Seema Haider: ସଲମାନ ଖାନ ଏବଂ କପିଲ ଶର୍ମାଙ୍କ ଶୋ’ରୁ ସୀମା ହାଇଦରଙ୍କୁ ଅଫର !

Seema Haider: ସୀମା ହାଇଦାରଙ୍କ କାହାଣୀକୁ ନେଇ ଏକ ଫିଲ୍ମ ମଧ୍ୟ ନିର୍ମାଣ କରାଯାଉଥିବାବେଳେ ବର୍ତ୍ତମାନ ଆଉ ଏକ ସୂଚନା ମିଳିଛି ଯେ, ସୀମାଙ୍କୁ ବିଗ୍ ବସ୍ ଏବଂ କପିଲ ଶର୍ମାଙ୍କ ଶୋ’ରୁ ଅଫର ମିଳିଛି ।

Seema Haider: ପ୍ରେମ ପାଇଁ ସୀମା ପାର୍ ହୋଇଥିବା ସୀମାଙ୍କୁ ନେଇ କିଛିଦିନ ହେବ ସୋସିଆଲ ମିଡିଆରେ ଅନେକ ଖବର ଆସୁଛି । ପ୍ରେମିକଙ୍କ ସହ ଭେଟ ହେବା ପାଇଁ ପାକିସ୍ତାନ (Pakistan)ରୁ ଭାରତ ଆସିଥିବା ସୀମା ହାଇଦର କ୍ରମାଗତ ଭାବରେ ଖବରରେ ରହିଛନ୍ତି। ଏହା ମଧ୍ୟରେ ସୀମାଙ୍କୁ ଅନେକ ଅଫର (Offer) ମିଳିଥିବା କଥା ସୂଚନା ରହିଛି । ସୀମାଙ୍କ ଜୀବନରେ ଘଟିଥିବା ଏପରି ନିଆରା କାହାଣୀକୁ ନେଇ ଏକ ଚଳଚ୍ଚିତ୍ର ମଧ୍ୟ ପ୍ରସ୍ତୁତ କରାଯାଉଛି । ଏହା ମଧ୍ୟ କୁହାଯାଉଛି ଯେ. ଅନେକ ରାଜନୈତିକ ଦଳ (Political party)ର ନେତା ସୀମାଙ୍କୁ ନିଜ ଦଳରେ ଯୋଗଦେବାକୁ ପ୍ରସ୍ତାବ ଦେଇଛନ୍ତି। ତେବେ ସୀମା ହାଇଦର କ୍ରମାଗତ ଭାବରେ ଗଣମାଧ୍ୟମରେ ବିବୃତି ଦେଉଛନ୍ତି । ସୀମାଙ୍କ ମତାମତର ଭିଡିଓ ସୋସିଆଲ ମିଡିଆରେ ମଧ୍ୟ ଖୁବ ଭାଇରାଲ୍ (Viral) ହେଉଛି । ବର୍ତ୍ତମାନ ସୀମା ଆଉ ଏକ ସୂଚନା ସମସ୍ତଙ୍କୁ ଜଣାଇଛନ୍ତି । ତାହା ହେଉଛି ଦୁଇଟି ପ୍ରସିଦ୍ଧ ଟିଭି କାର୍ଯ୍ୟକ୍ରମ 'ବିଗ୍ ବସ୍' (Bigg boss) ଏବଂ କପିଲ ଶର୍ମାଙ୍କ ଶୋ’ରୁ ସୀମାଙ୍କୁ ଯୋଗଦେବା ପାଇଁ କଲ ଆସିଛି।

ସୀମା ହାଇଦର ଏକ ଭିଡିଓ (Video) ଜାରି କରି ଏକଥା କହିଛନ୍ତି ବୋଲି ଜାତୀୟ ଗଣମାଧ୍ୟମରେ ଖବର ପ୍ରସାରିତ ହୋଇଛି । ଏକଥା ମଧ୍ୟ କୁହାଯାଉଛି ଯେ, ସୀମା ହାଇଦର କୁଆଡେ ଉଭୟ କପିଲ ଶର୍ମା ଏବଂ ସଲମାନ ଖାନଙ୍କ ଶୋ’ରେ ଭାଗ ନେବାକୁ ମନା କରି ଦେଇଛନ୍ତି। ଯଦି ଭବିଷ୍ୟତରେ ଇଚ୍ଛା ହୁଏ ତେବେ ନିଶ୍ଚିତ ଭାବରେ ଉକ୍ତ କାର୍ଯ୍ୟକ୍ରମରେ ଯୋଗ ଦେବେ ବୋଲି ସୀମା କହିଛନ୍ତି । ସୀମା ହାଇଦର ରିଲିଜ୍ କରିଥିବା ଭିଡିଓରେ କହିଛନ୍ତି ଯେ, 'ଆମେ ବିଗ୍ ବସ୍ ଏବଂ କପିଲ ଶର୍ମା ଶୋ' (kapil sharma show)ରୁ ଅଫର ପାଇଛୁ । କିନ୍ତୁ ଏହି ଦୁଇଟି ଟିଭି ଶୋରେ ଭାଗ ନେବା ପାଇଁ ଆମେ ବର୍ତ୍ତମାନ ପର୍ଯ୍ୟନ୍ତ କୌଣସି ଯୋଜନା କରିନାହୁଁ । ଯଦି ଆଗକୁ ଆମେ ଉକ୍ତ ଶୋ'ରେ ଭାଗ ନେବା ପାଇଁ ଯୋଜନା କରୁ ତେବେ ନିଶ୍ଚିତ ଭାବରେ ସୋସିଆଲ ମିଡିଆ (Social Media) ମାଧ୍ୟମରେ ଲୋକମାନେ ପୂର୍ବରୁ ସୂଚନା ପାଇବେ ।

ବର୍ତ୍ତମାନ ସୀମା ହାଇଦର ତାଙ୍କ ସ୍ୱାମୀ ସଚିନଙ୍କ ସହିତ ଗ୍ରେଟର ନୋଏଡା (greater noida)ରେ ରହୁଛନ୍ତି। ହିନ୍ଦୁ ପର୍ବ ନାଗପଞ୍ଚମୀ ଦିନ ସୀମା ହାଇଦର ଉପବାସ ଓ ବ୍ରତ ରଖିଥିବା ନେଇ ସୂଚନା ମିଳିଛି । ନାଗ ପଞ୍ଚମୀ ଅବସରରେ ସୀମା ହିନ୍ଦୁ ରୀତିନୀତି ଅନୁଯାୟୀ ପୂଜାର୍ଚ୍ଚନା କରିଥିଲେ। ସୀମା ଏକ ସାକ୍ଷାତକାରରେ କହିଥିଲେ ଯେ, ଚନ୍ଦ୍ର ପୃଷ୍ଠରେ ଭାରତର ଚନ୍ଦ୍ରଯାନଙ୍କ ସଫ୍ଟ ଲ୍ୟାଣ୍ଡିଂ ହେବା ପାଇଁ ଶୁଭ ମନାସି ସେ ମଧ୍ୟ ଉପବାସ ବ୍ରତ ପାଳନ କରିଥିଲେ।

ପାକିସ୍ତାନରୁ ଦୁବାଇ (Dubai) ଓ ପରେ ନେପାଳ (Nepal) ରାସ୍ତାରେ ଭାରତରେ ପହଂଚିଥିବା ସୀମା ହାଇଦର କ୍ରମାଗତ ଭାବରେ ପାକିସ୍ତାନ ବିରୁଦ୍ଧରେ ଅନେକ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ, ଯଦି ସେ ପୁଣିଥରେ ପାକିସ୍ତାନକୁ ଫେରି ଯାଆନ୍ତି ତେବେ ତାଙ୍କୁ ମାରିଦିଆଯିବ । ସୀମା କହିଛନ୍ତି ଯେ, ତାଙ୍କ ସ୍ୱାମୀ ପାକିସ୍ତାନରେ ତାଙ୍କୁ ନିର୍ଯାତନା (Torture) ଦେଉଥିଲେ। ସେ ତାଙ୍କୁ ଛାଡିଦେଇଥିଲେ, ଏହା ପରେ ସେ ଅନଲାଇନରେ ପବଜୀ (PubG) ଖେଳିବା ସମୟରେ ଭାରତର ନୋଏଡାରେ ରହୁଥିବା ସଚିନଙ୍କ ସହିତ କଥା ହୋଇଥିଲେ । କଥାବାର୍ତ୍ତାରୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଦୁହେଁ ଦୁହିଁଙ୍କୁ ଭେଟିବା ପାଇଁ ଯୋଜନା କରିଥିଲେ ।