Yuzvendra Chahal Video: ଫିଲ୍ଡକୁ ଆସି ବ୍ୟାଟିଂ କରିବାକୁ ଭାବିଥିଲେ ଚହଲ, ହେଲେ ପଛରୁ ଶୁଭିଲା...

ଘରୋଇ ଓ୍ୱେଷ୍ଟଇଣ୍ଡିଜ ଓ ଭାରତ ମଧ୍ୟରେ ଖେଳାଯାଇଥିବା ପ୍ରଥମ ଟି୨୦ରେ ଘରୋଇ ଦଳ ବିଜୟ ହାସଲ କରିନେଇଛି। ଓ୍ୱେଷ୍ଟଇଣ୍ଡିଜ ଲଢୁଆ ପ୍ରଦର୍ଶନ କରି ୪ ରନରେ ବିଜୟ ହାସଲ କରିନେଇଛି। ଟସ ଜିତି ପ୍ରଥମେ ବ୍ୟାଟିଂ କରିଥିବା ଓ୍ୱେଷ୍ଟଇଣ୍ଡିଜ ଦଳ ନିକୋଲାସ ପୁରନ ଓ ଲୋଭମାନ ପାଓ୍ୱେଲଙ୍କ ଲଢୁଆ ବ୍ୟାଟିଂ ଫଳରେ ଧାର୍ଯ୍ୟ ଓଭରରେ ୬ଟି ଓ୍ୱିକେଟ ବିନିମୟରେ ୧୫୦ ରନ କରିଥିଲା। ଜବାବରେ ଭାରତ ୪ ରନ ପଛରେ ରହି ଅଲଆଉଟ ହୋଇଯାଇଥିଲା। ଏହି ମ୍ୟାଚରେ ଘାତକ ବୋଲିଂ କରିଥିବା ଜାସନ ହୋଲ୍ଡରଙ୍କୁ ପ୍ଲେୟାର ଅଫ ଦ ମ୍ୟାଚ ବିବେଚିତ ହୋଇଥିଲେ। ହେଲେ ଏହାରି ମଧ୍ୟରେ ଏକ ଭିଡିଓ ଭାଇରାଲ ହୋଇଛି। ପାଭିଲିୟନରୁ ନିଜର ପ୍ରସ୍ତୁତି କରି ବ୍ୟାଟିଂ କରିବାକୁ ଆସିଥିବା ବେଳେ ଚହଲଙ୍କୁ ପୁଣି ଥରେ ପାଭିଲିୟନ ଫେରିବାକୁ ପଡ଼ିଥିଲା ଯାହାର ଏକ ଭିଡିଓ ଭାଇରାଲ ହୋଇଛି।