ଯୋଗ ଗୁରୁ ରାମଦେବ ସ୍ପଷ୍ଟିକରଣ 'ଆମ ଔଷଧ ଗବେଷଣା ଉପରେ ଆଧାରିତ

Yoga Guru Baba Ramdev: ଯୋଗ ଗୁରୁ ବାବା ରାମଦେବ ଆଜି ଏକ ବଡ଼ ବିବୃତ୍ତି ଦେଇଛନ୍ତି । ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଆମର ଔଷଧ ଗବେଷଣା ଉପରେ ଆଧାରିତ ।

Yoga Guru Baba Ramdev: ଯୋଗ ଗୁରୁ ବାବା ରାମଦେବ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ, ଆମର ଜ୍ଞାନ ଏବଂ ବିଜ୍ଞାନର ସମ୍ପଦ ଅଛି, କିନ୍ତୁ ଲୋକଙ୍କ ମତ ଆଧାରରେ ସତ ଏବଂ ମିଛ ସ୍ଥିର ହୋଇପାରିବ ନାହିଁ। ବାବା କହିଛନ୍ତି ଯେ, ପତଞ୍ଜଳି କଦାପି ମିଥ୍ୟା ପ୍ରଚାର କରେ ନାହିଁ । ବରଂ ପତଞ୍ଜଳି ସ୍ୱେଦେଶୀ ଆନ୍ଦୋଳନକୁ ପ୍ରୋତ୍ସାହିତ କରିଥିଲେ। ଯେଉଁ ମିଥ୍ୟା ପ୍ରଚାର ହେଉଛି ତାହାର ସତ ସାମ୍ନାକୁ ଆସିବ । ମିଛ କାରଣରୁ ଲୋକମାନେ ଭୟଭୀତ ମଧ୍ୟ ହେଉଛନ୍ତି ।

ବାବା ରାମଦେବ କହିଛନ୍ତି ଯେ, ମୁଁ କେବେ କୋର୍ଟରେ ହାଜର ହୋଇ ନାହିଁ। କିନ୍ତୁ ମୁଁ ବର୍ତ୍ତମାନ ସୁପ୍ରିମକୋର୍ଟ (Supreme Court)ରେ ହାଜର ହେବାକୁ ପ୍ରସ୍ତୁତ ଅଛି। ମୋର ସମ୍ପୂର୍ଣ୍ଣ ଅନୁସନ୍ଧାନ ମୂଳକ ତଥ୍ୟ ଉପସ୍ଥାପନ କରିବା ପାଇଁ ମୁଁ ଅନୁମତି ମାଗିବାକୁ ଚାହେଁ । ରୋଗୀଙ୍କ ରୋଗ ଏବଂ ଔଷଧ ଗବେଷଣା ଉପରେ ଉପସ୍ଥାପନ କରିବା ପାଇଁ ଆମକୁ ମଧ୍ୟ ସୁଯୋଗ ଦିଆଯିବା ଉଚିତ୍ । 

ସେ ଆହୁରୀ କହିଛନ୍ତି ଯେ, ଲୋକଙ୍କୁ କୁହାଯାଉଛି ଥରେ ଗୁରୁତର ରୋଗରେ ଅସୁସ୍ଥ ହେଲେ ସେମାନଙ୍କୁ ସାରା ଜୀବନ ଔଷଧ ଖାଇବାକୁ ପଡିବ, ଆମେ ଯାହା କହୁଛୁ ଆପଣ ଔଷଧ ଛାଡି ପ୍ରାକୃତିକ ଉପାୟ (natural way)ରେ ଜୀବନଯାପନ କରିବା ଉଚିତ୍ । ସେ କହିଛନ୍ତି ଯେ, ଆମେ ସୁପ୍ରିମକୋର୍ଟର ପ୍ରଧାନ ବିଚାରପତିଙ୍କ ସମ୍ମୁଖରେ ଶହ ଶହ ରୋଗୀଙ୍କୁ ଚିକିତ୍ସା କରିବାକୁ ପ୍ରସ୍ତୁତ ରହିଛୁ ଏଥିସହ ସମସ୍ତ ଗବେଷଣା ସମ୍ପର୍କରେ ତଥ୍ୟ ଉପସ୍ଥାପନ କରିବାକୁ ମଧ୍ୟ ପ୍ରସ୍ତୁତ ଅଛୁ ।

ଜନତା ଆଧାରରେ ସତ୍ୟ କିମ୍ବା ମିଥ୍ୟା ନିଷ୍ପତ୍ତି ନିଆଯିବ ନାହିଁ ବୋଲି ଯୋଗ ଗୁରୁ ବାବା ରାମଦେବ କହିଛନ୍ତି । ଆମର ଶହ ଶହ ବୈଜ୍ଞାନିକ ଅଛନ୍ତି, ଆମେ ବିଭିନ୍ନ ପ୍ରକାରର ଅନୁସନ୍ଧାନ ପ୍ରୋଟୋକଲ ଅନୁସରଣ କରିଛୁ ଏବଂ ଆନ୍ତର୍ଜାତୀୟ ପତ୍ରିକାରେ ଅନୁସନ୍ଧାନ ସମ୍ପର୍କରେ ପ୍ରକାଶ କରିଛୁ। ଏହା ପରେ ଆମେ ଆମ ଉତ୍ପାଦକୁ ନେଇ ଏ ଦାବି କରୁଛୁ । ସେ କହିଛନ୍ତି ଯେ, ସମଗ୍ର ଦେଶ ସାମ୍ନାରେ ସତ୍ୟ ଏବଂ ମିଥ୍ୟା ନିଷ୍ପତ୍ତି ନିଆଯିବା ଉଚିତ୍। ଏଲୋପାଥି ପ୍ରତି ବର୍ତ୍ତମାନ ଲୋକଙ୍କ ଆଗ୍ରହ ଅଧିକ ଥିବାରୁ ସେଥିପ୍ରତି ଲୋକଙ୍କ ଭିଡ ରହୁଛି । ତାଙ୍କର ଲକ୍ଷ ଲକ୍ଷ କୋଟି କୋଟି ଟଙ୍କାର ସାମ୍ରାଜ୍ୟ ଅଛି। ତେଣୁ ଏପରି ସତ୍ୟ ଏବଂ ମିଥ୍ୟା ସ୍ଥିର ହେବ ନାହିଁ । ଏଲୋପାଥି ହସ୍ପିଟାଲ ଓ ଡାକ୍ତରଙ୍କ ସଂଖ୍ୟା ଅଧିକ ଥିବାରୁ ଲୋକମାନେ ଏଲୋପାଥି ପ୍ରତି ଅଧିକ ବିଶ୍ୱସ୍ତ ହୋଇଛନ୍ତି ।

ବାବା ରାମଦେବ କହିଛନ୍ତି ଯେ, ଚୂଡ଼ାନ୍ତ ନିଷ୍ପତ୍ତି ପର୍ଯ୍ୟନ୍ତ ଲଢେଇ ଜାରି ରହିବ । କାରଣ ଆମେ ଗରିବ ନୁହଁ, ସାଧୁମାନଙ୍କ ମଧ୍ୟ ବିଶେଷ ଜ୍ଞାନ ରହିଛି । କିନ୍ତୁ ଆମର ସଂଖ୍ୟା ଖୁବ କମ୍ ଅଟେ । ଆମେ, ଏକ ଅନୁଷ୍ଠାନ ଭାବରେ, ସମଗ୍ର ବିଶ୍ୱର ଡ୍ରଗ୍ ମାଫିଆମାନଙ୍କ ସହିତ ଏକକ ଭାବରେ ଲଢିବାକୁ ପ୍ରସ୍ତୁତ । ସ୍ୱାମୀ ରାମଦେବ କେବେ ଭୟଭୀତ ହୋଇନାହାନ୍ତି କିମ୍ୱା ହାରିନାହାନ୍ତି । ଅନ୍ତିମ ନିଷ୍ପତ୍ତି ପର୍ଯ୍ୟନ୍ତ ଆମେ ଏହି ଯୁଦ୍ଧରେ ଲଢେଇ ଜାରି ରହିବା ସହ ସୁପ୍ରିମକୋର୍ଟଙ୍କୁ ସର୍ବଦା ସମ୍ମାନ ଦିଆଯିବ ବୋଲି ସେ କହିଛନ୍ତି।

ଅନ୍ୟପଟେ ଜଷ୍ଟିସ ଅହସାନୁଦ୍ଦିନ ଅମାନୁଲ୍ଲା ଏବଂ ଜଷ୍ଟିସ ପ୍ରଶାନ୍ତ କୁମାର ମିଶ୍ରଙ୍କ ବେଞ୍ଚ୍ ପତଞ୍ଜଳିଙ୍କୁ ଚେତାବନୀ ଦେଇଛି ଯେ, ଯଦି ସେମାନଙ୍କ ଉତ୍ପାଦ ସମ୍ବନ୍ଧୀୟ ବିଭ୍ରାନ୍ତିକର ବିଜ୍ଞାପନ ଟେଲିଭିଜନ ଜାରି ରୁହେ ତେବେ ସେମାନଙ୍କ ଉପରେ ୧ କୋଟି ଟଙ୍କା ପର୍ଯ୍ୟନ୍ତ ଜରିମାନା ଲାଗୁ କରିବେ । ଭବିଷ୍ୟତରେ ଏଭଳି ବିଭ୍ରାନ୍ତିକର ବିଜ୍ଞାପନ ପ୍ରକାଶନ ନକରିବାକୁ କୋର୍ଟ ପତଞ୍ଜଳି ଆୟୁର୍ବେଦଙ୍କୁ ପରାମର୍ଶ ଦେଇଛନ୍ତି। କୋର୍ଟ କହିଛନ୍ତି ଯେ, ପତଞ୍ଜଳି ନିଶ୍ଚିତ କରିବା ଉଚିତ ଯେ, ଏହା ଗଣମାଧ୍ୟମରେ ଏଭଳି ବିବୃତ୍ତି ଦେବା ଠାରୁ ବହୁ ଦୂରରେ ରହିବ।

ଆପଣଙ୍କୁ ସୂଚନା ଦେବାକୁ ଚାହୁଁ ଯେ, ପତଞ୍ଜଳି ଆୟୁର୍ବେଦ ଦାବି କରିଛି ଯେ କରୋନାକୁ ସେମାନଙ୍କ ଉତ୍ପାଦ କରୋନିଲ ସହିତ ଚିକିତ୍ସା କରାଯାଇପାରିବ । ଏହି ଦାବି ପରେ ଆୟୁଷ ମନ୍ତ୍ରଣାଳୟ ଦ୍ୱାରା କମ୍ପାନୀକୁ ତାଗିଦ କରାଯାଇଥିଲା ଏବଂ ପରେ ଏହାର ପ୍ରମୋଶନ ବନ୍ଦ କରିବାକୁ କୁହାଯାଇଥିଲା।