Tomato Selling Business: ଟମାଟୋ କିଣିବାକୁ ନେଇ ମୁହାଁମୁହିଁ; ୩ ଘଣ୍ଟାରେ ବିକ୍ରି ହୋଇଗଲା ୩୦୦୦ ହଜାର

Kanpur Tomato News: ଭାରତୀୟ ରାଷ୍ଟ୍ରୀୟ ଉପଭୋକ୍ତା ସହକାରୀ ସଂଘ ପକ୍ଷରୁ ସୁଲଭ ମୂଲ୍ୟରେ ଗ୍ରାହକଙ୍କୁ ଟମାଟୋ ଯୋଗାଣ କରିବା ପାଇଁ ଏକ ଅଭିନବ ପଦକ୍ଷେପ କାର୍ଯ୍ୟକାରୀ କରାଯାଇଥିଲା।

Tomato Selling Price: ଦେଶରେ ଏବେ ଟମାଟୋ ମୂଲ୍ୟ ହ୍ରାସ ପାଇବାର କୌଣସି ସମ୍ଭାବନା ନାହିଁ। ମହଙ୍ଗା ଟମାଟୋ ସହ ସଂଘର୍ଷ କରୁଥିବା କାନପୁର ସହରବାସୀଙ୍କୁ ରବିବାର ସାମାନ୍ୟ ଆଶ୍ୱସ୍ତି ମିଳିଛି। ଭାରତୀୟ ରାଷ୍ଟ୍ରୀୟ ଉପଭୋକ୍ତା ସହକାରୀ ସଂଘ ଦ୍ୱାରା ଟମାଟୋ ଶସ୍ତା ମୂଲ୍ୟରେ ବିକ୍ରି କରାଯାଇଥିଲା। ମୋବାଇଲ୍ ଭ୍ୟାନ୍ ମାଧ୍ୟମରେ ସହରର ୧୦ ସ୍ଥାନରେ ଟମାଟୋ କିଲୋଗ୍ରାମ ପିଛା ୮୦ ଟଙ୍କା ମୂଲ୍ୟରେ ବିକ୍ରି ହୋଇଥିଲା। ଗୋଟିଏ ଦିନରେ ପ୍ରାୟ ୩୦୦୦ କିଲୋଗ୍ରାମ ଟମାଟୋ ବିକ୍ରି ହୋଇଥିବାର କୁହାଯାଉଛି। ରବିବାର ମଧ୍ୟାହ୍ନ ସମୟରେ ନବୀନ ବଜାରରୁ ୧୦ ମୋବାଇଲ୍ ଭ୍ୟାନ ପଠାଯାଇଥିଲା। ଯାହାକୁ ବିଜେପି ନେତା ତଥା ବ୍ୟବସାୟୀ ସଂଘ ସଦସ୍ୟ ମୁକୁନ୍ଦ ମିଶ୍ର ସବୁଜ ପତାକା ଦେଖାଇ ଆରମ୍ଭ କରିଥିଲେ।

ଭାରତୀୟ ରାଷ୍ଟ୍ରୀୟ ଉପଭୋକ୍ତା ସହକାରୀ ସଂଘ (National Consumer Cooperative Federation of India) କ୍ଷେତ୍ରୀୟ ପ୍ରବନ୍ଧକ ଏ.କେ ସିଂହ କହିଛନ୍ତି ଯେ ଟମାଟୋ ମହଙ୍ଗା (Tomato Price) ହୋଇଥିବାରୁ ଏପରି ବ୍ୟବସ୍ଥା କରାଯାଇଛି। ଏନସିସିଏଫ୍ଆଇ (NCCFI) ଶାଖା ସୌମ୍ୟ ବିଷ୍ଟ କହିଛନ୍ତି ଯେ କାହାକୁ ୨ କିଲୋଗ୍ରାମ ଠାରୁ ଅଧିକ ଟମାଟୋ ଦିଆଯାଇ ନାହିଁ। ଏହି ଟମାଟୋ ସୁଦୂର କର୍ଣ୍ଣାଟକରୁ (Karnataka) ଆସିଛି। ସୋମବାର ଟମାଟୋ ସେଣ୍ଟ୍ରାଲ (Kanpur Central Area) ସ୍ଥିତ ଫୁଲବାଗ, ଗାନ୍ଧୀଗ୍ରାମ, କିଦୱଇ ନଗର ଏବଂ ଗ୍ରୀନ୍ ପାର୍କ ଷ୍ଟାଡିୟମ୍ (Green Park Stadium Kanpur) ସ୍ଥିତ ମୋତିଝିଲ ଗୁମଟି କ୍ରସିଂ, ପ୍ୟାରେଡ୍ ଚୌକ ସର୍ବୋଦୟ ନଗର ପଠାଯିବ।

ଟମାଟୋ କିଣିବା ପାଇଁ ଘଣ୍ଟାଘର ଛକ (Ghanta Ghar Chowk Kanpur) ନିକଟକୁ ଆସିଥିବା ଶକ୍କର ପଟ୍ଟି ଅଞ୍ଚଳର କୋମଲ ସାହୁ କହିଛନ୍ତି ଯେ ସେ ଟମାଟୋ ଖାଇବାକୁ ଅନେକ ଦିନ ହୋଇଗଲାଣି। ଏଠାରେ ମଧ୍ୟ ଟମାଟୋ ମହଙ୍ଗା ମୂଲ୍ୟରେ ମିଳୁଛି। ଯାହାର ମୂଲ୍ୟ ଆହୁରି ହ୍ରାସ କରାଯିବା ଆବଶ୍ୟକ। ନବୀନ ବଜାରରେ ଟମାଟୋ କିଣିବାକୁ ଆସିଥିବା ସୁଧୀର ଶୁକ୍ଲାଙ୍କ କହିବା ଅନୁଯାୟୀ ଟମାଟୋ ସାଧାରଣ ଲୋକଙ୍କ ପାଖରେ ପହଞ୍ଚିବା ଠାରୁ ବହୁ ଦୂରକୁ ଚାଲିଯାଇଛି। ଟମାଟୋ ୧୫୦ ଟଙ୍କା ମୂଲ୍ୟରେ ବିକ୍ରି ହେଉଛି। ପନିପରିବା ବଜାରରେ ଖୁଚୁରା ମୂଲ୍ୟରେ ଟମାଟୋ ସବୁଠାରୁ ମହଙ୍ଗା ରହିଛି।

ରାମାଦେବୀରେ ଟମାଟୋ କିଲୋଗ୍ରାମ ପିଛା ୧୩୦ ଟଙ୍କା ମୂଲ୍ୟରେ ବିକ୍ରି ହେଉଛି। ସେହିପରି ଘଣ୍ଟାଘର ଛକ ନିକଟରେ କିଲୋଗ୍ରାମ ପିଛା ୧୨୦ ଟଙ୍କାରେ ବିକ୍ରି ହେଉଛି। ଫୁଲ ବାଗ ଠାରେ ଏହାର ମୂଲ୍ୟ ଅଧିକ ରହିଛି।  ଯେଉଁଠାରେ ପନିପରିବା ଦୋକାନୀ ଏହାକୁ କିଲୋଗ୍ରାମ ପିଛା ୧୫୦ ଟଙ୍କାରେ ବିକ୍ରି କରୁଛନ୍ତି। 

ଟମାଟୋ ମୂଲ୍ୟ ଆକାଶଛୁଆଁ ହେବା ପରେ କେନ୍ଦ୍ର ସରକାର ଗତ ଜୁନ ୩୦ ତାରିଖରେ ଟମାଟୋ ଗ୍ରାଣ୍ଡ ଚ୍ୟାଲେଞ୍ଜ ହ୍ୟାକଥନ୍ ଘୋଷଣା କରିଥିଲେ। ଯେଉଁଠାରେ ଟମାଟୋ ମୂଲ୍ୟ ହ୍ରାସ କରିବା ପାଇଁ ଲୋକଙ୍କ ପାଖରୁ ଆଇଡ଼ିଆ ମଗାଯାଉଛି। ଟମାଟୋ ସଂରକ୍ଷଣ ଏବଂ ମୂଲ୍ୟ ନିର୍ଦ୍ଧାରଣରେ ଛାତ୍ରଛାତ୍ରୀଙ୍କ ଠାରୁ ଆରମ୍ଭ କରି ଉଦ୍ୟୋଗ ଜଗତ ସହ ଜଡ଼ିତ ଲୋକଙ୍କ ବିଚାର ମଗାଯାଇଥିଲା।