Weather Update: ରାଜ୍ୟରେ ଆହୁରି ୨ ଦିନ ଅସ୍ତବ୍ୟସ୍ତ କରି ଘନ କୁହୁଡି଼, ଏହିସବୁ ଜିଲ୍ଲାକୁ ଆଲର୍ଟ ଜାରି

Weather Update: ଶୀତ ଉଭାନ୍ ହୋଇ ଗଲାଣୀ।  ଏବେ କାଁ ଭାଁ ଶୀତ କେଉଁଠି ଅନୁଭବ ହେଉଛି। ହାତ ଗଣତି କିଛି ସ୍ଥାନକୁ ଛାଡିଦେଲେ ବାକି ସବୁଠି ରାତ୍ରି ତାପମାତ୍ରା ୧୫ ଡିଗ୍ରୀ ଉପରେ ରହୁଛି। ଆସନ୍ତା ୧ ତାରିଖରୁ ରାତି ତାପମାତ୍ରା ଆହୁରି ବଢିବ। ଶୀତ ପୂରା ଗାଏବ ହୋଇଯିବ।  ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି। ଝାରୁସୁଗୁଡା ଓ ରାଉରକେଲାରେ ବି ରାତି ତାପମାତ୍ରା  ସବୁଠୁ କମ୍ ୮ ଡିଗ୍ରୀ ଥିଲା। 

Warning for the State.
Day-1 to Day-3 : Dense Fog Warning at one or two places over the marked districts.
Day-4 & Day-5 : No Warning. #Odisha #weatherforecast pic.twitter.com/P4Ov4tMvIx

— Meteorological Centre, Bhubaneswar (@mcbbsr) January 27, 2025

ଆଜି ବିଶେଷକରି, ବାଲେଶ୍ବର, ଭଦ୍ରକ, ଯାଜପୁର,କେନ୍ଦ୍ରାପଡା, କଟକ , ଜଗତସିଂହପୁର, ପୁରୀ, ଖୋର୍ଦ୍ଧା,ନୟାଗଡ, ଗଂଜାମ, ଗଜପତି, ଅନୁଗୁଳ, ଢେଙ୍କାନାଳ ଓ  କେନ୍ଦୁଝରରେ ଘନ କୁହୁଡି଼ ହୋଇପାରେ।  ଉପକୂଳ ,ଆଭ୍ୟନ୍ତରୀଣ ଓ ଦକ୍ଷିଣ ଓଡି଼ଶାର ବିଭିନ୍ନ ସ୍ଥାନରେ ଘନ କୁହୁଡି ଦୃଶ୍ୟମାନ ହେବ। ଏହାସହ ବୁଧବାର ଗଂଜାମ, ଗଜପତି, ଜଗତସିଂହପୁର ଓ କେନ୍ଦ୍ରାପଡାରେ ଘନ କୁହୁଡି଼ ଦେଖାଦେବ ବୋଲି ପାଣିପାଗ ବିଭାଗ ପକ୍ଷରୁ ୟେଲୋ ଆଲର୍ଟ ଜାରି କରାଯାଇଛି। ଘନ କୁହୁଡି ଯୋଗୁ ଜନଜୀବନ ଅସ୍ତବ୍ୟବସ୍ତ । ଯାତାୟତରେ ଅସୁବିଧା ଭୋଗୁଛନ୍ତି ଯାତ୍ରୀ। ଘନ କୁହୁଡି ପାଇଁ ଘାଟି ଓ ଦୁର୍ଘଟଣା ଅଞ୍ଚଳରେ ଗାଡି ଚଳାଚଳ ବନ୍ଦ ରଖିବାକୁ ପରାମର୍ଶ ଦିଆଯାଇଛି। ବର୍ତ୍ତମାନ ରାଜ୍ୟକୁ ପ୍ରଚୁର ପରିମାଣରର ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବେଶ କରୁଥିବାରୁ କୁହୁଡି ମାତ୍ରା ବୃଦ୍ଧି ପାଉଛି ।