Weather Update: ଦିନକ ପରେ ତାତିରୁ ମିଳିବ ଆଶ୍ବସ୍ତି, ଏହି ସବୁ ଜିଲ୍ଲାରେ ବର୍ଷା ସମ୍ଭାବନା

Weather Update: ରାଜ୍ୟରୁ ଗାଏବ ହୋଇଯାଇଛି ଶୀତ । ମାଘ ହେଉଛି ମୁଣ୍ତ ଫଟା ଖରା। ଯଦି ଏବେଠୁ ଏତେ ଖରା ତେବେ, ଆସନ୍ତା ମାସରେ ସ୍ଥିତି କିଭଳି ଥିବ ଏଥିରୁ ଅନୁମାନ କରିହେଉଛି। ଏହି କ୍ରମରେ ମଙ୍ଗଳବାର ଦିନ ଭୁବନେଶ୍ବର ସବୁଠୁ ଉତ୍ତପ୍ତ ସହର ପାଲଟିଥିଲା। ତେବେ, ଏହାରି ଭିତରେ ପାଣିପାଗ ବିଭାଗ ଏକ ଆଶ୍ବସ୍ତି କଲା ପରି ଖବର ଦେଇଛି...

Weather Update: ରାଜ୍ୟରୁ ଗାଏବ ହୋଇଯାଇଛି ଶୀତ । ମାଘ ହେଉଛି ମୁଣ୍ତ ଫଟା  ଖରା। ଯଦି ଏବେଠୁ ଏତେ ଖରା ତେବେ, ଆସନ୍ତା ମାସରେ ସ୍ଥିତି କିଭଳି ଥିବ ଏଥିରୁ ଅନୁମାନ କରିହେଉଛି। ଏହି କ୍ରମରେ ମଙ୍ଗଳବାର ଦିନ ଭୁବନେଶ୍ବର ସବୁଠୁ ଉତ୍ତପ୍ତ ସହର ପାଲଟିଥିଲା।  ଦିନରେ ସର୍ବାଧିକ ତାପମାତ୍ରା ୩୭ ଡିଗ୍ରୀ ରେକର୍ଡ ହୋଇଥିଲା  ଏହାର ପଛକୁ ବୌଦ୍ଧ ଜିଲ୍ଲାରେ ୩୬ ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ଼ କରାଯାଇଛି।  ଏହି ସ୍ଥାନ ସମେତ ମୋଟ୍ ୧୫ଟି ସ୍ଥାନରେ ତାପମାତ୍ରା ୩୫ ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ଼ କରାଯାଇଛି।  ଭବାନୀପାଟଣା, ଝାରସୁଗୁଡା, ପାରଳାଖେମୁଣ୍ତିରେ ୩୫.୬, ଟିଟିଲାଗଡ, ନୟାଗଡ ଓ ଜଗତସିଂହପୁରରେ ୩୫.୫, ବଲାଙ୍ଗୀରରେ  ୩୫.୩,  ଅନୁଗୁଳରେ ୩୫.୧,  ଭଦ୍ରକ , ମାଲକାନଗିରି ,ତାଳଚେର, ଚାନ୍ଦବାଲି ଓ ବାଲେଶ୍ବରରେ ତାପମାତ୍ରା ୩୫ ଡିଗ୍ରୀ ସେଲସିୟସ୍ ରହିଥିଲା। କଟକରେ  ୩୪ ଡିଗ୍ରୀ ତାପମାତ୍ରା ରେକର୍ଡ ହୋଇଛି।

ଉପକୂଳ ଓଡ଼ିଶାର ବିଭିନ୍ନ ସ୍ଥାନରେ ରେକର୍ଡ ହୋଇଥିବା ୨୦ ଡ଼ିଗ୍ରୀ ରୁ ଅଧିକ ସର୍ବନିମ୍ନ ରାତ୍ରି ତାପମାତ୍ରା

ପୁରୀ: ୨୫.୪°C
ପାରାଦୀପ: ୨୪°C
ଚାନ୍ଦବାଲି: ୨୨.୨ °C
ଗୋପାଳପୁର: ୨୨.୨ °C
ଯାଜପୁର:୨୨ °C
ଭୁବନେଶ୍ୱର: ୨୧.୫°C
ବାଲେଶ୍ୱର: ୨୧.୪°C
କଟକ: ୨୧°C

— Meteorological Centre, Bhubaneswar (@mcbbsr) February 21, 2024

ଆସନ୍ତା କାଲି ଯାଏଁ ଉପକୂଳ ଓଡ଼ିଶାର କିଛି ଅଞ୍ଚଳରେ ଦିନ ସମୟରେ ଉଷ୍ମ ଏବଂ ଆଦ୍ର ପାଣିପାଗ ସ୍ତିତି ଲାଗିରହିବାର ସମ୍ଭାବନା ରହିଛି |

Hot & Humid weather conditions during day time over some parts of coastal Odisha are very likely to continue till tomorrow

— Meteorological Centre, Bhubaneswar (@mcbbsr) February 21, 2024

ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆସନ୍ତା ୪ ରୁ ୫ ଦିନ ମଧ୍ୟରେ ରାଜ୍ୟର ପାଣିପାଗରେ ବିଶେଷ ପରିବର୍ତ୍ତନ ହେବନାହିଁ।  ୨୧ ଓ ୨୨ ତାରିଖ ପାଗ ଶୁଖିଲା ରହିବ।  ୨୩ ରୁ ୨୭ ତାରିଖ ମଧ୍ୟରେ କେନ୍ଦୁଝର, ମୟୂରଭଂଜ, ସୁନ୍ଦରଗଡ, ଝାରସୁଗୁଡା, ବାଲେଶ୍ବର, କନ୍ଧମାଳ, ଜଗତସିଂହପୁର, କେନ୍ଦ୍ରାପଡା, କଟକ, କୋରାପୁଟ୍ , ମାଲକାନଗିରି, ରାୟଗଡା, ବୌଦ୍ଧ, ନୂଆପଡା,ବଲାଙ୍ଗୀର, ନବରଙ୍ଗପୁର, କଳାହାଣ୍ତି, ସୁବର୍ଣ୍ଣପୁର,ଖୋର୍ଧା, ଗଜପତି, ଗଂଜାମ, ନୟାଗଡ, ଢେଙ୍କାନାଳ ଓ ସମ୍ବଲପୁର ଆଦି ଜିଲ୍ଲାରେ ହାଲୁକାରୁ ମଧ୍ୟମ ଧରଣ ବର୍ଷା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।