Flight Ticket:ବଡ଼ ଚତୁରତାର ସହ ଆପଣଙ୍କୁ ଲୁଟି ଥାଏ ବିମାନ କମ୍ପାନୀ, ଜାଣନ୍ତୁ କଣ ଏହି 'ଭିତିରି ଖେଳ'

ନୂଆଦିଲ୍ଲୀ: ଆମମାନଙ୍କ ମଧ୍ୟରୁ ଅନେକ ବିମାନରେ ଯାତ୍ରା କରିଥିବେ। ତେବେ ବିମାନ ଯାତ୍ରା ପୂର୍ବରୁ ଆମେ ସମସ୍ତେ ଟିକଟ ନିଶ୍ଚିତ ଭାବେ କରିଥିବା। କେବେ ଆପଣ ଲକ୍ଷ୍ୟ କରିଛନ୍ତି କି ଆପଣ ବିମାନ କମ୍ପାନୀ ଗୁଡ଼ିକ ଟିକଟ ପିଛା ଗୋଟିଏ ଦର ଧାର୍ଯ୍ୟ କରିଥିବା ବେଳେ ତାହା ଠାରୁ ଢେର ଅଧିକ ଟଙ୍କା ଆମେ ବୁକ କରିବା ପାଇଁ ପୈଠ କରିଥାଉ। ତେବେ ଆପଣ ଜାଣିଛନ୍ତି କି ବିମାନ କମ୍ପାନୀ ଗୁଡ଼ିକର ଏହି ଭିତିରି ଖେଳ ଗୁଡ଼ିକ କଣ। କିପରି ଧାର୍ଯ୍ୟ ହୋଇଥାଏ ଏହି ଦର ସବୁ। ଆସନ୍ତୁ ଏହା ଉପରେ ସବିଶେଷ ଆଲୋଚନା କରିବା।

ବିମାନ ଯାତ୍ରା ପୂର୍ବରୁ ଟିକଟ କରିବା ଜରୁରୀ ହୋଇଥାଏ। ତେବେ ଏହି ଟିକଟର ଦର ଦୁଇ ପ୍ରକାରର ହୋଇଥାଏ। ଗୋଟିଏ ବେସ ଫେୟାର ଓ ଅନ୍ୟଟି ରେଗୁଲାର ଫେୟାର। ବେସ ଫେୟାର ବିମାନ କମ୍ପାନୀ ଗୁଡ଼ିକ ଦ୍ୱାରା ଧାର୍ଯ୍ୟ ହୋଇଥାଏ। ବିଶେଷ କରି ବିମାନଟି ଉଡ଼ାଣ ପାଇଁ ସମସ୍ତ ଖର୍ଚ୍ଚକୁ ଆଧାର କରି ଏହି ଦର ଧାର୍ଯ୍ୟ କରାଯାଇଥାଏ। କିନ୍ତୁ ରେଗୁଲାର ଦର ବେସ ଫେୟାର ସହିତ ଅନ୍ୟ ଟ୍ୟାକ୍ସ, ବିମାନବନ୍ଦର ଚାର୍ଜ ଆଦିକୁ ମିଶାଇ ଧାର୍ଯ୍ୟ କରାଯାଇଥାଏ। ଫଳରେ ବୁକ କରିବା ପୂର୍ବରୁ ଟିକଟ ଦର କମ ରହିଥିବା ବେଳେ ବୁକ ପରେ ଆପଣଙ୍କୁ ଧାର୍ଯ୍ୟ ଦର ଠାରୁ ଅଧିକ ଦର ଦେବାକୁ ହୋଇଥାଏ। 

ବିମାନ ଟିକଟରେ ସାମିଲ ହୋଇଥାଏ ଏହି ସବୁ କର
ରେଗୁଲାର ବିମାନ ଟିକଟରେ ୫ ପ୍ରକାର କର ବା ଟ୍ୟାକ୍ସ ସାମିଲ ଥାଏ। ଏହି କର ମଧ୍ୟରେ କ୍ୟୁଟ ଚାର୍ଜ, ରିଜିଓନାଲ କନେକ୍ଟିଭିଟି ଚାର୍ଜ, ଫୁଏଲ ଚାର୍ଜ, ଏଭିଏସନ ଇକ୍ୟୁପମେଣ୍ଟ ଚାର୍ଜ ପ୍ରମୁଖ ସାମିଲ ଥାଏ। ଏହି ସବୁ ଚାର୍ଜ ଗୁଡ଼ିକ ଉଡ଼ାଣରେ ବ୍ୟବହୃତ ଉପକରଣ ପାଇଁ ନିଆଯାଇଥାଏ। 

ସେହିପରି ଏଭିଏସନ ସିକ୍ୟୁରିଟି ଫିସ ବିମାନବନ୍ଦରରେ ଉପଲବ୍ଧ ସୁବିଧା ପାଇଁ ମଧ୍ୟ ଟିକଟ ସହିତ ନିଆଯାଇଥାଏ। ଉପଭୋକ୍ତା ବିକାଶ ଶୁଳ୍କ ଯେତିକି, ବିମାନବନ୍ଦରର ବିକାଶ ଏବଂ ଯାତ୍ରୀମାନଙ୍କ ପାଇଁ ଉନ୍ନତ ସୁବିଧା ପାଇଁ ଏହି ଫି ନିଆଯାଏ। ଉଦାହରଣ ସ୍ୱରୂପ, ଯଦି ଆପଣ ବିମାନବନ୍ଦରରେ କୌଣସି ସୁବିଧା ପାଇଛନ୍ତି, ତେବେ ଟିକେଟ୍ ବୁକ୍ କରିବା ସମୟରେ ଆପଣ ସେହି ସୁବିଧା ପାଇଁ ଦେୟ ପ୍ରଦାନ କରିସାରିଛନ୍ତି। ତେଣୁ ବିମାନବନ୍ଦରରେ ଉପଲବ୍ଧ ପ୍ରତ୍ୟେକ ସୁବିଧା ଆପଣଙ୍କର ଅଧିକାର ଏବଂ ଯଦି ଆପଣ ଏହାକୁ ନ ପାଆନ୍ତି, ତେବେ ଆପଣ ଏହାକୁ ଦାବି କରିବା ଉଚିତ୍।