ୍ରସ୍ତୁତ ରହିଛନ୍ତି ବୋଲି ଏସଆରସି କହିଛନ୍ତି । ସେପଟେ ପାଣିପାଗ ବିଭାଗ ୧୩ ତାରିଖରେ ବଙ୍ଗୋପ ସାଗରରେ (Bay of Bengal) ଆଉ ଏକ ଲଘୁଚାପ (Low pressure) ସୃଷ୍ଟି ହେବାକୁ ଯାଉଛି ବୋଲି ସୁଚନା ଦେଇଛି । ଏହା ସହ ଆସନ୍ତା ୫ ଦିନ ପ୍ରବଳ ବର୍ଷା ହେବ । ଏପରି ସ୍ଥିତିରେ ଲଗାଣ ବର୍ଷା ଯୋଗୁଁ ହଇଜା ଝାଡା ବାନ୍ତି ବ୍ୟାପି ବାର ସମ୍ଭାବନା ରହିଥିବା ଯୋଗୁଁ ସ୍ବାସ୍ଥ୍ୟ ବିଭାଗ ସତର୍କ କରାଇଛି ।

ଗତକାଲି ଓଡ଼ିଶା ଉପରେ ସୃଷ୍ଟି ହୋଇଥିବା ଅବପାତ କ୍ରମେ ଦୁର୍ବଳ ହୋଇ ଲଘୁଚାପରେ ପରିଣତ ହୋଇଥିବା ବେଳେ, ଆସନ୍ତା ୧୩ ତାରିଖ ବେଳକୁ ଆଉ ଏକ ଲଘୁଚାପ ଉତ୍ତର ବଙ୍ଗୋପ ସାଗରରେ ସୃଷ୍ଟି ହେବାର ସମ୍ଭାବନା ଦେଖା ଦେଇଛି । ଏହି ଲଘୁଚାପ ୧୪ ତାରିଖ ବେଳକୁ ଉତର ଓଡ଼ିଶା ଉପକୂଳରେ ଘନୀଭୂତ ହେବା ସହ ପଶ୍ଚିମ ଦିଗ ଆଡକୁ ଗତି କରିବାର ସମ୍ଭାବନା ରହିଛି । ଏହାର ପ୍ରଭାବରେ ରାଜ୍ୟର ଉତର ଉପକୂଳ ଓ ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ମଧ୍ୟମରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି । 

୧୨ ତାରିଖ ରାତିରୁ ଆରମ୍ଭ ହୋଇ ଏହା ୨୪ ଘଣ୍ଟା ପର୍ଯ୍ୟନ୍ତ ଜଗତସିଂହପୁର, କେନ୍ଦ୍ରାପଡା, ଭଦ୍ରକ, ବାଲେଶ୍ୱର, ଯାଜପୁର, ଖୋର୍ଦ୍ଦା, କଟକ, ଢ଼େଙ୍କାନାଳ, କେନ୍ଦୁଝର, ଦେବଗଡ, ଅନୁଗୁଳ, କନ୍ଧମାଳ, ସମ୍ବଲପୁର, କଳାହାଣ୍ଡି, ନୂଆପଡ଼ା ଏବଂ ନବରଙ୍ଗପୁର ଜିଲ୍ଲାଗୁଡ଼ିକରେ ଏହି ଲଘୁଚାପର ପ୍ରଭାବ ରହିବ । ଅଗଷ୍ଟ ୧୪ ତାରିଖ ବେଳକୁ ଏହି ବର୍ଷାର ପରିମାଣ ବୃଦ୍ଧି ପାଇ ପ୍ରବଳରୁ ଅତି ପ୍ରବଳ ହେବା ସହ ପଶ୍ଚିମ ଓଡ଼ିଶାର ସମ୍ବଲପୁର, ବରଗଡ଼, ବଲାଙ୍ଗୀର, ନୂଆପଡ଼ା, କଳାହାଣ୍ଡି, ସୋନ୍‌ପୁର, ବୌଦ୍ଧ, ଦେବଗଡ଼, କନ୍ଧମାଳ, ନବରଙ୍ଗପୁର ଓ ଅନୁଗୁଳରେ ପ୍ରଭାବ ପକାଇବ । 

ଅଗଷ୍ଟ ୧୫ ତାରିଖ ବେଳକୁ ଯଦିଓ ବର୍ଷାର ପରିମାଣ କମିବ ତଥାପି ରାଜ୍ୟ ସାରା ଏହି ଦିନ ସାମାନ୍ୟରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଏହାର ପ୍ରଭାବରେ ଅଗଷ୍ଟ ୧୧ ତାରିଖ ପର୍ଯ୍ୟନ୍ତ ଉତର ଏବଂ ପଶ୍ଚିମ ଓଡ଼ିଶାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବା ସହ ଗୋଟିଏ କିମ୍ବା ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ସେହିପରି ଅଗଷ୍ଟ ୧୮ କିମ୍ବା ୧୯ ତାରିଖ ବେଳକୁ ଉପକୂଳରେ ଏକ ଘୂର୍ଣ୍ଣିବଳୟ ସୃଷ୍ଟି ଯୋଗୁଁ ରାଜ୍ୟରେ ବର୍ଷା ହେବାର ସମ୍ଭାବନା ଥିବାବେଳେ ଲଘୁଚାପ ସୃଷ୍ଟି ହେବାର କୌଣସି ସୂଚନା ନାହିଁ ।

ବନ୍ୟା ସ୍ଥିତି ନେଇ ଏସଆରସି କହିଛି, ବିଶେଷ କରି ଦକ୍ଷିଣ ଓଡିଶା ଓ ପଶ୍ଚିମ ଓଡିଶାରେ ବର୍ଷାର ପରିମାଣ ଅଧିକ ଥିଲା । ମାଲକାନଗିରିରେ ବନ୍ୟା ପରିସ୍ଥିତି ଉପୁଜିଥିଲା ହେଲେ ଏବେ ସ୍ବଭାବିକ ରହିଛି । ନାଗାବଳି ଓ ବଂଶଧରା ନଦୀରେ ଜଳସ୍ତର ରାଇଜିଂ ଟ୍ରେଣ୍ଡରେ ଅଛି । ନୁଆପଡା ସର୍ବାଙ୍ଗ ଠାରେ ଏକ ପୁରୁଣା ବ୍ରିଜ ଭୁଷୁଡିବା ଭଳି ସ୍ଥିତି ରହିଥିଲା । ସେ ନେଇ କଲେକ୍ଟର ସହ ଆଲୋଚନା କରାଯାଇ ପ୍ରସ୍ତୁତି ଚାଲିଛି । ଏପରି ସ୍ଥିତିରେ ଏନଡିଆରଏଫ, ଓଡ୍ରାଫ ଓ ଅଗ୍ନିଶମ ବାହୀନି ପ୍ରସ୍ତୁତ ରହିଛନ୍ତି ବୋଲି ଏସଆରସି ପ୍ରଦୀପ ଜେନା ସୁଚନା ଦେଇଛନ୍ତି । ସେପଟେ ଲଗାଣ ବର୍ଷା ଯୋଗୁଁ ପୁଣି ଥରେ ହାଇଜା, ଝାଡାବାନ୍ତି ବ୍ୟାପିବାର ସମ୍ଭାବନା ରହିଛି ବୋଲି ସ୍ବାସ୍ଥ୍ୟ ବିଭାଗ ସତର୍କ କରାଇଛି। ଏଥି ପାଇଁ ସବୁ ଜିଲ୍ଲା ସିଡିଏମଓଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି । ପୂର୍ବରୁ ଝାଡାବାନ୍ତି ବ୍ୟାପିଥିବା ୭ ଜିଲ୍ଲା ଉପରେ ବିଶେଷ ନଜର ରଖାଯାଇଛି । ଏବେ ବି ସେହି ୭ ଜିଲ୍ଲାରେ ଡାକ୍ତରୀ ଟିମ ବୁଲୁଛନ୍ତି ବୋଲି ସେ କହିଛନ୍ତି । ଏ ସବୁ ଭିତରେ କିନ୍ତୁ ଚଳିତ ମାସରେ ସ୍ବାଭାବିକ ବର୍ଷା ହୋଇଛି ବୋଲି ପାଣିପାଗ ବିଭାଗ କହିଛି । ତେଣୁ ମତ୍ସଜୀବୀଙ୍କୁ ସମୁଦ୍ର ଯିବା ପାଇଁ ବାରଣ କରାଯାଇଛି ।