Taarak Mehta Ka Ooltah Chashmah:ਮੋਨਿਕਾ ਭਦੌਰੀਆ ਨੇ ਨਿਰਮਾਤਾ ਅਸਿਤ ਮੋਦੀ 'ਤੇ ਲਗਾਏ ਗੰਭੀਰ ਦੋਸ਼

Taarak Mehta Ka Ooltah Chashmah: ਜੈਨੀਫਰ ਮਿਸਤਰੀ ਬੰਸੀਵਾਲ ਤੋਂ ਬਾਅਦ ਹੁਣ ਇੱਕ ਹੋਰ ਅਦਾਕਾਰਾ ਨੇ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦੇ ਨਿਰਮਾਤਾ ਅਸਿਤ ਮੋਦੀ ਉਪਰ ਗੰਭੀਰ ਦੋਸ਼ ਲਗਾਏ ਹਨ।

Taarak Mehta Ka Ooltah Chashmah: ‘ਮਿਸਿਜ਼ ਸੋਢੀ’ ਯਾਨੀ ਜੈਨੀਫਰ ਮਿਸਤਰੀ ਬੰਸੀਵਾਲ ਤੋਂ ਬਾਅਦ ਹੁਣ ਇੱਕ ਹੋਰ ਅਦਾਕਾਰਾ ਨੇ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦੇ ਨਿਰਮਾਤਾ ਅਸਿਤ ਮੋਦੀ ਖ਼ਿਲਾਫ਼ ਮੋਰਚਾ ਖੋਲ੍ਹ ਦਿੱਤਾ ਹੈ। ਜਿੱਥੇ 'ਸ਼੍ਰੀਮਤੀ ਸੋਢੀ' ਨੇ ਅਸਿਤ ਮੋਦੀ 'ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ, ਉਥੇ ਮੋਨਿਕਾ ਭਦੌਰੀਆ ਨੇ ਸ਼ੋਅ ਦੇ ਸੈੱਟ 'ਤੇ ਹੋਏ ਤਸ਼ੱਦਦ ਬਾਰੇ ਸਨਸਨੀਖੇਜ ਖੁਲਾਸੇ ਕੀਤੇ। ਮੋਨਿਕਾ ਭਦੌਰੀਆ ਨੇ ਆਪਣੇ ਤਾਜ਼ਾ ਇੰਟਰਵਿਊ 'ਚ ਕਿਹਾ ਹੈ ਕਿ 'ਤਾਰਕ ਮਹਿਤਾ' ਦੇ ਸੈੱਟ 'ਤੇ ਕੰਮ ਕਰਨ ਦਾ ਮਾਹੌਲ ਨਰਕ ਵਰਗਾ ਸੀ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਉੱਥੇ ਕਲਾਕਾਰਾਂ ਨਾਲ ਕੁੱਤਿਆਂ ਵਰਗਾ ਸਲੂਕ ਕੀਤਾ ਜਾਂਦਾ ਹੈ।

'ਤਾਰਕ ਮਹਿਤਾ' 'ਚ ਮੋਨਿਕਾ ਭਦੌਰੀਆ ਬਾਵਰੀ ਦਾ ਕਿਰਦਾਰ ਨਿਭਾ ਰਹੀ ਸੀ ਪਰ ਉਸਨੇ 2019 ਵਿੱਚ ਸ਼ੋਅ ਨੂੰ ਅਲਵਿਦਾ ਕਹਿ ਦਿੱਤਾ ਸੀ। ਮੋਨਿਕਾ ਭਦੌਰੀਆ ਨੇ ਇਸ ਨਵੇਂ ਇੰਟਰਵਿਊ 'ਚ ਦਾਅਵਾ ਕੀਤਾ ਹੈ ਕਿ ਮੇਕਰਸ ਨੇ ਤਿੰਨ ਮਹੀਨਿਆਂ ਤੋਂ ਉਸ ਦਾ ਬਕਾਇਆ ਨਹੀਂ ਦਿੱਤਾ ਹੈ। ਉਸ ਦਾ ਅਜੇ ਵੀ ਨਿਰਮਾਤਾਵਾਂ ਵੱਲ 4 ਤੋਂ 5 ਲੱਖ ਰੁਪਏ ਦਾ ਬਕਾਇਆ ਹੈ।

ਮੋਨਿਕਾ ਭਦੌਰੀਆ ਨੇ ਕਿਹਾ, 'ਮੈਂ ਪੈਸੇ ਨੂੰ ਲੈ ਕੇ ਇੱਕ ਸਾਲ ਤੱਕ ਨਿਰਮਾਤਾਵਾਂ ਨਾਲ ਲੜਦੀ ਰਹੀ। ਉਨ੍ਹਾਂ ਨੇ ਹਰ ਕਲਾਕਾਰ ਦਾ ਪੈਸਾ ਰੋਕ ਲਿਆ ਹੈ। ਚਾਹੇ ਉਹ ਰਾਜ ਅਨਦਕਟ ਹੋਵੇ ਜਾਂ ਗੁਰਚਰਨ ਸਿੰਘ। ਸਿਰਫ਼ ਟਾਰਚਰ ਕਰਨ ਲਈ ਪੈਸਾ ਰੋਕਿਆ ਜਾਂਦਾ ਹੈ। ਉਨ੍ਹਾਂ ਕੋਲ ਪੈਸੇ ਦੀ ਕਮੀ ਨਹੀਂ ਹੈ।
ਮੋਨਿਕਾ ਭਦੌਰੀਆ ਨੇ ਦੱਸਿਆ ਕਿ 'ਤਾਰਕ ਮਹਿਤਾ' ਦੇ ਸੈੱਟ 'ਤੇ ਜ਼ਿੰਦਗੀ 'ਨਰਕ' ਵਰਗੀ ਸੀ। ਮੋਨਿਕਾ ਦੀ ਮਾਂ ਕੈਂਸਰ ਦਾ ਇਲਾਜ ਕਰਵਾ ਰਹੀ ਸੀ ਪਰ ਮੇਕਰਸ ਨੇ ਉਸ ਦਾ ਬਿਲਕੁਲ ਵੀ ਸਾਥ ਨਹੀਂ ਦਿੱਤਾ।

ਉਸ ਨੇ ਕਿਹਾ, 'ਮੈਂ ਹਸਪਤਾਲ 'ਚ ਰਾਤ ਕੱਟਦੀ ਸੀ ਅਤੇ ਉਹ ਮੈਨੂੰ ਸਵੇਰੇ ਸ਼ੂਟਿੰਗ ਲਈ ਬੁਲਾਉਂਦੇ ਸਨ। ਇੱਥੋਂ ਤੱਕ ਕਿ ਜਦੋਂ ਮੈਂ ਕਹਿੰਦੀ ਸੀ ਕਿ ਮੈਂ ਆਉਣ ਦੀ ਹਾਲਤ ਵਿੱਚ ਨਹੀਂ ਹਾਂ, ਉਹ ਮੈਨੂੰ ਸ਼ੂਟ ਲਈ ਆਉਣ ਲਈ ਮਜਬੂਰ ਕਰਦਾ ਸੀ। ਸਭ ਤੋਂ ਮਾੜੀ ਗੱਲ ਇਹ ਸੀ ਕਿ ਸ਼ੂਟ 'ਤੇ ਆਉਣ ਤੋਂ ਬਾਅਦ ਮੈਨੂੰ ਇੰਤਜ਼ਾਰ ਕਰਨਾ ਪਿਆ। ਮੇਰੇ ਕੋਲ ਕੋਈ ਕੰਮ ਨਹੀਂ ਸੀ।

ਮੋਨਿਕਾ ਭਦੌਰੀਆ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਦੀ ਮਾਂ ਦਾ ਦੇਹਾਂਤ ਹੋਇਆ ਤਾਂ ਨਿਰਮਾਤਾ ਅਸਿਤ ਮੋਦੀ ਨੇ ਉਨ੍ਹਾਂ ਨੂੰ ਫੋਨ ਤੱਕ ਵੀ ਨਹੀਂ ਕੀਤਾ। ਉਸ ਨੇ ਕਿਹਾ, 'ਮੈਂ ਸਦਮੇ 'ਚ ਸੀ ਪਰ ਉਸ ਨੇ ਮੇਰੀ ਮਾਂ ਦੀ ਮੌਤ ਦੇ ਸੱਤ ਦਿਨ ਬਾਅਦ ਮੈਨੂੰ ਫ਼ੋਨ ਕੀਤਾ ਅਤੇ ਮੈਨੂੰ ਸੈੱਟ 'ਤੇ ਰਿਪੋਰਟ ਕਰਨ ਲਈ ਕਿਹਾ। ਜਦੋਂ ਮੈਂ ਕਿਹਾ ਕਿ ਮੇਰੀ ਤਬੀਅਤ ਠੀਕ ਨਹੀਂ ਹੈ ਤਾਂ ਉਸ ਦੀ ਟੀਮ ਨੇ ਕਿਹਾ, 'ਅਸੀਂ ਤੁਹਾਨੂੰ ਪੈਸੇ ਦੇ ਰਹੇ ਹਾਂ, ਅਸੀਂ ਚਾਹੁੰਦੇ ਹਾਂ ਕਿ ਤੁਸੀਂ ਹਾਜ਼ਰ ਹੋ ਜਾਓ'। ਭਾਵੇਂ ਤੁਹਾਡੀ ਮਾਂ ਦਾਖਲ ਹੈ ਜਾਂ ਕੋਈ ਹੋਰ। ਮੈਂ ਸੈੱਟ 'ਤੇ ਗਈ ਕਿਉਂਕਿ ਮੇਰੇ ਕੋਲ ਕੋਈ ਬਦਲ ਨਹੀਂ ਸੀ। ਉਨ੍ਹਾਂ ਦੇ ਸੈੱਟ 'ਤੇ ਬਹੁਤ ਗੁੰਡਾਗਰਦੀ ਹੁੰਦੀ ਹੈ ਅਤੇ ਅਸਿਤ ਮੋਦੀ ਕਹਿੰਦੇ ਹਨ ਕਿ ਮੈਂ ਭਗਵਾਨ ਹਾਂ।